hósdagur 9. mars 2006síða 15

Nr. 49 - 9. mars 2006 15 NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Týskvøldið andaðust 10 ára gamli Martin Páls­son Arge, sonur Sunnivu Arge og Páll H. Rasmussen, og 9 og 6 ára gomlu Teitur og Niklas Róason, synir Kristinu S. Hansen og Róa á Rógvu Joensen. Jarðarferðin verður lýst seinni Jarðarferðin við Leif Nólsø, fyrrverandi lær­ ara, verður fríggjadagin 10. mars kl. 13.30 úr Sør­ vágs Kirkju. Tey, ið vilja minnast Leif, kunna lata eina peningagávu til Sørvágs Kirkju; konta í peningastovnunum. Andlát og jarðarferðir Dagurin í morgin 10. mars. Eðla. Einki halgimenni er við hesum navni, men sipað verður kanska til enska abbadissu Sanktu Etelredu, sum doyði 10. mars í 626. Helst týska navnið Adelheid, hin ediliga. Fríggjadagin 10. mars fyllir Bendt Jensen, fyrr­ ver­andi yvirlækni á Lands­ sjúkrahúsinum, 85 ár. Bendt Jensen var yvirlækni á Medisinskari deild á Landssjúkrahúsinum frá 1960 til 1973. Bendt er føddur og uppvaksin í Odense og kom til Føroya at virka sum lækni á fyrsta sinni í 1959. Frammanundan hevði hann arbeitt á ymsum sjúkrahúsum í Danmark og Norðursvøríki. Bendt Jensen var fyrsti yvir­lækni á Lands­sjúkra­ hús­inum, ið varð settur aftrat Paula Dahl, og hann átti eisini sín part í, at tað nýggja Landssjúkrahúsið stóð liðugt í 1967. Bendt Jensen bar orð fyri at vera ein sera dugnaligur og nærlagdur lækni, og til­tikin barngóður. Hann mundi eisini vera ein tann fyrsti danskari, ið gjørdist limur í Suðurstreymoyar Tjóð­veld­is­ felag, nakað sum kanska ikki var so vanligt tá á døgum. Í teirri lítlu Havnini, sum tá varð, gjørdust læknahjúnini Uppi undir Varða ein býar­ mynd. Tey fullu sera væl til í Føroyum, men valdu kortini at flyta aftur til Danmarkar í 1973. Í mong ár høvdu hjún­ ini privatklinikk í Roskilde, og eftir at Bendt fór frá við eftirløn, hava tey búð á Frederiksberg. Bendt Jensen er væl kend­ ur í læknaverðini fyri sínar medisinsku ritgerðir. Føðingardagin heldur Bendt Jensen heima við hús. Adressan er: Godthåbsvej 95, st. t. h.,Dk-2000 Fred­eriks­ berg, tlf. 0045-38869732 Heri Eysturlíð Í dag, hósdagin 9. mars, verður Magni Petersen á Argjum 60 ár. Magni er føddur og upp­ vaksin í Sandavági, foreldrini vóru Jacob og Jóhanna. Eftir lokna skúlatíð fór hann í smiðjulæru á verk­ staðnum hjá Viggo og Jørgen Johannesen í Sandavági. Síðani fór hann út at sigla sum aspirantur við skipi hjá Mærsk, og vardi hesin fyrsti túrurin í 1½ ár út í eitt. Eftir hetta fór hann á mask­ inskúla, fyrst í Odense og síðani í Havn, har hann tók prógv sum maskinmeistari, og fór so aftur út at sigla við donskum skipi. Síðani var hann verkførari hjá Bilasøluni Norrønu /v. Beinar Vestergaard í nøkur ár, til hann so aftur fór til skips. Magni hevur eisini siglt við grønlendskum skipum í fleiri ár, til hann legðist uppi og byrjaði at arbeiða sum sýnsmaður á tryggingini, har hann nú hevur verið í 17 ár. Í 1969 giftist Magni við Ernu Olsen úr Miðvági, og búsettust tey á Argjum í 1974. Tey áttu 4 børn, Sunrid, Sóley, Leilu og Thorvald. Í 1998 upplivdi Magni ta stóru sorg at blíva einkju­ maður, Erna doyði brádliga bert 54 ára gomul. Magni hevur í dag 8 abba­ børn, og eru tey sera góð við abban. Ikki sóu vit nógv til babba, tá hann sigldi úti, tí túrarnir vardu í fleiri mánaðar, og hevði hann eina familju at forsyrgja. Í dag er hann al­tíð klárur at hjálpa okkum, tá vit heita á hann. Hann av­heintar abbabørnini í barna­garðinum, arbeiðir upp á okkara bilar og hjálpir til við til at smíða. Eisini er hann altíð klárur at gera mat og leggja hús til brúdleyp, barnadóp, konfirmatión o.l. hjá okkum. Eftir at mamma doyði, hevur hann gjørt alt fyri at halda saman uppá fam­ iljuna, og hevur hann klárað tað sera gott. Vit vóna, at tú fart ein góðan føðingardag, og gleða vit okkum øll at halda dagin saman við tær úti á Argjum leygarkvøldið 11. mars. Vit ynskja tær hjartaliga tillukku við 60 ára degnum, og alt tað besta framyvir. Børnini v/familju. Prógv Tann 31. januar 2006 fekk Kristbjørg Isaksen (26) úr Norðragøtu prógv sum Cand.Pharm. á Danmarks Farmaceutiske Universitet. Bendt Jensen 85 ár Magni Petersen 60 ár Í dag, 9. mars, fyllir Bjarti Mellemgaard í Havn 50 ár. Bjarti er havnarmaður og útbúgvin skipari, men hann er best kendur sum handilsmaður. Sum smádrongur var Bjarti nógv í Hvalba hjá ommu síni Sigrid, har dámdi honum væl at fanga állar í Hamarsá og klintra undir Garðshamri. Hann var eisini nógv á Strondum hjá mostrini, Bette. Har slapp hann at royna seg í báti og spæla í bungunum, ið eingilsmenn bygdu undir krígnum. Eisini dámdi honum væl “úti á Trøðni” hjá mostrini Alisu í Havnardali. Hann og Ludvík, systkinabarnið, plagdu at vera á Velbastaðhálsi, har teir lógu í telti og siglu við flakum á tjørnini, har tey ymisku støðini fingu nøvn sum t.d. Akabavíkin og Suezveitin, ið vóru nógv frammi í tíðindumum tá. Sum 15 ára gamal fór Bjarti til skips við trolaranum Brandi Sigmundarsson. Hann var eisini við Hallarkletti nakarar túrar. Seinni sigldi hann við einum Kuba-trolara sum stýrimaður. Seinastu mongu árini hev­ ur Bjarti, sum er ein sannur roknimeistari, verið álitið í handlinum hjá pápanum “Hjá Eli”, har hann m.a. hevur staðið fyri innkeypi av vørunum. Foreldrini hjá Bjarta eru Sylvia og Eli Mellemgaard í Havn. Hann er elstur av trimum brøðrum, hinir eru Heðin og Róin. Bjarti er giftur Torgerð, f. Albinus, úr Fámjin, sum er útbugvin sjúkrhjálpari. Tey eiga sonin Eli, sum eisini hevur sera góð evnir og arbeiðir sum teldufrøðingur hjá Formula fo. Saman við pápanum og brøðrunum eigur Bjarti frí­ tíðarbátin Sylvia, sum teir hava nógva gleði av. Teir hava eisini verið onkran túrin uttanlands við bátinum. Bjarti er burturstaddur føð­ ingardagin. Bjarti Mellemgaard 50 ár