mánadagur 27. mars 2006síða 19

19 Nr. 61 - 27. mars 2006 Kæran, sum Stjørnan í farnu viku sendi inn, gjørdist eitt av teimum heilt undirhaldandi, har hvørki feløg ella persónar vistu, hvat vendi upp ella niður Hondbóltur Jákup Mørk jakup@sosialurin.fo Fram til mikudagin í farnu viku hevur støðutakanin til mál av hesum slagnum ann­ars verið rættiliga greið og einføld. Hondbólts­sam­ bandið hevur í fleiri líkn­ andi málum avvíst at nýta sjónbandaupptøkur, tá ger­ ast skal av, um spælarar skulu sektast ella ikki. Grund­gevingin hevur fyrst og fremst verið, at siðvenja ikki hevur verið fyri hesum. Og at greiðar reglur mugu gerast á økinum, áðrenn far­ ið verður undir at nýta hetta próvtilfar. Tá alt kom til alt, varð hetta eisini niðurstøðan hjá Ítróttardómstólinum hjá ÍSF. Men undan hesum hevði talan verið um eitt sirk­us av teimum stóru, har Nicoleta Radu Hansen gjøg­num størsta partin av vikuni var í brennideplinum, uttan at vita, hvørt hon fekk møgu­ leika at spæla í finaluni ella ikki. Skeiv grundgeving Í sjálvum sær var avgerðin hjá Stjørnuni at kæra nóg so óvanlig. Men handfaringin hjá Kappingarnevndini av kæruni tóktist ikki minni óvan­lig. Heldur enn at vísa til vant­ andi siðvenjuna á økinum, vísti nevndin á, at tey í kann­ ingararbeiði sínum vóru komin eftir, at danska Hond­ bóltssambandið ikki nýtti sjónbandaupptøkur í sínari málsviðgerð. Og at HSF tí ikki metti seg kunna nýta slíkt tilfar. Stóri trupulleikin í hesum var, at grundgevingin ikki var heilt í tráð við veru­leikan. Regl­urnar hjá EHF stað­festa, at tey ikki nýta sjón­banda­upp­ tøkur í sínum støðutakanum, men hinvegin setndur tað limalondunum frítt at gera av, hvørt tey nýta hetta. Og júst í Danmark hava tey regl­ur fyri hesum. Sambært grein 6.20 í reglunum fyri Turneringsudvalget, so kunnu spælarar revsast fyri atburð sín á vøllinum, við sjón­bandaupptøkum sum grund­ar­lag. Negativ heimild Hesa grundgeving vildi Stjørn­an ikki finna seg í, og tí varð málið kært fyri Dóms­nevndina, sum á fundi fríggjakvøldið tók støðu til spurningin. Her staðfesti Dóms­nevnd­ in, at grundarlagið hjá Kapp­ ingarnevndini fyri avgerðini ikki var haldgott. Hartil stað­ festi nevndin eisini, at tá IHF loyvir nýtslu av upptøkum – um limalond ynskja hetta – og tað samstundis ikki var stað­fest, at HSF ikki kann nýta slíkar upptøkur, so var talan um haldgott grund­ar­ lag. Tveir stórir trupulleikar tóktust tó alt fyri eitt vera í hesi avgerð. Fyrst og fremst, so broytti Dómsnevndin við hesum brádliga eina sið­ venju, sum annars ikki hevur verið at vika seinnu árini. Fleiri dømi eru um mál, har videoupptøkur eru sendar HSF, men hvørja ferð heur hetta verið afturvíst sum grund­arlag. Hartil, so byggir argu­menta­ tiónin hjá Dómsnevndini á ein negativ-lista. Ein lista, har dómsnevndin staðfestir, at tá tað ikki finst nøkur greið heimild til ikki at nýta sjónbandaupptøkur sum grundarlag, so er eing­­in forð­ing fyri hes­um. Van­­liga plaga regl­ur­nar fyri kæru­við­ gerðir at vera grund­aðar á ein positiv-lista. Einum lista, har tað greitt framgongur, hvørjar próv­førslur skulu nýtast, og í hvønn mun revs­ ingar kunnu verða út­máld­ ar. Prinsipp-mál Tá alt kom til alt, so staðfesti Ítróttardómstólurin, at tað ikki uttan víðari bar til at broyta framferðarhátt. Ella við øðrum orðum, at tað ikki ber til at broyta siðvenju um