fríggjadagur 24. mars 2006síða 15

Nr. 60 - 24. mars 2006 15 NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Vitalis Elias Vitalis, Klaksvík, vanliga nevnd­ ur Talis í Krotugrøvuni, andaðist í heiminum mikudagin 22. mars, 84 ára gamal. Jarðarferðin verður úr Christians Kirkjuni leygardagin 25. mars, kl. 13.30. Leivur Christiansen ættaður úr Norðdepli, búsitandi í Tórshavn, andaðist á Lágargarði hósdagin 23. mars, 88. ára gamal. Bønarhald verður á Lágargarði leyg­ ar­­dagin kl. 18. Jarðar­ ferðin verður úr Havnar kirkju sunnudagin kl. 14. Tey ið ynskja at minnast Leiv kunna lata eina gávu til Lágargarð. Konta í peningastovnunum. Kistan við Joan Højsted, fødd Nielsen, av Eiði, fer úr Landssjúkra­hús­ kapellinum leygardagin kl. 17. Jarðarferðin verð­ur úr Eiðis kirkju sunnudagin klokkan 14. Tey, ið vilja minn­ ast Joan kunnu lata eina penigagávu til Før­oya felag móti Krabba­meini. Konta í peningastovnunum. Turid Poulsen, fødd Thomsen ættað úr Skúvoy andaðist í heim­ inum í Skive, 23. mars 67 ára gomul. Jarðar­ ferðin verður úr Vor Frue Kirke í Skive, 28. mars kl. 13.30 Andlát og jarðarferðir Góða Nancy At tú so brádliga skuldi verða tikin frá okkum, er púra óskiljandi. Tú sum altíð var so frísk og lívsglað. Eg havi kent teg heilt frá barni av, og tú hevur altíð verið so sera góð við meg. Eg var dagligur gestur hjá Fíu og Hans Paula, har tú og Henry giftist inn. Tá ið so Hans Pauli, sonurin, kom var eg 5 ára gomul, og ikki sørt øvundsjúk. Men tað hevði eg onga orsøk til, tí Fía og tú vóru líka góðar við meg sum áður. Eg minnist øll dukkuklæðini tú bant til mín, og teir nógvu túrarnar vit gingu við Hans Paula í barnavogninum. Nógv fólk vitjaðu tykkara heim, og altíð var tú blíð og fyri­komandi. Ongin slapp út­aftur, uttan at hava fingið ein góðan drekkamunn ella ein nátturðabita frá tær. Men tað sum eg minnist allarbest, og goymi sum ein dýran skatt í mínum hjarta, eru tær nógvu hugnaløturnar í heimi tykkara, tá ið tú plagdi at syngja og spæla guitar. Ofta læs tú í Guðs orði fyri mær, og vit lurt­aðu nógv eftir andaligum tónleiki. Eg varð greið yvir, at tú og Fía áttu eina trúgv, ið var sera týdningarmikil fyri tykkum. Eisini eggjaði tú mær til, at taka lut í andaligum arbeiði, heilt frá ungum árum av. Hetta kom at hava ein stóran leiklut í mínum lívi, og eri eg tær so sera takksom fyri, at tú vísti mær á Hann, ið er vegurin sannleikin og lívið. Í 1973 doyði Fía av krabba­ meini, og var hetta ein svárur missur hjá tær. Stutt eftir hetta hendi tó tað gleðiliga, at tit fingu lítlu Fíu. Nøkur ár seinni fluttu tit út á Sevmýri í nýggj hús, og vit báðar sóust ikki so ofta longur. Tó slitnaði sambandi ongan­ tíð okkara millum. Tú mintist altíð til føðingardagarnar í familjuni, og vit tosaðu av og á í telefon saman. Tú vitjaði javnan foreldur míni og har hittust vit báðar ofta. Góða Nancy, saknurin er stórur, nú tú so brádliga er tikin frá okkum. Tú var so fyrikomandi og blíð, og hevði um­sorgan fyri øllum. Tú setti ikki ljós títt undir skeppuna, og sunnudagsskúlaarbeiðið í Salem stendur sum ein varði eftir teg. Góði Henry, Fía, Hans Pauli, Anita, Rókur, Rósa og Wiberg. Mátti Harrin styrkt tykkum í stóru sorg tykkara. Gott er tó at sleppa at liva í vónini um, at ein dag skulu vit øll síggjast aftur heima í himli, har ongin