fríggjadagur 31. mars 2006síða 13

Nr. 65 - 31. mars 2006 13 NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Kistan við Niels Ole Lykke fer úr kapellinum á Landssjúkrahúsinum fríggjakvøldið klokkan 17.30. Jarðarferðin verð­ur úr Kollafjarðar kirkju leygardagin kl. 14. Sungið verður úr sálma­bókini. Tey, ið vilja minnast Ole, kunnu lata eina peningagávu til Føroyskt Cystisk Fibrose felag. Konta í peningastovnunum. Petur Sofus Juul í Funningi andaðist í heim­inum týskvøldið 28. mars, 76 ára gamal. Jarðarferðin verður úr Funnings kirkju leyg­ar­ dagin kl. 14. Sálmabókin verður nýtt. Tey, sum vilja minnast Petur Sof­us, kunnu lata eina peningagávu á konto í Føroya Sparikassa. Erling Michelsen, Tórshavn, fer til gravar frá kirkjugarðskapellinum leygardagin 1. apríl, kl. 13. Bønarhald verð­ur í Landssjúkra­ húskapellinum fríggja­ kvøld­ið kl. 19. Tey, ið ynskja at minnast Erling, kunnu lata eina gávu til Kristnastovu; konta í peningastovnunum. Andlát og jarðarferðir Dagurin í morgin 1.apríl. Hugo, deyður í 1132. Biskupur í Grenoble í Fraklandi. Týskt navn, sum merkir tann skilagóði ella vísi. 2. apríl. Teodosius. Kann vera navnið á rómverska keisaranum Teodosiusi Stóra, sum doyði í 395. Men teir halda, at líka skjótt hevur dagurin navn eftir kristnari gentu Teodosiu, sum varð tikin av døgum umleið ár 300. Viðhvørt verður hesin dagurin róptur Teodorius. Nikolai Mohr doyði hendan dagin í 1790. 3. apríl. Nikaitas, deyður í 824. Abbati í Grikkalandi. Í fornkirkjuni hildu teir, at 3. apríl var dagurin, tá ið Kristus varð krossfestur. Í dag, fríggjadagin 31. mars, verður Jens H. Jensen í Tjørnuvík 50 ár. Jens er løg­ reglumaður, og hann hevur nógvu tey seinastu árini verið ein teirra, sum hevur stríðst fyri at fáa bilbukt við misnýtsluni av rúsevnum. Jens er klaksvíkingur. For­eldrini eru Amanda fødd Mikkelsen og ættað av Vágsheygnum, og Karl Hansen, ættaður av For á Nesi í Eysturoy, og í Klaks­ vík nevndur Tofta Karl. Hann doyði í 1993. Amanda býr framvegis í húsunum, sum hon og Karl bygdu á Uppsalaeiði. Tey fingu fýra synir: Jákup (1951), Jens (1956), Rani (1962) og Finn (1966). Jákup býr í Havnini, Jens í Tjørnuvík, og Rani og Finn búgva í Klaksvík. Karl hevði snikkara­verk­ stað úti í Klaksvík. Hann hevði fleiri sveinar í arbeiði, og nógvir lærdu til snikkara hjá honum. Millum teirra var Jens. Hann varð avlærdur í 1978. 1. august í 1979 fór Jens undir politista útbúgvingina í Keypmannahavn. Eftir lokna útbúgving í 1982 varð Jens settur í starv í Klaksvík. 1. mai í 1983 varð hann pol­ itistur í Vágum, og síðani 1. mai í 1986 hevur hann arbeitt í Havnini. Hann hevur roynt seg á so at siga øllum økjum í politistaarbeiðnum. Eitt nú var hann eitt skifti í ferðslupatruljuni, og síðani fyrst í níti árunum hevur hann verið á kriminaldeildini. Jens er nærlagdur, og hann hevur góð evni at samskifta, og hann er sera fyrikomandi. Hesir eginleikar saman við sáttligu og myndugu fram­ ferðini munnu ivaleyst hava verið viðvirkandi til, at Jens ofta hevur leiklutin sum tals­ maður. Hann er at síggja og hoyra í fjølmiðlunum, og hann vitjar á skúlum og hevur vitjan á arbeiðsplássinum av skúlanæmingum. Jens giftist í 1986 við Hansinu Jensen úr Tjørnu­vík, sum er fødd í 1964. Longu sum 12 ára gomul var hon foreldraleys – pápin, Pól Jóhannes, datt oman und­ir vegarbeiði í 1968, og mamman, Dagny, doyði av krabbameini í 1976. Pápa­­beiggi Hansinu, Jens Michael, búði hjá beiggjanum Frammi á Grønagarði, og mammubeiggin, Mein­hard Heimaraklett, var framman­ und­an, at Dagny doyði, flutt­­ur inn til