mikudagur 29. november 2000síða 11

Nr. 230 - 29. november 2000 21 20 Nr. 230 - 29. november 2000 Í fleiri fótbóltsfeløg- um eru tey av tí áskoðan, at tað eigur at verða spælt í lands- kappingini fyrra- partin av juli LØGMANSSTEYPIÐ Jóannes Hansen Kongstankin hjá fleiri fótbóltsáhugaðum hevur í nógv ár verið, at finalan í kappingini um løgmans- steypið skal verða spæld í Gundadali á ólavsøku. Hig- artil hevur hetta ikki verið gjørligt, men nú verður aft- ur tosað um møguleikan. Fótbóltssambandið skal tosa við tey bæði stóru fel- øgini í høvuðsstaðnum um, undir hvørjum treytum tað ber til at spæla finaluna á ólavsøku. Tað eru B36 og HB, sum eiga rættin til fótbólt á ólavsøku. Inntøkurnar frá ólavsøkufótbóltinum hava verið stórar. Men tey seinnu árini hevur áhugin fyri ólavsøkufótbóltinum ikki verið so stórur, sum hann onkuntíð hevur verið. Summarfrítíðin Leygardagin høvdu umboð fyri fótbóltsfeløgini og um- boð fyri Fótbóltssambandið árliga fundin, har farna kappingarárið varð eftir- mett, og har tosað varð um møguligar broytingar kom- andi kappingarár. Ein av spurningunum var, nær tað er rættast at hava summarsteðg. Sam- bært uppskotinum, sum feløgini undan fundinum høvdu fingið um tíðarætlan fyri komandi kappingarár, so skal síðsta umfarið í landskappingini undan summarsteðginum spælast sunnudagin 24. juni. Sam- bært somu ætlan skal final- an um løgmanssteypið vera sunnudagin 1. juli. Á fundinum leygardagin, har øll fótbóltsfeløgini utt- an Skáli og TB vóru um- boðað, kom fram, at fleiri eru áhugaðir í, at tað verður spælt í landskappingini eitt sindur longur út á summ- arið. Víst var á, at tað ikki eitt sindur tvørligt, at spæl- ararnir ikki vita rættuliga, nær teir hava summarfrí. Feløgini stremba eftir at koma í steypafinaluna, men hjá teimum, sum tað eydn- ast at røkka so mikið langt, ber tað við sær, at summar- frítíðin verður útsett. Tí mæla fleiri til, at final- an verður flutt til eftir summarsteðgin, og tað er í tí sambandinum, at møgu- leikin fyri at spæla á ólavs- øku aftur er komin upp á tal. Søgan Síðani tað í 1989 var farið undir kappingina um løg- manssteypið, hava allar fin- alurnar verið í Gundadali. Tey fyrru árini varð spælt á ovara vølli, men finalan í ár var á Tórsvølli. Ætlanin er, at finalurnar í framtíðini skulu vera á Tórsvølli. Finalurnar vórðu nógvu tey fyrstu árini spældar fyrrapartin av august. Í 1998 varð avgjørt, at final- an skuldi spælast undan summarsteðginum. Sjónar- miðið aftanfyri avgerðina var, at í staðin fyri at mark- era byrjanina upp á seinna- partin av kappingarárinum, so skuldi finalan markera endan á fyrru helvt. Tað varð eisini roknað við, at fótbóltsliga støði fór at verða hægri síðst í juni, tá liðini vóru í góðari dystar- venjing, enn tað var fyrst í augst, tá feløgini ikki høvdu spælt týdningar- miklar dystir í einar seks ella sjey vikur. Finalan í 1998 var ímillum HB g KÍ, og HB vann 2-0 miku- kvøldið 17. juni. Í fjør, tá KÍ vann 3-1 á B36, var fin- alan sunnudagin 4. juli, og í ár vann GÍ 1-0 á HB. Tað var á Tórsvølli sunnudagin 2. juli. Nú verður tosað um at flyta finaluna. Um hon verður á ólavsøku hongur m. a. saman við, um FSF og havnarfeløgini finna fram til eina semju um fíggjar- ligu treytirnar. Tríggir dystir verða leiktir í bestu mans- deildini mikukvøldið, og millum annað verður