mánadagur 27. februar 2006síða 10

10 Nr. 41 - 27. februar 2006 Útvarp Føroya endurgav herfyri úr einari grein í Dimmalætting, har Poul Michelsen finst at ætl­ anunum um einans at selja triðingin í Atlantsflog í fyrsta umfari. Hetta metti man verða tíðindi, sum eru verd at endurgeva. Tað er sjálvandi áhugavert, at ein samgongutingmaður er ósamdur við einari samgonguætlan, men er tað nú tað mest áhugaverda í hesum máli? Hvussu við habilitetinum? Í desembur mánaði í fjør var Framtaksfelagið Notio endurgivið í Útvarpi Føroya fyri at hava áhuga í Atlantsflog. Hetta man helst verða einasta felag, sum alment hevur boðað frá áhuga í Atlantsflog, og tí er tað rættiliga relevant at hyggja eftir, hvør stendur aftanfyri hetta felag. Her hitta vit aftur Poul Michelsen. P/F Poul Michelsen var ein av stovnarunum av Framtaksfelagnum Notio. Notio eigur eisini 30% av partapeninginum í P/F Poul Michelsen. Hetta merkir, at tinglimurin Poul Michelsen ikki bara er tinglimur, men eisini er ein av stovnarnum av felagnum, sum alment hevur boðað frá áhuga í at keypa Atlantsflog. Sama Notio felag, sum er stóraktionerur í P/F Poul Michelsen í dag. Hetta setir hansara viðmerkingar í eitt heilt annað ljós, og kann tað undra, at eingin hevur mett hesar upp­ lýsingar verða áhugaverdar fyri borgaran, tá man nú avger at endurgeva Poul Michelsen. Tað kundi verið áhugavert at fingið eina afturmelding frá miðlunum, sum endurgeva Poul Michelsen, um hví tað ikki var mett at hava áhuga millum fólk, at sami Poul Michelsen er tætt knýttur at Notio. Man kundi spurt, hví ikki varð ringt til ein dansk­ an serfrøðing og spurt, um tað hevði komið fyri, at ein danskur fólkatingslimur, ið var ein av stovn­arnum av einari fyritøku, sum alment hevur boðað frá áhuga í einari statsogn, hevði úttalað seg um søluna av somu statsogn. At talan er um ein habilitetstrupulleika er helst lítil ivi um, óansæð um einum tørvar at ringja til onkran hissini serfrøðing ella ikki. Poul Michelsen kann salvandi sum tinglimur úttala seg um hvat sum helst, men tað eigur at verða sjálvsagt, at slík úttalilsi verða sett í samanhang og vigað hareftir. Tá nú eitt felag, sum P/F Poul Michelsen er ein av stovnarunum av, og sum har­ afturat hevur keypt 30% í P/F Poul Michelsen, alment hevur víst áhuga í at keypa Atlantsflog, so setur tað úttalilsini hjá Poul Michelsen um søluna av Atlantsflogi í perspektiv. DAGSINS MEINING Sosialurin Ringið til ein danskan serfrøðing! VIÐMERKINGAR Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Redaktiónssekreterur: Inna Törnroos inna@sosialurin.fo Fíggjarleiðari: Tóki Højgaard toki@sosialurin.fo Marknaðardeild: lysing@sosialurin.fo Jonhard Hammer jonhard@sosialurin.fo Durita Simonsen durita@sosialurin.fo Finnbjørg Nattestad finnbjorg@sosialurin.fo Gudny Langgaard gudny@sosialurin.fo Blaðfólk: Áki Bertholdsen aki@sosialurin.fo Vilmund Jacobsen vilmund@sosialurin.fo Snorri Brend snorri@sosialurin.fo Magnus Gunnarsson maggi@sosialurin.fo Terji Nielsen terji@sosialurin.fo Anna V. Ellingsgaard anna@sosialurin.fo Eydna Skaale eydna@sosialurin.fo Rigmor Dam rigmor@sosialurin.fo Lív Højsted Horsdal horsdal@sosialurin.fo Ítróttur: Jákup Mørk jakup@sosialurin.fo Terji Nielsen terji@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Sosialurin í Norðoyggjum: Nólsoyar Pálsgøta 1, 700 Klaksvík tel. 458686 fax 458687 e-post: klaksvik@sosialurin.fo Sosialurin í Suðuroy: tel. 375364 fax 375464 tel. 228814 e-post: aki@sosialurin.fo e-post: dagfinn@sosialurin.fo !!! Haldarar sum ikki hava fingið blaðið, kunnu ringja til 341818 og boða frá, leygardag tó frá kl. 11.00-13.00 Uppseting/prent: Uppseting: Føroyaprent Prent: Prentmiðstøðin Útgevari: Sp/f Sosialurin Avgreiðsla: Mán.