mánadagur 6. mars 2006síða 3

Nr. 46 - 6. mars 2006 3 Ein drongur, sum datt gjøgnum ísin í gamla vatnbrunninum í Hoyvík, varð bjargaður í síðstu løtu Vanlukka Rigmor Dam rigmor@sosialurin.fo Drongurin, sum var um 10- 12 ára gamal, hevði krampar og var ísakaldur, tá hann var bjargaður upp á land, av Peturi, sum av tilvild kom framvið. Leygarkvøldið hevði Petur H. Jacobsen verið uppi á Flat við dóttrini, sum skuldi vitja vinfólk. Útkomin úr húsinum hoyrir hann neyðaróp, og hann staðfestir skjótt, at róp­ini koma frá økinum við gamla vatnbrunnin, sum nú meira er átøkur eini tjørn. Økið er nærum manntómt, so Petur ger ikki mætari enn at renna móti rópunum. Hann kemur tá fram á ein drong, sum er dottin gjøgnum ísin, og sum nú liggur skelvandi og hjálparleysur í ísakalda vatninum. Uppi á landi gong­ ur ein annar drongur ráða­ leysur. Petur fær drongin upp á turt, og hann sær, at drongurin hevur krampar, og at hann er ísakaldur. Hann leggur drongin upp á eina sledu og dregur hann heim, har mamman tekur ímóti honum. Petur sigur, at um talan var um eitt barn í 4-5 ára aldri, so hevði tað neyvan verið á lívi í dag. Fólk í grannalagnum siga, at tey vanliga leggja børn­unum eina við ikki at spæla í gamla vatn­brunn­ inum, ikki minst nú frost er. Ísurin er tunnur og als ikki tryggur at ferðast á, og sum kunnugt er ikki tespiligt at detta gjøgnum ísin. Vit spurdu Kartna Jacob­ sen, sum er brandmeistari og hevur ábyrgdina av til­ búgv­ingini hjá Tórs­havn­ ar Kommunu, um tað er ráðiligt, við slíkum vanda­ miklum spælipláss. Hann segði, seg ikki kenna til gamla vatnbrunnin, men at tað er kommunan, ella býar­ gartnarin, sum hevur ábyrgd­ ina av fríøkjum. Á Teknisku Deild hjá býráðnum fingu vit fatur á Tóra í Hoyvík, býargartnara, og segði hann, at tey ongar ætlanir hava um at tryggja økið meira. – Vit duga ikki at síggja, hvussu vit kunnu tryggja økið betur. Ætlanin er, at tað skal vera frítt hjá øllum, og vit duga ikki at síggja, at tað verður tryggari av at skelta, sigur hann, og vísir annars til politiviðtøkuna, sum sigur, at tað er ikki loyvt at ferðast á ísi uttan loyvi frá politinum. Og hann greiðir frá, at fyri fáum árum síðani var brunnurin fyltur við gróti, so hann nú bert er ein hálvum metur. Fyrr var hann 5 metrar djúpur. – Av løgreglustøðini sigur vakthavandi, at viðkomandi, sum hevur ábyrgdina av skelt­ ing er ikki at treffa, men at fyrispurningurin um skelting skal verða sendur víðari. Datt gjøgnum ísin – kundi verið sorgarleikur Drongurin gekk nakrar ferðir aftur og fram á ísinum, áðrenn hann datt ígjøgnum Mynd: Álvur Haraldsen