týsdagur 28. mars 2006síða 20

Nútíðar tøknin hevur eisini gjørt sína ávirkan galdandi innan byggivinnuna. Tey nýggjastu tólini gera tað bæði lættari og skjótari hjá hand­ verkarunum at arbeiða Byggeri 2006 Orð/mynd: Snorri Brend snorri@sosialurin.fo Nivellering: Eitt av byggi­ feløgunum sum vóru um­ boðað í føroyska hópin­um á Byggeri 2006 var Kan­jon. Saman við systkinabarni sínum, Dennis Hansen var Kjartan Hansen við fyri hesa fyritøkuna. Fyri teir var nógv áhuga­ vert at fáa eygu á – bæði av tí nýggja, men eisini av tí meiri vanliga og kenda innan amboð og tilfar. Eitt av hesum amboðum, sum teir nýta í sínum arbeiði er eitt nivelleringstól. Og á messuni vóru fleiri slík víst fram í ymiskum støddum og prísflokkum. – Hetta er eitt tól sum vit brúka rættiliga nógv, siga teir báðir. Gott og gamalt Á slíkari byggimessu sum hesari finst alt tað nýggjasta bæði innan tilfar og amboð. Men eisini okkurt við eldri dagfesting, sum ein ikki noyð­ist at skifta út soleiðis í bræði. Millum tólini, sum vóru at síggja á stóru messuni, var eitt lasarastýrt tól, sum fólk innan byggivinnuna nýta at nivellera við – tað er: at rætta av við, javna ella slætta. Fyrimunurin við hesum tól­um er, at tey kunnu bæði brúkast í smærri rúmum og tá talan er um størri økir. Við einum slíkum niveller­ ings-tóli ber nevniliga til at rætta gólvini av við. Og ein kann eisini brúka tólið, tá ein skal máta ella seta hæddir av í sambandi við út­stykkingar. – Jú, hetta er eitt ógvuliga hent tól, eru Kjartan og Denn­ is samdir um. Skjótt og effektivt Eins og við flest øllum tólum í dag, so eru tey gjørd fyri at spara bæði tíð og pening. Eitt nivellerings-tól av slíkum slagi er einki undan­tak í so máta. Høvuðsorsøkin til hetta er, at tað lættir so nógv um hjá handverkarunum. – Hetta er munandi skjótari og betri at brúka. Fyrr var ofta neyðugt við tveimum monnum til nivelleringina, men nú kann ein einstakur maður gera tað sama. – So hetta er eitt sera effek­ tivt apparat, siga teir báðir. Bíligari Hóast nógv nýtt var at síggja á byggimessuni, so hava hesi nivellerings-tólini kortini fleiri ár á baki. Tað var tí – sum so – ikki nakað slóðbrótandi nýtt at heinta hjá Kjartani og Denn­ isi í júst hesum førin­um. Og tó: Er tað nakað sum er broytt hesi seinastu árini, er tað kostn­aðurin fyri eitt slíkt tól. Fyri nøkrum heilt fáum árum síðani kundi ein keypa eitt slíkt tól fyri langt oman fyri 20.000 kr.! Í dag kann ein vanliga keypa eitt slíkt tól í Danmark fyri ein bruttoprís uppá slakar 6.000 kr. Men á Byggeri 2006 fingu kundarnir eitt slíkt tól til keyps fyri serprís – 3.995 kr. – So her er ein øgiligur munur á, siga teir báðir við ein munn. Kári Simonsen frá KS Timburhús hevur úr at gera í løtuni. Hann tók kortini av tilboðnum at koma við á byggimessuna í Fredericia Byggeri 2006 Snorri Brend Sethús: Ein sum merkir til økta tørvin á handverkarum í Føroyum er Kári Simon­ sen. Hann hevur gjøgnum ár­ini smíðað eina rúgvu av sethúsum, og í løtuni eru teir eisini