mánadagur 3. apríl 2006síða 24

24 Nr. 66 - 3. apríl 2006 Gøtumenn, sum fyri tað nógva vóru illa sperdir í fjør, fingu eina flúgvandi byrjan, tá einsamalla suðuroyarliðið í Formula-deildini varð sent heim við ongum Fótbóltur Jákup Mørk jakup@sosialurin.fo Lagið var framúr í Gøtu eftir dystin sunnudagin. Undan dystinum varð mett, at júst hesi bæði liðini helst fóru at teljast millum tey í tyngra endanum av kappingini, men hesa samanbering vildi GÍ ikki uttan víðari vera partur av. Tamir vágbingar Hinvegin livdi VB væl og virðiliga upp til spádómin um, at teir verða í tunga endanum, tá árið er av. VB hevur seinnu árini sagt farvæl við nógvar av teimum, sum í nógv ár hava verið berandi, og tí kann vera trupult at lyfta arvin hjá mongu ungu spælarunum. Kropsliga tóktust hesir heldur ikki vera gearaðir til fótbólt á Formula-støði, og tí komu teir rættiliga skjótt í dystinum undir stórt trýst. Tvær ferðir fyri steðgin varð hetta eisini revsað, tá teir báðir ungu álopsmenninir hjá GÍ skutu vertirnir upp á 2-0. Fyrru ferðina slapp evnaríki Sverri Jacobsen rættiliga ótarnaður at stúta bóltin í netið, og stutt undan steðginum varð Jónreid Dal­ heim sendir leysur avstað. Magni á bakkinum Efit steðgin var spurningurin fyri tað mesta, hvussu triva­ ligur sigurin hjá GÍ skuldi verða. Marcin Dawyd í VB- málinum, sum í fjør spældi við GÍ, var sannur brandur, og uttan hansara hjálp kundi talan væl verið um tennis-tøl á máltalvuni. Hóast talan kanska var um bíliga bakgrund, so tóktist GÍ í nógvar mátar at sannføra um, at landskappingin í ár neyvan verður eins soltin, sum hon var tað í fjør. Ikki minst tóktist Magni Jarn­ skor at stórtrívast í nýggja leiklutinum á vinstra bakki, har hann við góðum yvir­ blikki var partur í nógvum av tí, sum GÍ skapti niðaneftir. Í hinum endanum var talan aloftast um tilvildarligar møgu­leikar, sum VB tó heldur ikki megnaði at gera sær dælt av. Spælið gekk aloftast ov seint, til at hetta veruliga kundi skapa nakrar trupulleikar, og lætti hópurin hevði heldur ikki kropsligu styrkina, sum er neyðug, um menn bara skulu stríða seg úr trupulleikunum. At hava ein sannan brand í málinum, og ein sterkan defensivan miðvallara er í sjálvum sær sjáldan nóg mikið. Og í so máta hevur Ole Andersen enn eitt stórt arbeiði eftir at gera í Vági. Eisini hóast tað enn eru 26 umfør eftir at spæla. GÍ-VB 3-0 (2-0) 1-0: Sverri Jacobsen 2-0: Jónreid Dalheim 3-0: Poul Arni Jacobsen Kavin bilti einki Annars haldi eg VB-spælararnir rigga betur í kalendaranum enn á vøllinum – Gøtumaður í sigursrúsi VB GÍ GÍ tók okkum á bóli Tað var ein ikki sørt lætnaður GÍ-venjari, sum Sosialurin fekk orðið á sunnukvøldið. Eftir at hann seinastu umførini í fjør stóð við stýrisvølin á einum GÍ-liði, sum fram til seinasta sekund var í akuttum niðurflytingarvanda, var talan um eina mun­ andi lættari byrjan hjá Peturi Mohr. – Tað kanst tú ætla. Hetta var júst ein slíkur dystur, sum tú skalt vinna. Ein sigur í hesum kundi líka sum flyta tankarnar rætta vegin, heldur enn at vit frá byrjan skulu hugsa um niðurflytingarvandan, og tí var trýstið sum so stórt undan dystinum. – At vit so eisini manglaðu fleiri spælarar, gjørdi ikki mína støðu lættari. Hvørki Pól Ennigarð, Gunnar Nielsen ella Hanus Jacobsen vóru tøkir hjá mær, og tí hevði eg einki ímóti at síggja kavan, sum kom niður í morgun. Ja, eg vónaði næstan, at hesin varð liggjandi, so dysturin varð útsettur, segði flennandi GÍ-venjarin at enda. GÍ-VB/Sumba 3-0 (2-0): »Go« í GÍ Hóast nýggi VB-venjarin, Ole Andersen, sjálvandi ikki var nøgdur um at tapa 3-0, so ásannaði hann, at sig­ur­in hjá GÍ so ruddiliga var uppi­borin. – Eg haldi, at mínir spæl­arar gjørdust bilsnir av GÍ. Teir spældu frá fyrsta minutti við fullari ferð. Vóru skjótir á bóltinum og tordu at spæla hart. Og tað haldi eg kløkkaði okkara spælarar. – Vit hava jú skift nógvar spælarar út, og eisini hava vit nýggja spælskipan, so tað tekur sína tíð at laga alt til. Nú mugu vit so greina hendan dystin, og rætta ­­nøk­ur ting, og so fáa vit at síggja. Tað skal í øllum førum nógv meira enn bara eitt tap til, áðrenn nakar hjá okkum gevur skarvin yvir, heldur hann. GÍ legði fyri við fullari ferð, tá teir sunnudagin vunnu greiðan sigur á VB í fyrsta umfarinum av Formula-kappingini Mynd: Álvur