neyð, sorg, grátur, sjúka ella pína er. Við nøkrum orðum - frá einum indiskum vísmanni – ið eg haldi hóska so væl til Nancy, lýsi eg frið yvir minni hennara: Dagurin í dag er ein løgin dagur. Hann er tín. Dagurin í gjár gleið úr hondum tínum, hann fær ikki annað innihald enn tað tú longu hevur givið honum. Dagin í morgin eigur tú onki lyfti um. MEN DAGIN Í DAG HEVUR TÚ. Hetta er tað einasta tú kanst vera vissur um. Tú kanst fylla hann við øllum ið tú vilt. Nýt hetta høvi. Í dag kanst tú gleða eitt menniskja, í dag kanst tú hjálpa einum øðrum, í dag kannst tú liva á ein slíkan hátt, at onkur kanska í kvøld takkar Guði fyri, at tú livir. Dagurin í dag er ein týdningarmikil dagur. Hann er tín. Katrin Kunngjørt verður fyri ætt, vinum og kenningum, at kæri maður, pápi, verpápi, abbi og langabbi okkara Leivur Christiansen ættaður úr Norðdepli, búsitandi í Tórshavn andaðist á Lágargarði, hósdagin 23. mars, 88 ára gamal. Bønarhald verður á Lágargarði leygardagin kl. 18.00. Jarðarferðin verður úr Havnar kirkju sunnudagin kl. 14.00. Familjunnar vegna Annimalla Tey ið ynskja at minnast Leiv kunna lata eina gávu til Lágargarð á konto í peningastovnunum. Tøkk Hjartaliga takka vit øllum, ið sýndu samkenslu tá góða mamma, vermamma, omma og langomma okkara Petra Næss Joensen Tórshavn andaðist og varð jarðað. Tøkk til heimahjálpir og heimasjúkrasystrar. Tøkk til Sonju Klein, prest, kirkjutænarar og sangarar. Og tøkk til tykkum, ið á annan hátt hjálptu í sambandi við jarðarferðina. Tøkk fyri blómur og kransar og tøkk til tykkum øll, ið fylgdu henni til hennara seinasta hvíldarstað. Familjunnar vegna Eivind, Gunvør, Dukki og Hanna Tøkk Hjartaliga takka vit øllum, sum sýndu samkenslu í stóru sorg okkara, tá høgt elskaði maður mín, okkara kæri pápi, abbi og verpápi Svenning Holm Lindenskov Nólsoy so brádliga bleiv heimkallaður til Harran. Tøkk til Bergur Jacobsen, prest fyri góð orð í kapellinum á Ríkissjúkrahúsinum, Leif Hansen fyri orgulspæl og til tykkum, ið vóru til staðar har. Takk til tykkum í Vanløse fyri góða hjálp. Tøkk til Sonju Klein, prest og Rodmund í Liða fyri troystarrík orð í kirkjuni. Tøkk til sangarar, berarar, kirkjutænarar og tykkum, ið hjálptu til við ervinum. Tøkk til tykkum báðar, sum tóku so væl ímóti okkum, tá vit komu heim til Nólsoyar aftur. Øllum tykkum, sum ringdu og vitjaðu í heim okkara, fyri alla hjálp frá bygdafólkinum og avbygdafólkinum, fyri blómur og kransar og til hvønn einstakan av tykkum í tí stóru mannfjøld, ið fylgdu honum á hansara seinastu ferð her á fold, vilja vit veita eina hjartans tøkk. Má Harrin signa tykkum øll. Bernhild, Heinina, Elisabeth og Sólbjørg við familjum Minningarorð um Nancy Werning f. Danielsen fødd 3. mai 1937 - deyð 3. mars 2007 Dagurin í morgin 25. mars. Mariumessa um várið. Til minnis um, at eingilin Gabriel boðaði Mariu Moy frá, at hon skuldi bera frelsaran í heim (Lukas 1, 26-38). Grikska navnið navnið Maria er tað sama sum hebráiska Mirjam, týdningurin er ókendur. Venceslaus Ulricus Hammershaimb varð føddur hendan dagin í 1819. 26. mars. Gabriel. Beint eftir mariumessu er nevndur høvuðseingilin Gabriel, sum ber tey góðu tíðindini. Navnið merkir guðsmaður. 27. mars. Kastor. Tær gomlu søgurnar nevna fleiri annars ókend halgimenni, sum itu Kastor og vórðu tikin av døgum 27. og 28.mars.