mánadagur 27. februar 2006síða 8

8 Nr. 41 - 27. februar 2006 Marknaðarrák Týsdagin og mikumorgunin í farnu viku lækkaði íslendski partabrævamarknaðurin til­ samans 9%. Orsøkin var, at kredittmetingarfelagið Fitch niðurmetti kredittvirðið hjá íslendska tjóðbankanum. Moody’s og S&P, sum eru tey bæði størru kreditt­ metingarfeløgini, meta tó enn íslendska búskapin sum støðugan. Lækkingina av partabrævakursunum týsdagin tók marknaðurin sum ein góðan møguleika at keypa inn. Longu frá mikumorgni hækkaðu kursirnir aftur, og eru nú á umleið sama stigi sum áðrenn metingin frá Fitch kom. Hósmorgunin kom Fitch eisini við teirra meting av íslendsku bankunum. Hesir varðveita allir sína høgu kredittmeting. Renturnar friðarligar Februar mánaði hevur ver­ ið sera friðarligur á láns­ brævamarknaðinum. Sum sæst á myndini, helt 10-ára danska rentan sær millum 3,45% og 3,55% allan mán­aðin. Hetta er gott fyri realkredittlánsbrøv. Haraftrat komu fáar innloysingar í úrtíð til aprílterminina, og hetta stuðlaði eisini undir teimum. Vestas verður kanska uppkeypt Kursvirðið á danska vind­ mylluframleiðaranum Vestas hækkaði nógv í í farnu viku, tá óváttað tíðindi bórust um, at oljufelagið Shell er áhugað at keypa fyritøkuna til kurs 200. Kursurin er í løtuni um 135. Shell kundi hvørki vátta ella avsanna tíðindini. Hesa vikuna kunnger tryggingarfelagið Tryg­Vesta roknskap. Felagið varð skrásett á keypsskálanum í Keypmannahavn í oktobur 2005, og hevur verið dúgliga handlað. Kursurin er hækkaður 54% síðan skrásetingina. Olju­ prísurin er hækkaður aftur. Ein orsøk er yvirgangsatsóknin á Saudi Arabisk oljuverk. Høgi oljuprísurin kann leggja trýst á partabrøv hesa vikuna. Hesa vikuna Hesa vikuna koma ein rúgva av áhugaverdum kunngerðum, bæði í Evropa og í USA. ECB hevur rentufund hósdagin, og har er væntað at stutta rentan verður hækkað við 0,25%. Haraftrat koma týdningarmikil álitistøl og prísvakstrartøl. Haraftrat verður oljuprísurin í andgletti. Íslendski marknaðurin rættaði seg aftur Vika 8 2006 Donsk 10-ára renta Vísital fyri norrøn partabrøv Gjaldoyru Íløgufeløg Kursur +/- % Kursur +/- % USD 627,03 0,3% Lánsbrøv í DKK 102,48 -0,1% JPY 5,37 1,3% GBP 1.096,56 0,2% Norrøn Partabrøv 113,87 0,9% NOK 92,68 0,1% Broytingar eru útroknaðar í mun til fyri viku síðan. Myndirnar vísa gongdina seinastu 3 mánaðirnar. 3,20% 3,40% 3,60% 27/11 28/12 28/01 1010 1050 1090 1130 27/11 28/12 28/01 Hesa vikuna hevur Skandanaviska Barnamissiónin møtirøð í Føroyum. Sum liður í hesum verður peningur eisini savnaður til hjálpararbeiðið hjá felagsskapinum. Eitt hjálpararbeiði, sum í fleiri ár hevur gjørt ein veruligan mun í fyrrverandi russiska lýðveldinum Missiónsarbeiði Jákup Mørk jakup@sosialurin.fo Møtirøðin byrjaði á Lind­ini leygarkvøldið, og sunnu­dag­ in vóru móti hildin á Argjum og í Havn. Fram til mánadagin kom­ andi verða møti hildin kring alt landið, og eru tað væl kend umboð hjá barnamissiónini, sum standa fyri hesum. Bo Wallenberg, sum er leið­ari av Skandinavisku Barna­ missi­ónini, verður saman við Lyudmilu Lonyuk úr Ukraina á ymsu støðunum. Og til ber sjálvandi at tosa við tey um, hvat tað er fyri arbeiði, sum sjálvbodni fe­lags­skapurin stendur fyri. Søgulig