spennandi at síggja, hvussu stór hóttanin frá Tjaldri er HONDBÓLTUR Jákup Mørk Eftir at hava tikið sær av løttum um vikuskiftið – landsliðsvenjingin varð jú av ongum – leggja leikarar- nir í bestu mansdeildini aftur til brots í kvøld. Hvar flýtur Tjaldur Ein spurningur, sum hevur verið nógv umrøddur sein- astu tíðina, er, hvar Tjaldur í veruleikanum flýtur. Síðani nýggju leikararnir, og har við eisini venjarin, komu til landið, hevur liðið rættiliga sett ferð á stiga- savnanina. Møguliga eru útlit fyri fleiri stigum, tá Neistin kemur á vitjan, tí higartil hevur als ikki ging- ið eftir vild hjá føroya- meistarunum. Móti VÍF fyri viku síðani vóru tó glottar at hóma í avrikinum, so alt talar fyri einum spennandi dysti, har vinn- arin kann sleppa upp á fjórða plássið. Hetta hevur H71 í løtuni, men eftir øllum at døma verða teir við undirlutan, tá teir mikukvøldið skulu royna seg í grannauppgerð móti Kyndli. Kyndilsliðið hevur av álvara sett ferð á seinastu dystirnar, og halda teir framhaldandi sama støði, er lítið at ivast í, at tvey stig afturat bíða. Seinasti dysturin verður í Vestmanna, har KÍF tekur ímóti StÍF. Strandingar hava tapt teir báðar seinastu dystirnar, men skulu teir halda fast um annað pláss- ið, sum teir í løtuni hava, er einki at ivast í, at tvey stig skulu fáast til vegar her. Kollfirðingar hava hin- vegin fleiri ferðir bitið frá sær í vetur, og hóast stigini enn eru nakað fá í tali, so hevur tað fleiri ferðir verið heilt nær við. Millum annað á Skála, har StÍF sig- urin bert var upp á eittans mál, so vissir í at vinna skulu strandingar á ongan hátt vera. Støðan 1. Deild menn vunnin tapt mál- dystir v - j - t mál mál munur stig 1. VÍF 9 9 - 0 - 0 303 218 85 18 2. StÍF 9 5 - 1 - 3 268 242 26 11 3. Kyndil 8 4 - 2 - 2 233 202 31 10 4. H71 8 3 - 0 - 5 214 228 -14 6 5. Neistin 8 3 - 0 - 5 188 206 -18 6 6. Tjaldur 9 3 - 0 - 6 205 275 -70 6 7. KÍF 9 1 - 1 - 7 198 238 -40 3 Ólavsøkufinalan er aftur farin at spøkja Ein dystur verður leiktur í meistara- deildini hjá kvinnum mikukvøldið FLOGBÓLTUR Jákup Mørk Talan er um grannaupp- gerðina í Klaksvík, tá Mjølnir og Fossanes fara í KÍ-høllina mikukvøldið. Hóast talan er um lokal- uppgerð, so er lítið, sum bendir á, at talan verður um nakran spennandi dyst. Fossanes eigur enn fyrsta settið í ár til góðar, og tá Mjølnir samstundis kappast við Drátt um fremsta sessin á talvuni, bendir alt á ein tryggan sigur til heima- liðið. Lokaluppgerð í Klaksvík Ivamál tykist ikki vera um, hvørt steypafinalan skal spælast á Tórsvølli ella ikki. Spurningurin er heldur, nær hon skal spælast Aftur ferð á hondbóltin Spennandi verður at síggja, hvørt Kyndil framhaldandi fer at halda sama støði, sum teir hava gjørt seinastu vikurnar Julian og Kurt skulu á venjingarlegu í La Manga í vikuni und- an landsdystunum ímóti Luksemburg og Russlandi NOREG Jóannes Hansen Í fótbóltsfelagnum í Sogn- dal í Noregi er tað vorðið gerandisdagur aftur. Eftir nógva fagnaðin í sambandi við uppflytingina til tippu- liguna og eftir ein kær- komna hvíld í ein mánað, fóru teir í føroyska felagn- um í norskum fótbólti í fyrradagin undir fyrireik- ingarnar til nýggja kapp- ingarárið. Setningurin verður fyrst og fremst at varðveita plássið í bestu deildini. Fyrsta umfarið í landskappingini verður 16. apríl, og fram til tá ætla teir í Sogndal