fríggjadagur 17. mars 2006síða 15

Nr. 55 - 17. mars 2006 15 Magnus Heinason hevur gjørt tær fyrru yvirlitstrolingarnar í ár. Úrslitið vísir, at veiðan sum heild hevur verið vánalig, serliga veiðan av toski og upsa Yvirlitstrolingar Vilmund Jacobsen vilmund@sosialurin.fo Tann fyrri yvirlitstúrurin hjá Magnusi Heinasyni á landgrunninum í vár er av. Túrurin vardi frá 22. februar til 8. mars, og Petur Steingrund, fiskifrøðingur, var toktleiðari á veiði­ferð­ ini. Hann sigur, at sum heild var lítið at fáa av nær­um øllum fiskasløgum saman­ borið við somu tíð í fjør. Lítil toskaveiða – Toskaveiðan var bert um­leið ein triðingur av nøgd­ ini í fjør, og veiðan av upsa var lutfalsliga lítið frægari enn við toskinum. Hann vísir eitt nú á, at saml­aða toskaveiðan í ár var 5,8 tons í mun til 20 tons um somu tíð í fjør – Endaligu úrslitini fyri landgrunnin kunnu síggjast, tá ið úrslitini fyri seinna yvirlitstúrin eru tøk, sigur fiskifrøðingurin. Petur sigur, at sera lítið var eisini at fáa av hvítingsbróðri og svartkjafti, sum vanliga er høvuðsføðin hjá toski og upsa á ytru leiðunum. Hann sigur, at hýsuveiðan á hesum túrinum tó var á eini leið í mun til fyrru yvir­ litstrolingarnar seinasta ár. Magakanningar Magakanningarnar vístu, at lítið var til av nebbasild, men kortini var toskurin væl fyri, eins og hann eisini var væl fyri um hesa tíðina í fjør. – Tað var týðiligt, at føð­ in á djúpum vatni, eitt nú hvítingsbróður og svart­ kjaftur, sveik full­komiliga, sigur fiskifrøðingurin. Høvuðsendamálið við yvir­ litstrolingunum er at fáa til vega tilfar, sum skal nýtast í stovnsmetingunum av toski, upsa og hýsu. – Veðrið var sum heild vánaligt á túrinum, nógv­ ur vindur av norði og land­ nyrðingi, sigur Petur Stein­ grund. Nógv hava vitjað Mikines Sum liður í hátíðarhaldinum fyri 100 ára føðingardagin hjá Sámal Joensen-Mikines, hevur Listasavn Føroya seinastu tveir mánaðirnar havt stóra framsýning við verkum eftir kenda listamanninum. Í tíðindaskrivi sigur leiðarin fyri Listasavnið, at talið av vitjandi til framsýningina nú hevur sett met. Eini 5.000 fólk hava higartil vitjað framsýningina, og grundað á stóra áhugan er gjørt av, at framsýningin er longd við trimum vikum. Soleiðis fáa áhugað fram til 2. apríl høvi at síggja áhugaverdu framsýningina. -mørk Televarpið yvirskot í 2005 Tíðindaskriv Televarpið hevur havt nevnd­arfund í dag, har rokn­skapurin fyri 2005 varð lagdur fram og góð­ kendur. Úrslitið í 2005 varð kr. 732.000 eftir skatt, og er hetta ein vøkstur á kr. 2,5 mió í mun til 2004. Nettosølan er hækkað við 32 % úr kr. 10,2 mió. í 2004 til kr. 15 mió. Tele­ varpið hevði við árslok 5.206 haldarar, ið er ein øking uppá 21 %. Nevnd og stjórn eru nøgd við úrslitið. Úrslitið vísir, at Televarpið eft­ir minni enn trimum ár­um hevur rokkið mál­setn­ingarnar um eitt posi­tivt rokn­ skaparúrslit fyri fe­lagið. Stóra fram­gongd­in er grund­að á vaks­andi hald­ ara­tilgongd, skynsama kostnaðarstýring og effek­ tiva umsiting. Í Tele­varp­ inum starvast trý fólk. Útlitini fyri 2006 eru góð. Miðað verður eftir enn betri úrsliti fyri rokn­ skapin í 2006 og ein­ari haldaratilgongd á uml. 20 %. Televarpið ætl­ar at gera munandi íløg­ur í útbygging av sendi­netin­ um m.a. vestur í Vágar, partar av Sandoynni og Suðuroynni. Í dag røkkur digitala sendinetið hjá Televarpinum uml. 76 % av før­oysku húsarhaldunum. Við ársskiftið 2006/7 er ætlanin at røkka uml. 85 %. – Tað verður tekniski leiðarin hjá FaroeJet, Mourits Joensen, sum kemur at hava