eyðræning Lyudmila er leiðari av Skandinavisku Barna­missi­ ónini í Ukraina, har Barna­ missiónin hevur framt eitt stórt arbeiði gjøgnum fleiri ár. Ukraina er søguliga ein av fátækastu pørtunum av gamla Russlandi. Ikki minst var landið fyri sann­ari eyðræning – bæði av menn­iskjum og av tilfeingi – tá Josef Stalin drap milli­ónatals kulakkar í síni em­­bætistíð. Kulakkar, sum eina­veldisharrin segði mót­arbeiddu kollektivi­ser­ ingini. Samlaða talið ber illa til at uppgera neyvt, men søgufrøðingar siga, at talan í minsta lagi var um 7-8 milliónir fólk, sum tá máttu lata lív. Og hóast hetta hendi fyri hálvari øld síðani, so er landið framvegis ikki komið seg. Eisini í nýggjari tíð er landið rakt av vanlukkum. Í apríl mánaði í ár eru 20 ár liðin, síðani reaktor nummar 4 á Tjernobyl-verkinum sprongd­ist, men árinini av hes­um merkjast eisini í dag. Gjøgnum arbeiði sítt hev­ ur Barnamissiónin tó virkað fyri at betra um korini hjá teimum, sum vórðu rakt av hesum. Fleiri ferðir hevur bólkur av ukrainskum børn­ um verið á Føroya-vitjan. Fyrst og fremst, so at tey kunnu njóta gott av reinu náttúruni, sum ikki er fongd av radioaktivu geislingunum, men eisini so at tey kunnu njóta tann friðin og tann tryggleikan, sum valdar í føroyska samfelagnum, tá sammett verður við tað, sum hesi børn eru von við. Hjálp til eitt nýtt lív Alt arbeiðið, sum Skandi­ nav­iska Barnamissiónin ger, er sjálvboðið. Verður hugt at samlaðu tølunum, so er eyðsæð, at hóast vit her í Føroyum eru fáment, so kunnu vit eisini gera góðan mun. Samanlagt hevur føroyska deildin av Barnamissiónini sent góðar 331 tkr. til Ukraina hesi seinastu níggju árini. Bæði sum neyðhjálp og sum liður í hjálp, sum skal røkka longur enn bara til dagin í morgin. Ein av verkætlanunum, sum er stuðlað, er arbeiðið at hjálpa kvinnum, sum sita í kvinnufongsli í Milipol. Talan er her um blaðungar kvinnur, sum av ymsum ávum eru sendar í fongsul. At hjálpa hesum hevur Barna­missiónin samstarv við eina fríkirkju á staðnum, og á hendan hátt ber til at hjálpa ungu kvinnunum aft­ur á beint. Fyri nøkrum árum síðani vórðu bíbliur lætnar øllum kvinnunum í fongslinum, soleiðis at hes­ar hava skipað seg í ein bíbliu­ bólk. Næsta stigið er at hjálpa hesum í tilveruni, sum kem­ ur, eftir at tær eru leyslætnar. Ætlanin er her at lata upp eitt heim til endamálið, so kvinnurnar ikki koma beina leið út aftur í hungur, heimloysi og lógloysi. Eitt arbeiði sum munar Tað er á fleiri økjum, at føroyska deildin av Barnamissiónini hevur givið sítt ískoyti. Hendan myndin er frá einum sjúkrahúsi fyri krabbameinsrakt børn Dagur Klokkan stað Mánadagin 26/2 18.00 Evangeliihúsið í Tórshavn Jannet Olsen syngur Týsdagin 28/2 20.00 Keldan í Skálafirði Kristel og Jens Lisberg syngja Mikudagin 1/3 20.00 Solo Deo Gloria, Klaksvik Hósdagin 2/3 20.00 Oasan í Hoyvík Jannet Olsen syngur Fríggjadagin 3/3 21.00 Konsert á Læraraskúlanum í Havn Angela skipar fyri Leygardagin 4/3 20.00 Miðvágs Missiónshús Lovinda Halgaklett og ungdómskórið syngja Sunnudagin 5/3 10.30 Lívdin í Hoyví8k Jannet Olsen syngur Sunnudagin 5/3 19.00 Ebenezer í Havn Sangbólkurin luttekur Mánadagin 6/3 20.00 Frelsunarherurin í Vági Skráin komandi dagarnar