týsdagur 28. mars 2006síða 22

Føroyska oljufelagið Atlantic Petroleum fer at vera í fyrstu parkett, tá tað í næsta mánað flytur í gamla bygningin hjá Willejus í Gongini, gomlu Kristnastovu. Stjórin fegnast um komandi bústaðin hjá felagnum. Heimstaður Jan Müller jan@sosialurin.fo Ikki færri enn fýra oljufeløg fara at halda til í Gongini við Kongabrúnna í Havn frá í næsta mánað. Talan er fyrst og fremst um før­ oyska oljufelagið Atlantic Petroleum, sum flytur alt sítt virk­semi teir umleið 200 metrar frá Nólsoyar Pálls­stovu til Kristnastovu, hús­ini í grannalagnum, har Willejus hevði radioverkstað og handil í mong mong ár og sum Marstein seinni tók yvir. Í løtuni er stór umvæling og umbygging í gongd í hús­ inum, sum fyrst og fremst verður høvuðssæti hjá Atlantic Petroleum. Geysir Petrol­eum, sum føroyska olju­felagið samstarvar við, fer so eisini at hava til húsa har. Herfyri vórðu hølini, har oljufeløgini Amerada Hess og Dong halda til, lýst til sølu, og tað skilst, at hesi bæði oljufeløgini eisini skulu húsast undir sama taki sum føroyska oljufelagið. Wilhelm Petersen, stjóri í Atlantic Petroleum sigur, at tey eru sera væl nøgd við nýggju adressuna í Gongini, sum hann metir verða eina ta bestu í býnum sum heild. – Vit vera sera sjónlig á hesum stað, og liggja hølini eisini sera væl fyri, tá hugsað verð­ur um vónandi nógva virk­semið hjá felagnum kom­ andi árini. Ikki kann sigast annað enn, at tað verður satt al­tjóða umhvørvi í Gongini í fram­ tíð­ini, har olju­feløg úr Før­ oy­um, Noregi, Dan­mark og USA fara at halda til. Føroyskt oljufelag í fyrstu parkett Her í gomlu Kristnastovu á Kongabrúnni ella rættari í Gongini fer Atlantic Petroleum at halda til í framtíðini Mynd Jan Müller Inngongdin verður í Gongini, har stór umvæling og umbygging fer fram Mynd Jan Müller Wilhelm Petersen, stjóri í Atlantic Petroleum: – Vit fegnast um komandi bústaðin Mynd Jan Müller Tað eru Albert Isfeldt arkitektar, sum standa fyri innrættingi av hesum gamla bygninginum. Soleiðis fer hann at síggja út, tá umbyggingin er liðug Nr. 62 - 28. mars 2006 22