mikudagur 29. mars 2006síða 13

Nr. 63 - 29. mars 2006 13 – Tað er sera gott, at tit føroyingar royna at tryggja tykkum størri marknaðarat- gongd úti í heimi. Treytin fyri at liva upp til Visjón 2015 ætlanina – ella fyri at fáa eitt betri samfel- ag, er at til alsamt nøra um hendan partin og at tit líta eftir, hvussu onnur samfeløg skipa seg, fyri at gera tykka samfelag til eitt av teimum bestur, sigur Per Stig Møller, danskur uttanríkis- ráðharri RÁÐHARRAVITJAN Eirikur Lindenskov Eirikur@sosialurin.fo Sum vera man vóru Mu- hammedstekningarnar um- røddar í Tinganesi í morg- un, tá løgmaður Jóannes Eidesgaard og Per Stig Møller, danski uttanríkis- ráðharrin hittust til árliga fundin, sum hildin verður millum løgmann og uttan- ríkisráðharran, sum á hesi árligu vitjan eisini hittir utt- anlandsnevndina, sum verður kunna um úttanrík- ispolitisk mál. Løgmaður varð spurdur, um hann kendi til nakað konkret mál ella nakra kon- kreta hending, har føroy- ingar ella føroysk áhuga- mál hava verið merkt av boykottinum í kjalarvørri- num av Muhammedstekn- ingunum. Men tað kennir løgmaður einki til. – Eg havi loypandi verið kunnaður um tað, sum er farið fram millum uttanrík- isráðið og fólkatingið, so vit hava kunnað fylgt máli- num, sigur løgmaður. Á fundinum í Tinganesi í morgun prátaðu løgmaður og uttanríkisráðharrin m. a. um ymisk viðurskifti, sum eru viðkomandi fyri før- oyskan politikk. – Eg havi kunnað hann um visiónsætlanina og tað, at Føroyar finna sín leiklut í Evropa. At Føroyar gerast partur av tí globaliseraða heiminum, um onnur viður- skifti, eitt nú teir sáttmálar, sum ikki endialiga eru komnir upp á pláss, t. d. russlandssáttmálan. Eisini havi eg kunnað hann um ís- landssáttmálan, sum liggur í løgtinginum, um fráboð- anina til ST, sum hevur ver- ið frammi í føroyskum pol- itikki, um markið millum Føroyar og Ísland, eisini um viðurskiftini úti á Hatt- on-Rockall platonum, um rækjumálið millum Føroyar og Kanada, og um viður- skiftini í fiskiskapinum við Svalbard, sigur Jóannes Eidesgaard. Eisini hevur løgmaður kunnað hann um sendi- nevndina, sum var í India og kannaði, um møguleikar vóru fyri at fáa samstarv harúti. Per Stig Møller fegnast um, at Føroyar ikki hava verið ávirkaðar av Muham- medorrustuni. – Føroyar hava verið kunnaðar alla tíðina, sigur Per Stig Møller. Uttanríkis- ráðharrin hevur annars ta fatan, at Føroyar als ikki hava verið partur av hesum stríðnum, og tískil hevur hetta ikki rakt føroyingar og føroysk áhugamál. – Eg kann eisini stað- festa, at vitjanin hjá løg- manni í India gekk væl – uttan at hetta á nakran hátt ávirkaði vitjanina. Eg kann so bara fegnast um, at før- oyingar kunnu halda fram við slíkum samstarvi úti verð uttan at verða ávirkað av hesum, heldur Per Stig Møller. – Eg vóni eisini at vit koma ígjøgnum hesa kreppuna við tekningunum skjótt, hóast einki bendir á tað. Hóast trýstið er linkað, so er tað ikki av enn, og danskar vørur verða fram- vegis boykottaðar. Kreppan hevur tó ikki breitt seg, men hon hevur heldur ikki lagt seg. So kreppan heldur fram, sigur danski uttanrík- isráðharrin. – Men eg fegnist um, at hon ikki hevur gjørt føroy- ingum skaða, sigur hann. Sjónvarpið spurdi uttan- ríkisráðharran, um tað eru góðir møguleikar hjá føroy- ingum at gera handilsavtal- ur uttan um Danmark. – Tað hava føroyingar góðar møguleikar