mikudagur 1. mars 2006síða 12

12 Nr. 43 - 1. mars 2006 Konfirmantarnir í Havn 3. oktober 1915: Teir 9 dreingir aftast f.v.: ókendur, ókendur, ókendur, ókendur, ókendur, Samuel Samuelsen (Sámal á Smirli), ókendur, Thomas Meinert Sigurd Zachariasen (Hestur) og Samuel Kristoffer Johannesen (Hestur). Teir 19 konfirmantarnir í miðjuni f.v.: Hildigard Pat­ urs­son (Kirkjubø), Kirsten Lützen (Havn), Frida Johanne Christine Poulsen (Hestur), Johannes Martin Frimodt Joensen (Hestur), Frida Christi­ansen (Havn), Hans Nikodemus Chofas Poulsen (Hestur), ókendur, Jørg­en Frantz Jacobsen (Havn), ókendur, Anna Henriette Sofie Hansen (Havn), ókendur, ókendur, ókendur, Trond Sof­us Hans Emil Olsen (Velbastað), ókend­ur, Cornelius Christian Frederik Reinert (Kalbak), Daniel Jacob Elieser Joensen (Havn), Sigga Sofie Olga Marie Lindenskov (Nólsoy), ókend. Teir 7 konfirmantarnir fremst f.v.: Jo­hanne Kristine Zachariasen (Hestur), Ann­eke Tekla Christiansen (Havn), ókend, ókend, Anna Kathrine Sofie Poul­sen (Velbastaður), Niels Martin Dion Mikkelsen (Velbastaður) og ókend. Teir konfirmantarnir, sum ikki eru navngivnir á myndini, eru: Magnhild Elisabeth Samuelsen, Olevine Elisabeth Mortensen, Josefine Marie Johansen, Hans Emil Sofus Michelsen, Aksel Mich­elsen, Napoleon Oliver Andreassen, Johannes Hansen, Johan Hansen, Oluf Frits Hansen, Sofus Mikael Hansen, Jak­ob Martin Christiansen, Carl Niklas Samu­elsen, hesir konfirmantarnir eru allir úr Havn. Síðani koma: Thomine Johanne Frederikke Petersen (Hestur), Johanne Frederikke Hansen (Kaldbak), Aksel Hans Viktor Vang (Kaldbak), Aug­ ustinus Andreas Hans Heine Sofus Joensen (Kaldbak), Peder Skeel Sandy Vang (Kaldbak), og Jakob Sigvard Poul­sen (Nólsoy). Á myndini eru 13 gentur, meðan 14 blivu fermdar. Dreingirnir á myndini eru 22 í tali, meðan 23 vórðu fermdir. Vit fara so inniliga at biðja lesararnar um at hjálpa okkum við at fáa tey røttu nøvnini til teir røttu persónarnar. Vinarliga ringið til Birgar Johannessen á tlf. 314647 ella 214647. Tórshavnar alfrøði: Konfir­ mant­ar­nir í 1915 NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Nú Føroya Banki verður 100 ár, verður serstøk minniskróna gjørd. Somuleiðis verður nýggj bók í løtuni skrivað um bankan Banki Tíðindaskriv 300.000 kr. vórðu teknaðar í partapeningi, tá føroyingar fyri 100 árum síðani fingu sín fyrsta banka. Arbeiðið við hesum hevði tá verið ávegis í eina tíð. Longu í 1903 varð spurningurin lagdur fyri løgtingið, og í 1904 vendi serstøk nevnd sær til danska Landmansbanken, sum varð biðin um at lata upp deild í Føroyum. Úrslitið gjørdist, at Føroya Banki varð stovnaður við 300.000 krónum í parta­ peningi. Føroyingar kundu tekna helmingin av parta­ peninginum, men vóru varnir og teknaðu 14.400 krónur. Føroya Banki fór til verka 1. mars í 1906 í húsunum hjá Vilhelm Poulsen í Niels Finsensgøtu, sum tá æt Nyevej, og flutti í november sama ár í nýggj høli í Tórsgøtu. Bygningurin har, sum nú hýsir Tilhaldinum, kostaði 60.000 krónur. Virksemið hjá Føroya Banka vaks støðugt frá 1906 til 1914. Við árslok í 1906 vóru innlánini í bankanum 146.000 krónur. Átta ár seinni vóru tey 820.000 krónur. Útlánini øktust hesi átta árini úr 72.000 krónum upp í 178.000 krónur. Føroya Banki læt upp sína fyrstu deild uttan fyri Havnina á Tvøroyri í 1922. Næsta avgreiðslan uttan fyri Havnina varð latin upp í Miðvági í 1943. Góð 10 ár seinni læt bankin upp deild í Klaksvík. Tað var í 1955. Samanlagdur banki Føroya Banki hevði høv­ uðs­skrivstovu í Tórsgøtu frá 1906 til 1958, tá flutt varð inn í nýggja stásiliga bygningin millum Niels Fin­sensgøtu og Tórsgøtu. Bygningurin kostaði tvær milliónir krónur og var við sínum fimm hæddum ógvusligur á at líta tá. Í 1932 fekk Føroya Banki kapping frá nýggja Sjó­ vinnubankanum. Henda kapp­ingin vardi í 60 ár og helt uppat, tá bankarnir í níti­ árunum vórðu lagdir saman. Samanlagdi bankin varð­ veitti navnið Føroya Banki og fekk sær búmerkið hjá Sjóvinnubankanum. Í dag hevur bankin høv­uðs­skriv­ stovu í bygninginum, sum Sjóvinnubankin læt byggja við Húsagøtu í Havn. Føroya Banki hátíð­ar­ heldur 100 ára føðingardagin við fleiri spennandi tiltøkum og tilboðum til kundarnar í ár. Lagt verður fyri við at al­mannakunngera nýggja 100 ára merki bankans, sum Reproz hevur gjørt. Tað er ein gullkróna við eyð­kenda sjómanninum og innskriftini “Føroya Banki 1906-2006 100 ár - yngri enn nakrantíð. – Hóast heila øld gamal leggur Føroya Banki støðugt dent á at vera nýskapandi og fylgir við tíðini. Í herdu kappingini ræður um at ganga á odda við teimum bestu tænastunum, og hvønn dag strongir bankin á at fremja hendan setning í verki,” sigur Janus Petersen, forstjóri í Føroya Banka. Bókaútgáva og kundatiltøk Millum mongu tiltøkini, Føroya Banki skipar fyri í ár, er ein forkunnug bókaútgáva um søguna hjá bankanum. Jørn Astrup Hansen, fyrr­ver­ andi forstjóri, stendur saman við Jóan Paula Joensen, pro­fessara, fyri at greiða arbeiðið úr hondum. Bókin verður útgivin í heyst. Føroya Banki fer eisini at skipa fyri stórum kunda­ til­tøkum kring landið. Tey verða almannakunngjørd so hvørt. Hesa vikuna verða allar deildir bankans prýddar við nýggja hátíðarmerkinum og føroyskum fløggum, og bankin bjóðar kundunum okkurt søtt undir tonnina. Á komandi aðalfundi, tá árs­frágreiðing og ársúrslit verða løgd fram, verður eisini gjørt burtur úr 100 ára føðingardegnum. Føroya Banki 100 ár Serstakur minnismyntur er prentaður, nú bankin há­tíðarheldur 100 ára dagin Føroya Banki fór til verka 1. mars í 1906 í húsunum hjá Vilhelm Poulsen í Niels Finsensgøtu