hósdagur 6. apríl 2006síða 9

Nr. 69 - 6. apríl 2006  Árna­ fjarðar skúli 1904 Fyrstu ferð, vit síggja nakað skrivligt um skúlabygging í Árnafirði, er í fundarbókini hjá sóknarstýrinum, har tað stendur: “Aar 1903, den 4de Juli afmaalte undertegnede Medlemmer af Sogne­ kommissionen et Grund­ stykke, hvorpaa agtes opført en skolebygning i Arnefjord 14 alen lang 10 alen bred udvendig maal. Joen Joensen og M. Mikkelsen”. 10. juli 1903 sendir Clem­ent Olsen, sýslu­ maður eitt skriv til løg­ tingið, har hann sigur, at tað leingi hevur ver­ið øllum greitt, at Árnafjarðar bygd treingir til at fáa núytt høli at halda skúla í. Tær st ovur, ið higartil hava verið leigaðar frá fólki í bygdini, eru ikki hósk­andi til tað skjótt vaks­andi barnatalið. Einki høli er í bygdini, sum ikki verður brúkt til sovikamar, og rúmini eru eisini so smá, at ikki er nóg mikið av sitiplássi til tey 23 børnini í skúlaaldri, sum eru í bygdini; serliga ringt er at fáa pláss til skrivingina. Forstandarskapið hev­ ur tí viðtikið at senda umsókn til løgtingið frá Vágs sóknar kommunu um at fáa 1400 krónur í studningi til at byggja eina skúlastovu í Árnafirði fyri. Hon skal vera 12 alin long og 10 alin breið, bygd úr gróti og innan klødd við timbri. Í 1904 verður skúlin tikin í nýtslu. Kelda: Árnafjarðar skúli 100 ár Teir tríggir næm­ing­ arnir eru saman í skúlanum og somu­ leiðis eftir skúlatíð Skúli Rannvá Næs Guttesen og Lilja Holm Mortensen praktikantar Árnafjørður: Danskt­bøk­ ur­nar Søren og Mette lógu opnar á borðinum, tá vit komu og órógvaðu tríggjar lítlar, fittar dreingir, ið vóru í tíma. Teir høvdu júst lisið føroyskt, og vóru nú í ferð við at lesa danskt. Í flokkinum er ein drongur, ið gongur í 2. flokki, og tveir, ið ganga í 3. flokki, men tó eru teir allir í somu stovu. Vit fingu okkum eitt prát við teir báðir Jógvan Sím­un­ arson Joensen og Poul Ask­ ham Olsen úr 3. flokki. Teimum dáma sera væl at ganga í skúla, tí at teir bert eru tríggir næmingar og allir eru sera góðir vinmenn. Teir høvdu tó einki havt ímóti at verðið fleiri. Lærarin Char­ lotta er eisini sera fitt. Teir eru í skúla frá klokkan 10.05 til klokkan 12.40, og mat­arsteðgur er klokkan 12.00. Tað sum teimum dáma best at gera í skúlanum er at íðka fimleik, tí teimum dáma væl at sparka, og tað fáa teir høvi til at gera har. Ítróttartímarnir fara fram í Klaksvík, og eru skiftandi millum fimleik og svimjing. Tá teir hava ítrótt eru teir saman við 3. flokkunum í skúlanum við Ósánna. Tøving Í fríkorterinum eru teir ofta úti í tí lítla skúlagarðinum og sparka bólt. Eisini dáma teimum væl at spæla teldu­ spøl, og teimum dáma eisini væl at spæla ymisk spøl, sum Ludo og Kalaha. Til tíðir hyggja teir eisini í sjónvarp, men tað er ikki ofta, at teir fáa høvi til tað. Í síðstuni hava teir saman við hinum dronginum og lær­ ar­anum nálatøvt. Teir hava tøvt myndir av kvæðn­um Øsku­ dólgur og Sópingarkona. Hetta dámdi teimum sera væl. Teir eru teir einastu dreing­ ir­nir í bygdini, ið eru á um­leið sama aldur, og av tí grund eru teir oftani saman. Í frítíðini eru teir, tá veðrið er til vildar, onkuntíð úti og fiska. Teir spæla eisini nógv bólt, og allir droyma um at spæla við KÍ eftir summ­ arferiuna. Eftir samrøðuna, fór drong­urin Leivur, ið gongur í 2. flokki, oman til handilin hjá Niklasi og keypti okkum kaffi og smákøkur. Vit høvdu eitt sera áhuga­ vert prát við lærarinnuna Charlottu Thorsteinsson, og vit kunnu siga, at dreingirnir hava eina ógvuliga fitta lær­ ar­innu. Eftir prátið og kaffimunnin við Charlottu var eitt sindur av restum eftir av køkunum, og tað bjóðaði Charlotta dreingj­unum. Hetta dámdi teimum væl og køkurnar smakkaðu óføra væl. Eru altíð saman Ein næmingur í starvsvenjing hevur samrøðu við ein skúlanæming í Árnafirði – Leivur svarar fegin spurningum hennara Teir báðir Poul og Jógvan ganga í 3. flokki og hava dansktbøkurnar liggjandi á borðinum og vælhildnan skúla hjá børnunum í kk Leivur í Buð Justinussen er 8 ár og gongur í 2. flokki. Honum dámar væl at ganga í skúla. - Vit skriva fyrisøgn, lesa og rokna, sigur hann. Eisini gera tey ymiskt ítriv, sum t.d. tøving, byggja gróthús og mangt annað Skúli Elin Neshamar, praktikantur Fimleikartímarnar hava dreing­irnir í Árnafirði saman við 2. flokki í skúlanum við Ósánna í Klaksvík. Nú kennir Leivur eisini nógvar dreingir í Klaksvík, sum eru um sama aldur sum hann. Tá ið vit møttu upp í skúl­ anum í Árnafirði, sparkaðu teir tríggir árnfirðingarnir fótbólt úti í túninum, meðan teir bíðaðu eftir Charlottu, læraranum, sum eisini und­ ir­vísir í Klaksvík. Leivur greiðir frá at teim­ um dáma væl at sparka fót­bólt, og eisini hava teir plakatir av kendum fót­ bólts­­leikarum hangandi inni í skúlastovuni. Annars hugna teir sær við nógvum ym­iskum til dagligt. Teir hava eina fína teldu standandi inni í skúlastovuni, og spæla teir ofta teldu í fríkorterunum. Leivur gongur í 2. flokki, so hann hevur ikki danskt enn, so tá ið Jógvan og Poul lesa danskt, so lesur hann føroyskt. – Men tá ið vit skriva fyrisøgn, skriva vit allir tað sama, sigur Leivur. Annars er sera hugnaligt inni í skúlastovuni. Sum í øðrum skúlastovum hava teir ymiskt pynt, ið teir sjálv­ir hava gjørt. Teir hava nógvar plakatir, og góða útgerð, m.a. hava teir eisini sjónvarp, video og dvd. – Tað er serliga tá ið onkur hevur føðingardag, at vit hyggja eftir filmi, greiðir Leivur frá, og leggur afturat, at teir eisini av og á hyggja eftir onkrum nýggjum filmi, sum júst er útkomin. Leivur, Jógvan og Poul eru í skúla hvønn dag frá kl. 10:05 til 13:10, og fríggjadag eru teir í Klaksvík, og hava fimleik saman við 2. flokki í Skúlanum við Ósánna. – Deiligt at ganga í skúla