í ferð við fleiri sethús. Fyrrapartin í gjár byrjaðu teir uppá eini nýggj sethús í Miðvági, men annars eru teir flestu av hansara monn­ um til arbeiðis í Hoyvíks­ haganum. Teir hava eisini eini sethús á Norðskála, sum teir skulu smíða einaferð seinni. – Ja, faktiskt hava vit arbeiði heilt fram til 2008, sigur ein bjartskygdur Kári. Kári var eisini millum teir 84 føroyingarnar sum løgdu leiðina inn á stóru byggi­ messuna í farnu viku. Hansara áhugi var at hyggja eftir teimum nýggju maskinunum, og har var eis­ ini mangt ymiskt at síggja. – Her var kortini ikki nak­ að kollveltandi nýtt hesaferð, men har vóru tó nakrar finess­ir sum høvdu mín áhuga, sigur Kári. Í sama við­fangi hugdi hann eisini eftir ymiskum útgávum av tøkum og takrennum. Kári er ein av mong­um kundum hjá Timbur­handl­ inum, men keypir annars har sum hann fær besta prísin. Færri hús seld Søla: “Í Danmark er rentustøðið sera lágt. Frí­ virðini á húsum økjast og fólk hava eina trúgv uppá, at hetta verður gongdin í nógv ár framyvir. Ein tosar um e0itt satt boom innan bygging og renovering”. Soleiðis verður sagt av fólki innan byggivinnuna. Men samstundis eru aðrar røddir frammi sum siga, at “boligfesten er slut nu”. Í danska blaðnum BT var í farnu viku nortið við hesi viðurskifti. Her verður sligið fast, at tær ógvusligu prís­hækk­ing­ arnar á bústøðum eru lidn­ar. Rentulopið fær nú eisini keyp­arar­nar av bú­støðum at steðga á. Hetta merkja eisini donsku húsa­mekl­ararnir. – Áður var tað so, at í tíðin, sum húsini vóru til sølu, er longd við 10 til 15 %. Hetta er fyri okk­um eitt greitt tekin um, at steðgur er við at koma í, sigur Jesper Elle, kunningartalsmaðyr hjá Nybolig. Hjá størsta meklara­virk­ inum í Danmark, Home, vænta tey einans ein prís­ vøkstur uppá 5 til 10 % í ár. Baltar hjá dønum Arbeiðsmegi: Nógvar danskar fyritøkur hava trupulleikar at útvega nóg stóra arbeiðsmegi til eftirspurning teirra. Nú hevur Baltic WorkForce latið upp eina skrivstovu við tí endamáli at útvega hesa til danska byggiídnaðin. Henda danska fyri­ tøk­an hevur seinastu ár­ini útvegað ein hóp av út­lendsk­ari arbeiðsmegi til donsk gartnarí’ir, land­ bún­aðin og donsku skóg­ ir­nar. Fyritøkan, sum danir eiga part í, fer nú at finna fram til arbeiðsmegi til byggi­ídnaðin, sum í løt­ uni hevur trupulleikar at út­vega nóg mikið av arbeiðsmegi. Alt verður gjørt eftir donskum lønar- og arbeiðstreytum. Fyritøkan merkir stór­an eftirspurning eftir ar­beiðs­ fólki serliga úr Litauen. Teir hava drúgvar royndir í at útvega uppihalds- og arbeiðsloyvi, og tí lættir tað nógv um hjá teimum ymisku byggifyritøkunum at kunna venda sær til eitt einstakt stað at ordna hetta. Hent tól fyri ein bíligan pening Mest finessir Kjartan Hansen (vinstrumegin) og Dennis Hansen hyggja eftir einum kendu tóli – einum nivelleringstóli. Prísurin er lækkaður sera nógv tey seinnu árini 20 Nr. 62 - 28. mars 2006 Kári Simonsen (fremst vm.) hevur nógv hús í gerð í løtuni. Í gjár byrjaðu teir uppá eitt í Miðvági