týsdagur 4. apríl 2006síða 9

Nr. 67 - 4. apríl 2006 9 Tað er ikki nøkur skrøna, tá ið sagt verður, at øll Havnin kundið verið javn­ að við jørðina, um ein bingja hjá Kaj Andreasen við 16 tonsum av spreingievni, ið stóð á Eystaru Bryggju, fór í luftina Spreingievni Terji Nielsen terji@sosialurin.fo Tað ljóðar sum ein skrøna, at allur høvuðsstaðurin skuldi farið í luftina, men so er ikki. Ein góðkendur spreingimeistari, ið Sosi­al­ ur­in hevur tosað við, sigur, at tað als ikki er óhugsandi, at fór bingjan við teimum 16 tonsunum í luftina, var einki eftir av Havnini. Trykkbylgjan hevði verið øgilig Spreingimeistarin sigur, at 16 tons er ein so ófatiliga stór mongd, og tí er ilt at meta um, hvussu stórar fylgir tað hevði havt. – Eg minnist tó fyri nøkr­ um árum síðani, at eg saman við Færøernes Kommando sprongdi ein kassa við 25 kilo av dynamitt og rør­leidningum í luftina úti á Glyvursnesi. Tá merktu tey trykkbylgjuna heilt inni á Skálafjørðinum, og í Nólsoy brotnaðu fleiri rútar. Hendan nøgdin, ið stóð á Eystaru Bryggju, var jú fleiri hundrað ferðir størri, og tí er einki at ivast í, at fylgjurnar høvdu verið øgiligar, um bingjan fór í luftina, greiðir spreingimeistarin frá. Løgið at eingin boðar frá Tað undrar tó eisini spreingi­ meistaran, at Skipa­fel­ag­ið Føroyar, sum hevði bingj­ una standandi á sínum øki, ikki hevur heitt á Kaj Andr­ easen um at flyta spreingi­ evnini av økinum og goymt tá í síni serligu sprengi­ evnisgoymslu. – Eg veit frá mær sjálvum, at um man ikki fekk stundir at fara oman á bryggjuna eftir spreingievnunum hjá sær, tá ið tey komu mánadag, plagdi Eimskip at ringja dag­ in eftir og biðja okkum koma eftir tí sum skjótast, sigur spreingimeistarin. Eingin viðmerking hjá innflytaranum Sum áðurnevnt er tað Sp/f Kaj Andreasen í Hoyvík, sum átti bingjuna við teimum 16 tonsunum, ið stóð á Eystaru Bryggju. Bergur Andreasen hjá Sp/f Kaj Andreasen sigur, at í løtuni hava teir ongar viðmerkingar til málið. – Vit meta málið sum ógvu­ liga álvarsligt, men í løtuni hava vit ongar við­merkingar. Vit koma tó við onkrari út­melding seinni, sigur Bergur Andreasen. Heldur ikki hjá Skipa­fel­ agn­um Føroyar hava tey hug at gera viðmerkingar til málið. Árni Joensen, stjóri á Skipafelagnum, sigur, at tey hava nakrar heilt greiðar reglur at ganga eftir í slíkum førum, men hann fer annars ikki at gera viðmerkingar til málið í løtuni. Sunnukvøldið kom eldur í eini sethús í gerð inni á Leiti í Vestmanna. Av tí at útkallingarskipanin hjá alarmsentralinum ikki riggaði, noyddist sløkkiliðsleiðarin í Vestmanna at tendra lúðurin fyri at fáa fatur á monnum Eldur Terji Nielsen terji@sosialurin.fo Tað var beint eftir klokkan ellivu sunnukvøldið, at al­armsentralurin fekk boð um, at eldur var í einum set­húsum, sum eru í gerð, inni á Leiti í Vestmanna. Tá ið alarmsentralurin skuldi brúka útkallingarskipanina at fáa fatur á sløkkiliðnum í Vestmanna, riggaði skipanin ikki, og tí var neyðugt at boða frá manuelt. Lúðurin kom væl við Símin Simonsen, sløkki­ liðs­leiðari í Vestmanna, sig­ur, at hann sum tann fyrsti fekk boðini frá alarm­ sentralinum. – Eg fekk boðini um eldini, og samstundis var sagt, at alarmsentralurin skuldi boða restini av sløkkiliðnum frá. Eg skundaði mær oman á støð­ ina, og eg sá beinan vegin, at tað gekk ov seint at fáa fatur á monnum, tí tað vóru bert nakrir heilt fáir aðrir mans. Tí valdi eg tendra brandlúðurin, sum hoyrist um alla bygdina, og skjótt vóru 16 mans møttir, greiðir Símin Simonsen frá. Sløkkiliðsleiðarin í Vest­ manna heldur, at slíkir lúðr­ar eru ógvuliga hentir at hava, og hann heldur, at allar bygdir áttu at havt ein slíkan. Tá ið sløkkiliðið kom á staðið, har eldur var, kundu teir tó staðfesta, at onnur fólk har um leiðir høvdu verið skjótari enn teir á staðnum, og tey høvdu við vatni sløkt eldin. Kyknaði í ketlinum Eldurin í nýggju sethúsinum inni á Leiti kyknaði í ketl­ inum í oljufýringini. Símin Simonsen greiðir frá, at tað brendi út ígjøgnum, og síðani festi tað í tagskeggið og fór nakað inn eftir loftinum. – Nakrar sperrur eru brend­ar, men hús­ini eru ikki smíðað liðug innan. Eigarin er byrjaður at innrætta hús­ ini, men tað arbeiðið er ikki liðugt, greiðir Símin Sim­on­ sen frá. Um bingjan við teimum 16 tonsunum var farin í luftina, er tað ógvuliga sannlíkt, at meginparturin av Havnini var farin við, sigur góðkendur spreingimeistari Havnin hevði farið í luftina Vestmenningar brúktu brandlúðurin Eldurin kyknaði í ketlinum, og tað brendi út ígjøgnum. Eisini festi tað í tagskeggið, og nakrar sperrur brendu Mynd: Birgir Waag Høgnesen