mikudagur 5. apríl 2006síða 24

8 Knút Háberg Eysturstein Sum einstaklingur gav Knút Háberg Eysturstein í 2004 frálíku fløguna Havsglóð út. Á hesi fløgu upplivdu vit lagskrivarin Knút Háberg Eyst­urstein. Hesin er bæði inniligur og dugna­ligur. Røddin hjá Knút er heilt serlig, og hann syngur við nógvar innlivan. Afturat sær hevur hann ein flokk av sera dugnaligum tón­leikarum. Leirvíkingurin Knút byrjaði sítt tónlistar­ liga yrki, sum gittarleikari í bólkum sum Mari­ gold og avleggaranum Mary’s Baby. Men tað var, sum orgulleikari í Gestum, at Knút flutti seg inn í føroysku tónleikatilvitskuna. Hann hev­ur eisini í Marius og í einstaklingaverkætlan­ini hjá Peturi Pólson víst seg, sum ein sera hab­ ilan urguleikara, ið hevur átt ein stóran leik­ lut í heildarmyndini hjá hesum bólkum. Saman við júst Petur Pólsyni hevur Knút seinastu tíð­ina spælt mótmælistónleik undir navninum Tuxedo Rebels. Men á asfalt verður hann aftur at hoyra í síni egnu verkætlan. SIC SIC er Føroya besti deyðmálmsbólkur. Síðan SIC skift­ið út í manningini í fjør, er bólkurin vorð­in alsamt betur, og eru nú ein sannur vegg­ur av deyðsmálmi. Í Mikkjal Gaard Hansen hev­ur bólkurin ein tann sterkasta oddamannin í før­oyskum tónleiki. Hann er tað fyri tað myrka og ráa í føroyskum tónleiki, ið Eivør er fyri tað vakra og reina. Bólkurin hevur spælt rættiliga fitt í Før­oy­ um seinasta árið, umframt at teir hava verið á konsertferðum í Danmark og Ìslandi. Tað skilst, at bólkurin arbeiðir við fløguætlanum. Teir ætla sær næstu tíðina at royna seg í út­landinum, og verða tí ikki nógv á hoyra á før­oyskum tónleikapallum. Men á asfalt hava teir játtað at luttaka. SIC vórðu nummar trý í The Global Battle Of The Bands fjør, men tað skilst, at tað einans vóru nøkur fá stig millum SIC, Lama Sea og Marius, sum vann. Unn Paturson – enn eitt come back á Asfalt Nú er nakað liðið, síðan føroyingurin hevur hoyrt nakað frá Unn Patursson, men nú noyðast vit ikki at bíða leingi afturat. Unn hevur nevni­liga savnað sær nakrar knalldugnaligar tón­leikarar, og við teimum trínur hon á pallin á Asfalttiltakinum. Unn lýsir sín tónleikastíl sum eina samanrenning millum fusión og popp. Unn er uttan iva ein av okkara fremstu song­ fugl­um. Hon syngur sera sannførandi, og hon hev­ur eitt sterkt innlit í tónleikin sum verður fram­førdur á pallinum. Hetta gevur henni eitt stórt yvirskot til hennara framførslu.. Unn hevur áður forkelað okkum við tveimum góðum útgávum. “Gloymska Við Grape” var slóð­ brótandi poppur í einum hami, sum ikki áður er hoyrdur her á landi. Síðan fór Unn at arbeiða uppá eitt meiri jassutt konsept, sum hon kal­ laði fyri “RUN”. Páll Finnur Páll hava ein serligan eginleika at skriva ljótan boðskap í penum hami. Í dag byrjaði atgongumerkjasølan til asfalt. Í hesum sambandi kunnu vit avdúka fýra av nøvnunum á risa tónleikatiltakinum í Tórsgøtu. Føroya ónærisligasti poppbólkur Páll Finnur Páll verður millum nøvnini eins og Sic, Knút Háberg Eysturstein og Unn Patursson. Páll Finnur Páll er langt síðan vorðin fólkaogn. Bólkurin hevur eini heilt serlig evni at skriva fangandi og syngivið- vinarlig poppløg. Lagið “Forelskaður Sjónleikari” av fyrru fløguni hjá bólkinum er tað størsta popp hittið í føroyskum tónleiki seinastu nógvu árini. Á nýggju fløguni hjá bólkinum, fær rokkurin ein eitt sindur størri leiklut. Hetta klæðir tónleikinum væl. Ofta eru tekstirnir væl hinumegin tað vanliga, og ikki alt er borðbart. Eitt nú skýrdi ummælarin hjá Sosialinum fyri nøkrum árum síðan lagið “Blottarar” fyri at vera eitt lag, ið ongantíð átti at verið skrivað. Fleiri tekstir hjá teimum eru so ófantaligir, at teir ikki kunnu verða spældir í føroysku loftmiðlunum. Tað gerst so serliga langt úti, tí hesar ófantaligheitir verða bornar fram í fittum popp hami. Men Páll Finnur Páll er altíð frálíkur á konsertum. Bólkurin er stutt sagt ein av bestu føroysku tónleikabólkunum í løtuni. Páll Finnur Páll, Knút, Unn og Sic á asfalt