eftirlit við og ábyrgd av tí arbeiði, sum Malmø Aviation, fer at gera fyri okkum, sigur stjórin í FaroeJet, Jóhan Simonsen Flúgving Vilmund Jacobsen vilmund@sosialurin.fo Nýggja føroyska flogfelagið, FaroeJet, hevur nú bæði fing­ið flogfar, manning og samstarvsfelag, sum saman við tekniska leiðaranum, Mouritsi Joensen, skal syrgja fyri, at trygdin er í lagi. Jóhan Simonsen, stjóri í FaroeJet, sigur, at tað verður Malmø Aviation, sum kemur at taka sær av eftirlitinum og viðlíkahaldinum av flog­ farinum – Felagið, sum hevur verkstað í Kastrup, umsitir eini 10 flogfør av sama slagi, sum flogfarið hjá FaroeJet. Hann vísir á, at tað verð­ ur tekniski leiðarin hjá Faroe­­Jet, sum kemur at hava eftirlit við tí arbeiði, sum Malmø Aviation ger fyri felagið, og tað verður somuleiðis tekniski leiðarin, sum stendur við ábyrgdini. Flogleiðari hjá FaroeJet verður Hans Meinhard á Høga­bóli, og saman við Mouritsi Joensen hava teir báðir drúgvar royndir á sín­ um øki. Langtíðarleiga Jóhan Simonsen sigur, at felagið hevur langtíðarleigað flogfarið, BEA RJ100, frá írska felagnum, Trident Jet Leasing. Leigan gongur fyri­ bils yvir 5 ár. – 94 sitipláss verða í okk­ara flogfari, ið er av sama slagi og somu stødd, sum nýggjasta flogfarið hjá Atlantsflogi. Vit fara at leggja stóran dent á, at tað verður gott pláss hjá ferðafólkunum at sita. Stjórin vísir á, at hóast tvey flogfør eru eins og hava sama tal av sitiplássum, er ikki vist, at plássið hjá ferða­ fólkunum er tað sama. – Hetta veldst um so nógv annað eisini, eitt nú hvussu nógv skáp og annað eru í flogfarinum. Vit ætla í hvussu er, at ferðafólk skulu hava gott pláss, sigur Jóhan. Skrivstovan FaroeJet fer at selja sín­ ar ferðaseðlar um ferða­ skrivstovur og á alnetinum, og tí verður umsitingin hjá flogfelagnum ætlandi lítil. Jóhan sigur, at felagið fer at hava skrivstovu á flog­ vøllinum í Vágum. Í byrjanini verða tilsam­ans 24 fólk í fullum starvi hjá felagnum, harav seks flog­ skiparar og 10 flog­ternur. – Her er talan um full­ tíðarstørv, men talið av fólki er sjálvsagt størri, tí øll arbeiða ikki fulla tíð, sigur hann. Enn vil stjórin í FaroeJet einki ítøkiligt siga um prísir og tilboð, tí kunnað verður um hetta á tíðindafundi, sum verður í næstum, helst annan mánadag. Lægri prísir – Nógv verður øðrvísi hjá okkum enn hjá Atlantsflogi, og kappingin fer heilt vist at lækka ferðaseðlaprísirnar. Tilboðini hjá okkum verða einfaldari, og eisini verða færri prísklassar. Men vit fara eisini at hava bílig til­ boð, og kappingin fer at lækka ferðaseðlaprísirnar, tí samlaða útboðið av til­boðum verður størri, segði nevndarformaðurin í felagnum, Knút Lutzen, við útvarpið fyri nøkrum vikum síðan. FaroeJet fer sum kunnugt ikki at skonkja ókeypis á sínum ferðum. Fleiri íleggjarar Jóhan Simonsen sigur, at støðan í løtuni er hon, at út við 400 íleggjarar eru í nýggja felagnum, og samlaði partapeningurin nærkast nú 25 mió krónum. – Vit hava lýst okkara ferða­ætlan, har flogið verð­ ur tvær ferðir um dagin um summarið og eina ferð um dagin um veturin – og vit miðja framvegis eftir, at flogið verður fyrstu ferð, 1. mai, sigur stjórin at enda. FaroeJet: Trygdin í hondunum hjá Malmø Aviation Daprar yvirlitstrolingar eftir toski og upsa Enn vil stjórin í FaroeJet, Jóhan Simonsen, einki ítøkiligt siga um ferðaseðlaprísir og møgulig tilboð, men kunnað verður um hetta á tíðindafundi í næstum Mynd: Øssur Mohr – Veðrið var sum heild vánaligt á túrinum, sigur Petur Steingrund, fiskifrøðingur Mynd: Rógvi Mouritsen