mánadagur 6. mars 2006síða 28

28 Nr. 46 - 6. mars 2006 VB vann týdningar­ leysa heimadystin á Stjørnuni, men sálarligi týdningurin av sigrinum kann neyvan undirmetast Hondbóltur Jákup Mørk jakup@sosialurin.fo Hóast dysturin í Vági byrjaði hálvan tíma áðrenn tann í Havn, so mundu hvørki VB ella Stjørnan ivast í, at Neistin skuldi fara við sigrinum í høvuðsstaðnum. Tað gjørdi í veruleikanum, at dysturin í Vági var týdningarleysur, tí líkamikið, hvussu úrslitið skuldi laga seg, so skulu liðini hittast aftur, tá hálvfinalurnar koma á skránna. Ikki treytaleyst Í hesum ljósinum hevði Stjørn­an valt at spara nakað upp á fólkið. Fyrst og fremst, so ráddi um ikki at fáa nakrar óneyðugar skaðar ella keðilig leikbann, og so kom sjálvur dysturin í aðru røð at kalla. Ikki soleiðis, at Stjørnan ikki ynskti at vinna dystin, men hetta skuldi altso ikki gerast fyri ein og hvønn prís. Fyrstu løtuna gekk annars javnt á, men um miðjan fyrra hálvleik kom verulig gongd á VB. Seks ferðir á rað sat bólturin í Stjørnu-málinum, og tað var ein munur, sum Stjørnan ongan tíð vann aftur. VB hevur annars fleiri ferðir sýnt troyttleikatekin móti endanum av hvørjum hálvleiki, men hesa ferð vóru tey tó ikki so sjónlig, sum tey onkra tíð hava verið. Hálvfinalurnar Spurningurin er so, hvussu leikur fer, tá liðini aftur hitt­ ast í hálvfinalunum. Í øllum førum man sálarliga lyfti hjá VB hava verið ikki heilt einki. Eitt lyft, sum eisini var harðliga tiltrongt, nú úrslitini als ikki hava verið eftir vild seinastu dystirnar. Tað kann geva teimum trúnna uppá, at finalan kann røkkast, hóast Stjørnan á pappírinum framvegis má sigast at eiga sterkasta liðið í landinum. Samstundis er tað eis­ini spurningurin,hvørt stríðs­ viljin hjá Stjørnuni er nóg stórur, nú avgerandi dystirnir standa fyri framman. Av seinatu fýra dystunum eru tríggir taptir. Og tó at boðini eru, at spælarar og venjari nú taka tað róligt, so kann hetta skjótt gerast ein følsk sannføring um, at eingin vandi er á ferð. Ásanna spælararnir ikki tann vandan, kann skjótt henda seg, at hálvfinalurnar verða endastøðin hjá Stjørn­ uni, og tað var so ikki tað, sum ætlanin var ndan kapp­ ingarárinum. VB-Stjørnan 28-23 (15-10): Stjørnan fall í Vági Neistin vissaði sær oddasessin í enda­ spælinum, tá tær vunnu tryggan sigur á grannunum úr Kyndli Hondbóltur Jákup Mørk jakup@sosialurin.fo Neistin hevur at kalla ver­­ið flúgvandi síðani á nýggjárinum. Fyrsta dystin, sum var á heimavølli móti Stjørn­uni, taptu tær, men síð­ani hevur talan bara verið um sigrar. Millum annað tvær ferðir móti ávíkavist Stjørnuni og VB. Manuela sum lykil Sunnudagin spældu tær so fyri at halda fast um odda­ sessin í endaspælinum, og eisini tann uppgávan varð loyst til fulnar. Fyrstu góðu løtuna var tó einki, sum bendi á nakran stórsigur. Tvørturímóti, so hevði Kyndil sera góðan hug at halda væl fast í odda­ liðnum, sum hevði trupult við at fáa samanhang í spælið. Ein lítil løta kring miðan fyrra hálvleik tóktist tó at avgera tað heila. Frá at vera aftan fyri 4-6, leyp Neist­in innan