video-upptøkur grundað á eina einstaka hending. Til tess hevur eitt mál av hes­um slag alt ov stóran prinsipiellan týdning. Og so munaði tað minni, at Neistin í síni kæru eisini royndi at taka støðu til sjálvan skuld­ arspurningin, sum fyri sovítt er prinsippinum púrasta óvið­ komandi. Tað fer eftir øllum at døma at merkja, at komandi aðalfundurin hjá HSF skal taka støðu til, í hvønn mun og hvussu sjónbandaupptøkur skulu nýtast sum grundarlag undir eini støðutakan. Kanska eisini so, at veru­ ligar discipliner-reglur verða gjørdar. Hetta varð í fjør gjørt innan føroyska fót­ bólts­heimin, og hóast fólk hgelst eru ymiskt á máli um dóamarnir, sum higartil eru folnir, so hevur hetta givið Kappingarnevndini nakrar greiðir heimildir. Eins og tað verður staðfest, hvørjar heimildir nevndin ikki hev­ ur. Í so máta kann málið við­­víkj­andi Nicoletu Radu Hansen væl hava sett hol á eitt neyðugt kjak innan før­ oyska hondbóltsheimin. Og í tað man eisini vera størsti glottin í einum máli, sum í nógvar mátar hevur verið eitt skúladømi um, hvussu mál og málsviðgerðir ikki skulu handfarast. Ein øgilig fløkja Ikki fyrr enn beint undan dystinum fekk Nicoleta Radu Hansen vissu fyri, at hon kundi verða partur av dystinum, tá Neistin vitjaði í Klaksvík leygardagin. Síðani týsdagin hevur hon verið partur av eini størri sirkus-framførslu, sum í nógvar mátar hevur verið eitt klokkuklárt dømi um vánaliga handfaring av kærumáli Reglurnar ikki umsettar Á aðalfundinum hjá HSF varð í mai mánaði í fjør samtykt, at føroyskur hond­bóltur skuldi ganga eftir júst somu reglum, sum tey gera í Danmark. Enn er umsetingarar­ beiðið av hesum tó ikki liðugt, og tí hevur ein aðalfundur ikki enda­liga samstykt nýggju regl­ur­ nar. Spurningurin er tó, hvørt tað í løtuni eru føroysku ella donsku reglurnar, sum eru galdandi. Og í ítøkiliga málinum, sum setti dám á farnu vikuna, er spurningurin als ikki óviðkomandi. Í Danmark hevur Kapp­­ingarnevndin nevn­ liga heimild at nýta sjón­bandaupptøkur sum grundarlag, tá støða skal takast til mál. Var tann stað­festingin formliga gald­andi, so vildi ivamálið – og endaliga útfallið – kring alt málið millum Stjørn­una og Neistan helst verið øðrvísi. -mørk Tímir ikki meira – Hetta er tekin um eina fullkomuliga in­kom­pe­ tenta dómsnevnd. Og tað skal ikki vera nøkur loyna, at eg eri fullkomuliga ósamdur í avgerðini, sum er tikin. Tí havi eg við gildið frá í kvøld gjørt av, at eg taki meg úr øll­ um nevndararbeiði fyri Hondbóltssambandið. Soleiðis fullu orðini, tá portalurin fríggjakvøldið fekk orðið á Jógvan Mart­ in Mørk, sum segði seg als ikki kunna liva við hes­um. – Ein slíkur dómur vil skapa reint anarki inn­an hondbóltin. Tú brúk­ar eina mest sum til­vild­ar­ liga upptøku til knappliga at broyta siðvenju, og tað kann eg slettis ikki góðtaka. Jógvan Martin hevur bæði sum spælari og síðani í øðrum funktiónum verið partur av arbeiðnum hjá Neistanum í drúgt áramál. Men hann leggur dent á, at hendan støðutakanin einki hevur við tilknýti hansara til felagið at gera. – Tað skal eingin ivi vera um, at var tal­an um eitt reytt kort ella burt­ urvísing, har dómararnir sendu frágreiðing um tilburðin, so varð talan um tríggja daga leikbann. Men framferðarhátturin í hesum ítøkiliga málinum er so grundleggjandi skeiv­ ur, at eg ikki á nakran hátt kann góðtaka hetta, staðfesti hann. -mørk