fyri. Før- oyingar hava arbeitt við at fáa góðar avtalur við russar, svarandi til tað, onnur hava. Kunnu føroyingar økja sín handil á henda hátt, so er tað bara gott. Og at fara til India er eisini frálíkt! Vit hava eisini tosað um Visjón 2015 og okkara globaliser- ingsstrategiir, sum vit eru í ferð við at leggja fyri okk- ara framtíðarætlanir á út- flutningsøkinum. India er ein stórur útflutnings- marknaður, so eg haldi, at tað er frálíkt, at føroyingar leita handavegin eisini, sig- ur Per Stig Møller. Uttanríkisráðharrin vísti eisini á, at tá hann í fjør var í Japan, var Grønland eisini har við einum átaki har, og vit vilja fegin hjálpa til við slíkum. Grønland hevur eisini gjørt tað uttan okk- um, eitt nú í Washington. Og at føroyingar gera slík framtøk er bara gott, heldur hann. Per Stig Møller sigur eis- ini, at tað er sera gott við eini ætlan, so sum Visjón 2015 á tekniborðinum. Vit eru øll noydd at vera við til at finna út av, hvussu vit mynda framtíð okkara. Men hetta kann ikki gerast, uttan at tað er treytað av, hvussu tey hava tað í øðrum samfeløgum. Taka vit ikki tað allar besta, sum tey hava í øðrum og betri sam- feløgum – og kopiera tað, so er tað samfelagið ikki nóg gott, heldur Per Stig Møller. – Tí fegnist eg um hesar framtíðarætlanirnar hjá tykkum. Tað er so umráð- andi, at tit tryggja tykkum størri marknaðarpart úti í heimi og alsamt nøra um hann – tað er jú treytin fyri einum sterkari samfelag, segði Per Stig Møller, danskur uttanríkisráðharri, tá hann hitti fjølmiðlarnar í Tinganesi í morgun, áðrenn hann fór á fund við uttan- landsnevndina hjá Løgting- inum. PER STIG MØLLER Føddur 1942 Sonur fyrrverandi fíggjarmálaráðharran Poul Møller og Lis Møller, sum var journalistur. Bæði vóru tey fólkatingslimir 1961 studentur 1967 Mag. art. (sml. litteraturvidenskab, Københavns Universitet) 1973 Dr.phil. Politiska lívsleiðin 1960 – 1961 Formaður fyri Konservative Gymnasiaster 1961 – 1962 Næstformaður fyri Konservative Studenter 1970 – 1972 Studenterforeningens ledende senior 1983 – 1989 Formaður fyri Folkeligt Oplysnings Forbund 1984 – Fólkatingslimur fyri Det Konservative Folkeparti 1985 – 1989 Stjórnarlmur í Det Konservative Folkeparti 1987 – 1990 Limur í Evroparáðnum 1990 – 1993 Umhvørvisráðharri í stjórnini hjá Poul Schlüter 1994 – 2001 Limur í uttanpolitiski nevndini 1994 – 1996 Formaður fyri Sikkerhedspolitisk Udvalg 1997 – 1998 Formaður í Konservativa Flokkinum 1997 – 1998 Politiskur leiðari í Den Konservative Folketingsgruppe 1998 – 2001 Uttanpolitiskur framsøgumaður Síðani 27. november 2001 uttanríkisráðharri í stjórnini hjá Anders Fogh Rasmussen Fólkatingsvalevni fyri teir Konservativu í Gentoftevaldøminum frá 1983 og síðani 1987 í Frederiksberg Slotskreds. Vinnuroyndir: 1973 - 1974 Kulturredaktør ved Danmarks Radio 1974 - 1976 Lektor ved Sorbonne, Paris 1974; 1976 - 1979 Souschef ved Danmarks Radios kultur- og samfundsafdeling 1979 - 1984 Programchef hos Programdirektøren 1985 - 1986 Næstformand for Radiorådet 1986 - 1987 Formand for Radiorådet 1984 - 2001 Kommentator ved Berlingske Tidende Per Stig Møller skrivað og útgivið nógv bókmentaligt tilfar, eins og hann hevur finigð fleiri virðislønir FAKTA Neyðugt við størri marknaðaratgongd Per Stig Møller og Jóannes Eidesgaard á tíðindafundi í Skansapakkhúsinum í Tinganesi í morgun Mynd: Jens Kristian Vang