systrina. Hans­­ina búði saman við mammu­beiggjanum og pápa­­beiggjanum, og Jens og Hans­ina giftust inn Frammi á Grønagarði. Børnini hjá Hans­ inu og Jens eru Jens Michael (1991) og Amanda (1994). Jens er virkin á so mong­ um økjum. Blaðungur fór hann at spæla baryton í Klaks­víkar Hornorkestri og stutt eftir trombon ella trekkbasun. Síðani hann flutti til Havnar at arbeiða, hevur hann spælt í GHM, og tað kemur framvegis fyri, at hann ferðast til Klaksvíkar at hjálpa sínum gomlu bygdar­ monnum at blása. Í Javna hevur Jens tikið sítt tørn. Hann varð valdur í nevndina í 1987, og árið eftir gjørdist hann formaður. Tann sessin røkti hann inntil í 1993, tá ið hann av Føroya Landsstýri varð tilnevndur at vera formaður í Ráðnum fyri brekað. Har sat hann í fýra ár. Síðani 2004 hev­ur Jens verið limur í Fyri­byrg­ ingarráðnum. Tjørnuvíkingar eru óførir at varðveita Kingo sang tradi­tiónina. Jens er ein av Kingo sangarunum, og í bygdarlívinum er hann uppi í so nógvum. Tvær merkur av ogn eru í húsinum, og Jens er í hagastýrinum fyri Sjeyndir. Jørðin í Tjørnuvík – 24 merkur – eigur Stakkin, og Jens er við, tá ið teir røkja og søkja Stakkin. Tá ið teir í 1997 skipaðu fyri væl eydnaða tiltakinum Tjørnu­vík fyrr og nú, var Jens ein av fyrireikarunum. Í mong ár hevur hann verið í kirkjuráðnum. Føðingardagin er Jens burturstaddur. J Jens Jensen 50 ár Alif Hansen, Signabøur: Farin frá sum teknikari hjá MRCC Fríggjadagin 31. mars er sein­asti arbeiðsdagur hjá Alif Hansen, radioteknikara á MRCC-støðini ella Sjóv­ bjargingarstøðini (Tórshavn Radio), har hann hevur ar­beitt síðan fyrst í 80-unum. Hóast Alif alment fer úr starvi, kemur hann at virka eina tíð afturat sum ráðgevi. Hansara yrkisleið sum radioteknikkari í ein heilan mansaldur hevur ver­ ið líka frá teimum gomlu radiorørunum til nútíðar digitala tøkni. Alif er havnarmaður, son­ur ein av kendastu jarn­ s­miðjum í Havn, Hans Han­ sen, vanliga kallaður Hans hjá Lutherusi, sum átti og rak Smiðjuna í Lítluvík, har sum listaframsýningar eru í dag. Har sleit Alif sínar barnaskógvar og lærdi nógv jarnsmíð. Mamman var Gud­ did, ættað úr Hósvík. Alif lærdi til radio­mek­ anikara á einum Phil­ips- radioverkstaði í Keyp­ mannahavn frá 1954-58. 1.mars 1960 kom hann í starv hjá Fyr- og Vager­ væsenet, tað sum í dag eitur Farvandsvæsenet. Hann byrj­ aði í Vági, men varð skjótt fluttur til Eiðis, har hann arbeiddi sum teknikari á Lor­ anstøðini. Har var hann til fyrst í 70-unum, tá hann fekk starv sum verkstaðsleiðari á radioverkstaðnum hjá Mar­ stein í Havn. Fyrst í 80-unum kom hann í starv á MRCC-støð­ ini, sum tá hoyrdi undir Post & Telegrafvæsenet. Starvs­ felagarnir siga, at teir hava not­ ið nógv gott av góðu evnunum hjá Alif, bæði sum handverkari og sum radioteknikari. Eingin uppgáva er so torfør, at Alif ikki kann loysa hana. Hann heldur seg eisini sera væl uppdateraðan reint tekniskt. Og nú MRCC stendur fyri stór­um digitalum út­­bygg­ ingum, so er Alif álit­ið. Hann hevur ongantíð arbeitt harðari enn nú, fyri at dagføringin av Tórshavn Radio skal eydnast til fullnar, so øll vera nøgd, tá tendrað verður fyri nýggju útgerðini, væntandi beint áðr­ enn jól í ár. Alif er giftur Hansinu, f. Djurhuus, av Glyvrum, og tey búgva á Signabø, har hann hevur ein 28-fót bát, ið hann sjálvur hevur innrættað og bygt upp. Tey hava keypt sær eini hús við Limfjørðin, har hann kanska fær høvið til at flota bátin av og á. Børnini hjá Alif eru: Kári, sum býr í Kvívík, Heidi, sum býr í Danmark, og Sanna, sum býr í Havn. Abbabørnini eru sjey í tali, og langabbabørnini eru tvey.