hósdagur 23. mars 2006síða 18

Nr. 59 • hósdagur • 23. mars 2006 • 80. árgangur • www.sosialurin.fo Súni smá­ skaddur Tað er ikki vist, at Súni Olsen er førur fyri at spæla í næsta dystinum hjá AaB, sum verður ímóti SønderjydskE. Súni er ein av spælarunum hjá AaB, sum stríðist við ein skaða, og mikudagin vandi Súni ikki við liðfeløgunum. Súni hevur toygt ein vødd í lærinum, og hóast talan er um ein minni skaða, er óvist, um hann fær spælt um vikuskiftið, skrivar heima­síðan hjá AaB. Sleppa ikki í gongd Tað gongur illa at fáa gongd á donsku 1. deild í fótbólti. Ætlanin var, at byrjast skuldi seinasta vikuskiftið, men teir flestu dystirnir vóru út­settir orsaka av frosti. So­leið­is er eisini hetta vikuskiftið, og hvørki Frem ella Fremad Amager, har før­ oyskir spælarar spæla, sleppa at spæla lands­ kappingardyst. Ístað­in fyri Frem at spæla venj­ ingardyt ímóti Herfølge, meðan Frem­ad Amager fer at spæla venjingardyst ímóti Brøns­høj. FSF eyka­ aðalfund Fótbóltssamband Føroya lýsir nú eykaaðalfundi tann 6. mai. Á skránni verða broytingar í kapp­ ingarreglunum fyri fót­ bólt og nýggjar lógir fyri Fótbóltssamband Før­oya. Hetta eru mál, sum ikki vóru tikin við á aðal­ fundinum hjá FSF, men hava bíðað til ein eyka­ aðal­fund. Johansson hongur í Lennart Johansson, sum er forseti fyri europeiska fótbóltssambandið UEFA, bíðar við eini endaligari avgerð um, hvørt hann gevst sum forseti næsta ár ella ikki. Tað er komið fram, nú UEFA hevur árs­ aðal­fund í hesum døgum. Eitt av týðandi málunum á fundinum er, at G14 fe­løg­ini, sum eru tey rík­ astu feløgini í Europa, eru farin at fylla meira og meira í fyriskipanini av fótbóltskappingum, og nú vil UEFA enn eina­ferð staðfesta, at tað er UEFA, sum er hægsti myndug­ leiki innan fótbólti í Europa. – Við øllum ófriðinum, sum eru rundan um fót­ bóltin í løtuni, vil eg gjarna fylgja við gongdini, sigur 76 ára gamli sviin Lennart Johansson. Umboð fyri føroyska fótbóltssambandið eru við á aðalfundinum hjá UEFA, sum verður hildin í Budapest. Trý føroysk gentulið í fimleiki fóru fyrst í vikuni til Tallin í Estlandi, har tey skulu kappast um heimsmeistaraheitið í estetiskum fimleiki. Talan er um gentulið frá Støkk, Havnar Fimleikafelag og Ljósinum Fimleikur Tíðindaskriv Hetta er fyrsta ferðin at so nógv lið úr Føroyum luttaka í hesari kapping. Gentuliðið úr Havnar Fimleikafelag var sum vinnari av stórkappingini við í fjør, og eydnaðist hetta so væl, at fimlekasambandið gjørdi av at senda trý lið avstað í ár. Estetiskur fimleikur er so nýggjur í Føroyum, at tað er sera umráðandi, at føroysku fimleikararnir sleppa at síggja, hvat tað er fyri ein ítróttargrein, tær nú eru partur av, og hvat tær hava at liva upp til, um tær vilja vera bestar. Ferðalagið úr Føroyum fór avstað týsdagin, komu til Tallin mikudagin, og inn­ leiðandi kappingin verður fríggjadagin, har øll føroysku liðini skulu kappast. Við í kappingini eru 22 lið, sum koma frá londum: Russlandi, Kanada, Kekkia, Finnlandi, Spaniu, Estlandi, Danmark, Ukraina og Føroyum. Dagin eftir er so finalan á skránni, har tey bestu liðini frá degnum fyri vera við. Eisini venjingar Umframt kappingina, so er eisini venjing á skránni, har tær føroysku genturnar sleppa at venja saman við einum av teimum bestu lið­ un­um í heiminum. Eisini hetta verður gjørt fyri at fimleikurin í Føroyum skal hava eitt so gott støðið at