-frí. 8-16 Tórsgøta 1, 100 Tórshavn Tel. 341800, Fax 341801 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo varp@sosialurin.fo Blaðið verður prentað mánadag-fríggjadag klokkan 1400 Lýsingar Freistir: Tekstlýsingar Størri lýsingar Lýsingartorgið Heilsanir Mánadagsblaðið Mán.kl. 10 Frí. kl. 15 Frí. kl. 12 Frí. kl. 12 Týsdagsblaðið Týs. kl. 10 Mán. kl. 15 Mán. kl. 12 Mán. kl. 12 Mikudagsblaðið Mik. kl. 10 Týs. kl. 15 Týs. kl. 12 Týs. kl. 12 Hósdagsblaðið Hós. kl. 10 Mik. kl. 15 Mik. kl. 12 Mik. kl. 12 Fríggjadagsblaðið Frí. kl. 10 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39mm og rúmið millum teigarnar er 4mm. Innsent tilfar Fult navn skal vera undir innsendum tilfari. Innsendar greinar, har blað­leiðsl­an ikki er kunnað um bústað og telefonnummar, verða ikki settar í blaðið. Tíðliga í fjør summar sam­ tykti býráðið at fara undir at endurskoða býarætlanina fyri gomlu Tórshavnar komm­unu. Hetta arbeiðið er nú lokið, og býráðið hevur samtykt endurskoðaðu heild­ arætlanina fyri tíðarskeiðið 2005-2022. Roknað verður við eitt sind­ur minni fólkavøkstri enn í teirri ætlæanini, sum farið varð undir í 2001. Tá varð roknað við einum miðal fólkavøkstri í Tórshavnar kommunu uppá 1,75 prosent árliga fram til 2022. Hetta tal er nú stillað niður til 1,25 prosent í árligum fólka­vøkstri. Broytingin bygg­ir á gongdina í fólka­tal­ inum seinastu árini. Still­ing­ in merkir m.a., at krøvini til kommununa um byggilendi og stovnar av ymsum slag verða heldur minni, enn mett varð fyri fáum árum síðani. Høvuðssetningurin í ar­beið­num at endurskoða heild­ar­ætl­anina var, at fáa landafrøðiliga javnvág í býarmenningina og raðfesta Vesturbýin og økið hjá gomlu Argja kommunu fremri í tíðarætlanini, enn gjørt varð í fyrru heildarætlanini. Hetta er gjørt á tann hátt, at býarmenningin í Hoy­ víkshaganum verður tamb­ að í tíð samstundis, sum út­bygging av Vesturbýnum og Argjum verður tikin long­ ur fram. Ætlaðar byggingar og út­stykkingar vestanfyri verða skundaðar fram í tíðar­ætl­anini 2005 til 2022. Um­vent merkir hetta, at tað verður ikki lagt so stórt trýst á Hoyvíkshagan so tíðliga í skeiðnum, sum ætlanin ann­ ars var. Frá Hamrinum til Stórutjørn Tað vestasta, hendan ætlanin fevnir um, er víðkan av bygg­ ingini á Hamrinum á Argj­ um, og tað norðasta økið, sum ætlanin er at byggja, er við Stórutjørn í Hoy­víks­ haganum. Harímillum eru ymisk øki, sum verða løgd út ser­liga til bústaðarbygging og stovns­ byggingar, sum hoyra einum framkomnum býi til. Sum dømi um aðra nýggja útstykking kann nevnast, at ætlanin er at binda sam­an millum Miðhorn og Norð­ asta Horn, og ætlanin er eisini sum frálíður at fara und­ir bústaðarbygging Undir Vest­urvarða í Flatnahaga. Samstundis, sum ætlanir verða lagdar um bústaðarøki, verða eisini lagdar ætlanir um øki, har vinnulívið kann húsast. Hesi bæði mugu ganga hond í hond, tí annars er ongin samanhangur í fram­ tíðarætlanunum. Í stóran mun er ætlanin at leggja tey tungu ar­beiðs­­pláss­ ini í nánd av Sandvíkahjalla og Skarðshjalla, með­an onn­ur lætt­ari ar­beiðs­pláss kunnu hava til húsa í saman­ tvinnaðum býling­um, har bæði bústaðir og arbeiðspláss kunnu vera – eitt nú við ta nýggju Karlamagnusarbreyt í Hoyvíkshaga og á Boða­ neshamri. Til tess, at ikki øll størri og miðalstór vinnuvirki enda í einum og sama horni av býnum, verður eisini lagt upp til møguleikar hjá vinnu­ virkjum vesturi í bý­num. Stór ónýtt øki Býráðið ásannar, at plán­ urin fyri menning av Vest­ur­ býnum og grannalag hev­ur ikki verið nóg góður. Bý­ráð­ ið ásannar eisini, at tað al­ menna hevur fingið fleiri stór øki á hesi leið til taks til almennar stovnar, sum ong­an veg ganga. Hetta arbeiður ímóti okk­ ara býar­plán­legg­ing og darv­­ar okk­ara menn­ing av býar­­part­in­­um. Tað ber ikki til, at stórar víddir í Vestur­ býnum liggja ónýttar mitt inni millum húsini, tí tá fæst býar­parturin ikki til at rigga sum tann heild, hann er ætl­ aður at vera. Býráðið eigur tí at um­ hugsa at seta tí almenna, eins og øllum øðrum, treytir fyri, nær og hvussu skjótt bygt eigur at verða. Verður ikki bygt innan eitt ávíst áramál, mugu vit lata lendið fara til annað, kanska líknandi enda­ mál, og útvega tí almenna lendi aðrastaðni. Hesumegin Kirkjubøreyn Nú býráðið hevur samtykt endurskoðaðu býarætlanina fyri gomlu Tórshavnar komm­unu, verður farið undir eina skip­anarætlan fyri tann partin av gomlu Kirkjubøar kommunu, sum liggur argja­ megin ella havnarmegin Kirkju­børeyn. Hendan ætlan fer óiv­að eisini at fáa árin á heild­ar­ ætlanina fyri býin. Har eru stórir spurningar uppi, sum ikki sampakka væl. Skula vit hava flogvøll á Glyvursnesi ella skula vit ikki hava flogvøll á Glyvurs­ nesi? Stýringarbólkurin, sum er mannaður við fólki úr sam­gongu, minniluta og em­bætisverki, fer undir hetta arbeiðið við víðari sjón og miðar eftir at gera tvær alternativar ætlanir – eina við flogvølli og eina uttan flogvøll. Býarætlan snarar Havnini vesturá Vara­borgar­stjóri í Havn Jógvan Arge Rættleiðing til Dánjal Bjarkhamar og teir, sum skriva Hamrabø (Havrabø) í staðin fyri Prestajørðin. Á borgarafundi í VB húsinum sunnudagin 29. januar 2006, eftir at borgarstjórin hevði lagt málið fram, um at byggja eitt ellisheim her í Vági á Prestajørðini, segði Dánjal Bjarkhamar ógvu­liga avgjørdur, at nú hevði borgarstjórin funnið uppá at kalla økið, har ellis­ heim skuldi byggjast, fyri Prestajørðin. Hann hevði altíð rópt tað fyri Hamrabø, og fór altíð at rópa tað Hamrabø. Vágbingar hava nú aldrin sagt Hamrabø men Havrabø. Nei, mín góði Dánjal. Borgarstjórin visti, hvat hon tosaði um. Tí hon hevur virðing fyri, hvussu hesi ymisku plássini í bygd­ ini eita. Tað vísti seg soleiðis, at tú ikki visti, hvar ið Prestajørðin var, og enn minni hvar ið Prestatrøðin var. Tað veit hvørt mansbarn her vesturi í bø, at hitt ólukku hol er grivið mitt í Prestatrøðini. Havrabøur byrjar við matr. nr. 591a og liggur vestan fyri Prestajørðina. Havrabøur hoyrir til Havrahaga og er ognarjørð. Prestajørðin er landsjørð. Tí er tað nokk so løgið, at Vágs Býráð fer at samráðast við Jarðaráðið um at sleppa at byggja eitt ellisheim í Bavra­bø, sum er ogn hjá nøkr­um vágbingum. Takk Kirstin og teir, sum stuðla tær í býráðnum. Vón­ andi megna tit at fáa bygt eitt ellisheim á Prestajørðini. Rættleiðing Vestan Hol, 900 Vágur Torleif Augustinussen