góðar tveir minuttir upp á 8-6 við fýra skjótálopum á rað, og so fekk Kyndil ongan tíð samband aftur. Sum ikki einaferð, so var tað Manuela Stan Jensen, sum var upphavið til mongu mótálopini hjá Neistanum. Við neyvu útkøstum sínum megnaði hon ferð eftir ferð at finna leysar viðspælarar, og tá Kristina Griksaite royndi at koma langt út fyri at forða hesum, kastaðu Manu bara beina leið í kassan. Soleiðis var mesti ivin beind­ur burtur longu undan steðginum. Seinna hálvleik var spurningurin bara, hvussu stórur sigurin skuldi verða. Ein støða, sum ikki gjørdist frægari hjá Kyndli, tá Jórun Ludvík noyddist av vøllinum, eftir at hon og Nicoleta rendu saman. Finaluklárar Umframt at staðfesta odda­ sessin í endaspælinum, fekk Neistin eisini trygd fyri, at tær báðar hálvfinalurnar eisini verða móti Kyndli. Tað líkist eini støðu, har tær bláu kunnu vera púrasta vísar í einum finaluplássi. Tí hóast Kyndil til tíðir hevur argað Neistan í ár, so eru tað við at vera nøkur ár síðani, at tær seinast hava vunnið í landskappingardysti. Og við formkurvuni hjá Neistanum í huga, tykist hendan støðan ikki at broytast soleiðis uttan víðari. Neistin-Kyndil 29-17 (14-8): Stórsigur í grannauppgerðini Tá tær bláu fingu verju- og málmansspæl at rigga, fekk Kyndil ikki gjørt stórt meira Mynd: Álvur VB vann ein tryggan sigur á Stjørnuni, sum nú hevur tapt tríggjar av fýra teimum seinastu dystunum Mynd: Áki VB-Stjørnan 28-23 (15-10) Málskjúttar VB: Daiva Toumaite 7, Gurið Mortensen 7, Mariza Zilko 5(1), Svava Vestergaard 3, Monika Samuelsen 2, Margreth Augustinussen 2, Sára Samuelsen 1, Jóna Thorsteinsson 1 Stjørnan: Alina Olaru 9(2), Durita Christophersen 5, Anna Kristina Samson 3, Una Olsen 2(1), Edith Hansen 2, Joan Midjord Djordjevic 1, Katarina Stepanoc 1 Brotskøst: VB 3, Stjørnan 7 Útvísingar: VB 2, Stjørnan 4 Dómarar: Kristian Johasnsen & Sámal Paulason FAKTA UM DYSTIN Neistin-Kyndil 29-17 (14-8) Málskjúttar Neistin: Nicoleta Radu Hansen 12(2), Ása á Neystabø 5, Mildrið Jacobsen 4, Katrin á Neystabø 2, Kára á Dunga 2, Gunnvá Brockie 1, Rakul Augustinussen 1(1) Kyndil: Lina Adriulyte 9(4), Jórun S. Ludvík 2, Linda Weihe 1, Anja Heinadóttir 1, Ronja M. Mikkelsen 1, Hildur Høghamar 1, Randi S. Wardum 1 Brotskøst: Neistin 6, Kyndil 5 Útvísingar: Neistin 1, Kyndil 3 Dómarar: Hallur Danielsen & Dánjal Samuelsen. Í ein­um til tíðir rótutum dysti vóru teir ikki altíð heilt vaknir. FAKTA UM DYSTIN FM-bólkurin v t d v - j - t mál mál +/- stig 1 Neistin 6 5 - 0 - 1 150 118 32 10 2 Stjørnan 6 3 - 0 - 3 147 134 13 6 3 VB 6 3 - 0 - 3 133 146 -13 6 4 Kyndil 6 1 - 0 - 5 116 148 -32 2 Sunset-kappingin - Niðari bólkurin v t d v - j - t mál mál +/- stig 1 StÍF 6 5 - 0 - 1 147 118 29 10 2 Søljan 6 4 - 0 - 2 133 122 11 8 3 Tjaldur 6 2 - 0 - 4 135 151 -16 4 4 VÍF 6 1 - 0 - 5 123 147 -24 2 v t d v - j - t mál mál +/- stig 1 Kyndil 8 5 - 1 - 2 484 422 62 19 2 VÍF 8 6 - 1 - 1 496 464 32 19 3 H71 8 4 - 0 - 4 473 420 53 16 4 StÍF 8 5 - 0 - 3 452 448 4 16 5 KÍF 8 3 - 0 - 5 441 476 -35 8 6 Neistin 8 0 - 0 - 8 455 571 -116 1