byrja á, sum gjørligt. Í Estlandi er sera kalt hesa ársins tíð, og tí hava genturnar pakka nærum hvørt ullaplagg í skápinum at hava við, tí hallirnar, ið vant verður í har yviri eru ikki hitaðar á sama hátt sum hallir her, so tað verður eisini ein uppliving fyri gent­ urnar. Umframt íðkararnar, so eru eisini tveir føroyskir dóm­ arar við til kappingina. Fyri at gerast góðkendur altjóða dómari innan estetiskan fim­leik skulu dómarar á trý skeið, og millum hesi skeið skulu tær døma altjóða kapp­ingar. Fleiri føroyskir dómarar vóru í januar mán­ að á skeið í Spaniu, og av hesum eru tvær, sum eru við sum dómarar í Tallin. Todi Jónsson upp­ livdi eitt sindur av hvørjum, tá ið hann spældi við í venjingardysti ímóti Malaga B. Fyrsta varð hann stútaður av mótstøðumanni, og so skoraði hann ársins fyrsta mál fyri Start Fótbóltur Eyðun Klakstein eydun@sosialurin.fo Todi Jónsson var annar av málskjúttunum, tá ið Start í gjár vann venjingardyst ímóti Malaga B í Spania. Dysturin endaði við úrslitinum 2-0 til Start, og Todi skoraði seinna málið. Todi hevur verið nakað plágaður av bruna í hælsinuni seinastu mánaðirnar, og fyrr í vikuni hvíldi hann seg frá einari venjina á venj­ingarleguni hjá Start í Mar­bella. Todi sat eisini á beinkinum frá byrjan av dystinum ímóti Malaga B, men í hálvleikinum kom hann inn. Tá var støðan 1-0 til Start. Sponsku spælararnir spældu hart, og teir fóru við hvørt út um mark. Heima­ síðan hjá Start skrivar, 10 minuttir eftir hálvleikin fekk ein av spælarunum hjá Start harða viðferð frá málmanninum hjá Malaga, og tá ið Todi Jónsson skuldi hjálpa liðfelaganum var hann stútaður av einum sponskum spælara. Dómarin gjørdi einki við hendingina. 10 minuttir fyri tíð skor­ aði Todi Jónsson til 2-0. Eitt innlegg kom inn í brots­ teigin, og har var Todi fyrstur og skallaði bóltin í málið. Vil verða toppskjútti Málið, sum Todi skoraði mikudagin, er tað fyrsta fyri Start í ár, men Todi hevur gott mót um at gera fleiri mál fyri norska felag sítt. – Eg haldi meg hava tað, sum skal til fyri at gerast topsskorari í Tippuliguni í ár, sigur 34 ára gamli Todi Jónsson við blaðið Fedre­ landsvennen. Start hevur ikki havt topp­ skjúttan í norskum fótbólti seinastu 16 árini. – Tað hevur nógv at siga fyri eitt topplið, at tað hevur ein málskjútta, sum liðið kann líta á. Eitt lið kann koma langt, um tað hevur ein dystarvinnandi málmann og álopsspælara. Hesir báðir spælararnir kunnu avrika nógv, tá ið liðið hevur tað trupult í einum dysti, og tað er við slíkum spælarum, at tú kanst vinna gull, sigur Todi Jónsson. Hann sær bert ein trupul­ leika fyri framman, og tað er brunin í hælsinuni. – Eg má helst spæla við pínu í hælsinuni alt kapp­ing­ arárið. Tað er einki at gera við tað. Tað gongur væl at spæla, men eg fái neyv­an vant á hædd við liðfelag­ arnar gjøgnum alt árið, sigur hann. Venjarin hjá Start hevur stórt álit á Toda. – Todi er ikki í toppformi enn, men hann hevur av­gjørt potentialið til at ger­ast topp­ skjútti í Norra, sigur Tom Nordlie við Fedre­lands­ vennen. Todi skoraði fyri Start Tær bestu føroysku kappast við tær bestu í heiminum – Eg haldi meg hava tað, sum skal til fyri at gerast topsskorari í Tippuliguni í ár, sigur Todi Jónsson, sum mikudagin skoraði sítt fyrsta mál fyri Start í ár Føroyskir fimleikarar eru við í HM í estetiskum fimleiki, sum verður hildið í Talinn í hesum døgum