mánadagur 13. mars 2006síða 5

Nr. 51 - 13. mars 2006  Løgtingið skal nú samtykkja, at enda­ málið við ferðslu­ lógini skal vera, at ongin skal doyggja ella fáa álvarsligan skaða í ferðsluni Nullhugsjón Áki Bertholdsen aki@sosialurin.fo Endamálið við ferðslulógini skal vera, at ongin skal doyggja ella fáa álvarsligan skaða í ferðsluni. Tað heldur Bjarni Djur­ holm, landsstýrismaður í vinnu­málum. Hann hevur nú lagt uppskot fyri Løgtingið, har hann vil hava tingið at samtykkja og so­statt at staðfesta, at enda­ málið við ferðslulógini skal vera, at ongin skal doyggja í ferðsluni, ella fáa álvarsligan skaða. Herfyri var aðalorðaskiftið í Lgtinginum og tað vísti, at stór undirtøka er fyri at endamálið við ferðslu­ politikkinum skal vera, at ong­in skal doyggja í ferðsl­ uni. Tað er tað, sum vanliga verður nevnt nullhugsjónin. Kortini endaði tað orða­ skift­ið ikki við, at Løgtingið gjørdi nakra formliga sam­tykt um at seta nullhugsjónina í gildi í Føroyum. Nullhugsjónin vísast í verki Tí vil Bjarni Djurholm nú hava Løgtingið at samtykkja, at ferðslulógin skal hava null­ hugsjónina til endamál.   – Sostatt skal nullhugsjónin verða stavnhaldið fyri ferðslu­ politikkinum framyvir. Bjarni Djurholm sigur, at fyri at nærkast málinum um, at eingin skal doyggja ella verða álvarsliga skaddur í ferðsluni, verður neyðugt at gera eitt miðvíst arbeiði á fleiri økjum. Eitt nú skal upplæring og upplýsing um ferðslutryggan hugburð og atburð raðfestast so høgt, sum til ber. Somuleiðis skal eftirlitið við ferðsluni gerast so gott, sum til ber. Harafturat má ferðslulógin alsamt verða endurnýggjað og dagførd, so at hon fylgir við teimum broytingum, ið henda. Eisini skulu akførini verða útgjørd við nýggjastu trygdarfyriskipanum, so at tey lúka fremstu trygdar­ krøv Tað er eisini neyðugt, at bæði kommunalir og lands­ vegir verða gjørdir alsamt tryggari við munagóðum og miðvísum ábótum. Prutl koyra skjótari Bjarni Djurholm ger eisini greitt, at hann fer at leggja uppskot fyri Løgtingið um at prutl skulu sleppa at koyra 45 km um tíman. Sum er, kunnu tey koyra 30 km um tíman. Men hann sigur, at bólk­ur­ in, sum viðger henda spurn­ ing, vildi hava betri stundir at gjøgnumarbeiða uppskotið, og tí verður tað ikki lagt fyri Løgtingið fyrrenn beint eftir Ólavsøku. Tað var Bill Justinussen, sum vildi hava løgtingið at samtykkja at prutl skulu sleppa at koyra 45 km um tíman, tí mett var, at tað var vandamikið fyri ferðsluna, at prutlini orkaðu so illa at koyra í mótbrekku. – Nøkur prutl eru so tung, at ein 16 ára gamal ikki til fulnar megnar at hava tamar­ haldið, um hann missir ferð­ ina í eini mótbrekku. At fá óhapp henda í hesum sam­ bandi er tí, at so at siga ongi prutl eru lóglig og tí koyra skjótari enn 30 km um tíman, segði Bill Justinussen og tað tók Løgtingið undir við of eftir ólavsøku verður tað so eftir ætlan sett í gildi. Forkvinnan í Ráð­ num fyri Ferðslu­ trygd sigur, at tað, sum hendir nú, er tað, sum tey hava bíðað eftir í nógv harrans ár Ferðslutrygd Áki Bertholdsen aki@sosialurin.fo – Hetta er tað, vit hava bíð­að eftir í nógv harrans ár. Rúna Sivertsen, for­ kvinna í Ráðnum fyri ferðslu­­trygd, er ómetaliga fegin um, at ætlanin nú er at fáa løgtingið at staðfesta í sjálvari ferðslulógini, at enda­málið við henni skal vera, at ongin skal doyggja ella koma álvarsliga til skaða í ferðsluni. Tað er hetta, sum verður kallað null-hugsjónin og sum greiddu frá á Portalin­ um í gjár. Tískil vónar hon sjálv­ sagt, at Løgtingið fer at sam­tykkja uppskotið. Men hon vísir á, at tá ið tað verður staðfest í sjálvari ferðslulógini, at null hug­ sjónin er endamálið við ferðslu­lógini, er tað bara byrj­anin, tí tað er ikki fyrr­­enn tað er samtykt, at arbeiðið byrjar av álvara. – Eitt tað fyrsta, vit eiga at gera, er at fáa eina føroyska tjóðar ferðslutrygdarætlan, sum staðfestir endamálið við allari ferðslu á luftini, á landi og á sjónum. Hon sigur, at tað, at null hugsjónin nú verður staðfest í fersðslulógini, fer at vinda øll, sum hava við ferðslu at gera, tað er Løgting, Lands­ verk, Ak­stovu og øll onn­ ur, til al­tíð at hava ferðslu­ trygdina er aðal­málið í øll­ um sum gjørt verður. Rúna Sivertsen heldur, at enn hava vit langt á mál á hesum øki. – Viðvíkjandi flúgving ivast ongin í, at tað er trygd­ in, sum skal raðfestast hægst. Men tá ið vit koyra í bili, hava vit lyndi til at slaka krøvini, tí tá krevja vit at verða flutt skjótt frá staði til stað, men vit góð­taka, at hetta krevur síni offur. Kortini heldur hon, at hug­burðurin er broyttur, tí í nýggju, landsumfatandi samferðsluætlanini hjá Lands­­verkið, er trygdin horna­­steinurin og tað er at fegn­­ast um, sigur Rúna Sivertsen. Annars heldur forkvinn­ an, at skal hon nevna nøkur ítøkilig átøk, sum tað er átrokandi at fremja fyri at bøta um ferðslutrygdina, kem­ur hon at hugsa um tvey tiltøk. – Í fyrstu atløgu er at hjá teimum ungum sum taka koyrikortið, skal tann fyrsta tíðin verða royndartíð. Í øðrum lagi heldur hon, at klippikortini skulu setast í gildi í Føroyum, har ávís brot á ferðslulógina kosta klipp í kortið og tá ið kortið er fult, kostar tað koyrikortið. Hon sigur, at eitt, sum royndarkoyrikortið til ungu kann føra við sær, er, at tey hava færri klipp enn tey eldru. – Og í serliga grovum brot­ um á ferðslulógina, kann tað vera so, at løg­regl­an kann taka koyrikortið frá teimum ungu á staðnum, sigur Rúna Sivertsen. Ein ógvuliga týdningarmikil byrjan Løgtingið skal stað­festa at ongin skal doyggja í ferðsluni Nú skal tað verða eitt ítøkiligt og miðvíst endamál, við ferðslupolitikkinum, at ongin skal doyggja ella fáa álvarsligan skaða í ferðsluni og tað vil Bjarni Djurholm nú hava Løgtingið at staðfesta – Vónandi tekur løgtingið væl undir við ætlanini. Talan er um fá orð, men tey fara at fáa sera stóran týdning, sigur Rúna Sivertsen