ikki at liggja á løtu síðuni. Julian Johnsson, sum komandi ár skal spæla í troyggju nummar 14, og Kurt Mørkøre, sum skal bera troyggju nummar 16, hittust í fyrradagin saman við liðfeløgunum í Sogna- hallen. Har skemtaðu teir sær eina løtu, áðrenn teir høvdu spælarafund. Í dag og í morgin verða spælarar- nir kannaðir fyri, hvussu stóran – sum teir siga – skaða teir hava fingið av frítíðini, og mánadagin verður av álvara farið til verka. Skulu vit meta út frá ætl- anini, sum er løgd, so ætla teir í Sogndal at spenna bogan høgt í fyrireikingar- tíðini. Longu 7. januar skulu teir spæla venjingar- dyst í Sognahøllini ímóti Lillestrøm, og millum mangar aðrar venjingar- dystir skulu teir 25. januar spæla ímóti Rosenborg. Nógv ferðing Føroyska fótbóltslandsliðið skal 24. mars spæla HM undankappingardyst í Luksemburg og 28. mars skulu Føroyar spæla í Russ- landi. Ætlanin er, at lands- liðið skal fyrireika seg til hesar dystirnar á venjingar- legu, men vit hava ikki enn fingið at vita, nær henda venjingarlegan verður. Tá tað snýr seg um venj- ingarlegur undan kapping- arbyrjan, er spurningurin altíð, hvussu venjingarleg- an hjá landsliðnum og venj- ingarlegurnar hjá feløgun- um passa saman. Julian Johnsson og Kurt Mørkøre vóru báðir fyrst í oktober í landsliðsferða- lagnum í Sveis. Tá spældi Julian við, meðan Kurt all- ar 90 minuttirnar sat á beinkinum. Tað man lítið vera at ivast í, at tá HM undankappingardystirnir tørna fyri seinnapartin í mars, tá verður brúk fyri bæði Juliani og Kurt inni á vøllinum. Tá vera teir í betri dystarvenjing, enn mangir av hinum lands- liðsmonnunum. Umframt í einari rúgvu av venjingar- dystum heima í Noregi, so fara teir í Sogndal at fáa dystarvenjing á venjingar- legu í La Manga í Spania. Har skulu teir í tíðarskeiðn- um 10.-18. mars taka lut í kapping saman við norsku feløgunum Strømgodset, Lyn og Start og saman við fýra svenskum feløgum. Fáur roknaði við, at tað skuldi eydnast hjá Jákupi Mikkelsen og teimum at seta odda- liðið upp á pláss SUPERLIGA Jóannes Hansen Tá dómarin hevði bríkslað fyri síðstu ferð í síðsta sup- erligu dystinum undan vetr- arsteðginum minti rómurin á Herfølge stadion ikki sørt um tað, sum var at síggja, tá Herfølge spælararnir saman við viðhaldsfólkun- um fyri einum hálvum ári síðani fegnaðust um, at teir høvdu vunnið meistara- skapin. Ta ferðina tók tað eina heilt góða løtu, áðrenn spælararnir fóru undir tak. Teir fóru sigursrundferð kring vøllin, og teir tveittu troyggjurnar út til áskoðar- arnar. Mánakvøldið fóru spæl- ararnir aftur sigursrund- ferð. Teir høvdu ikki vunn- ið meistaraskapin, men teir tóktust sera fegnir. 3.372 áskoðarar vóru møttir hetta vetrarkvøldið. Nógvir teirra vóru viðhaldsfólk hjá Brøndby. Tey smoygdu sær skjótt avstað. Herfølge viðhaldsfólkini vóru stand- andi. Tey fingu troyggjur, og Jákup Mikkelsen tveitta málmanshandskarnar, har sum klaksvíkingarnir í út- legd stóðu. At Herfølge fólkini fegn- aðust soleiðis komst av, at teir høvdu vunnið á odda- liðnum. Brøndby hevði longu undan seinasta dyst- inum tryggjað sær at halda vetrarfrí á fremsta plássin- um. Herfølge var næstaft- ast. Tað var neyðugt hjá teimum at vinna fyri at lyfta seg upp um strikuna fyri at geva pláss fyri AB undir strikuni. Herfølge vann 3-2, og tað var eingin ivi um, at sigurin var uppi- borin. Sigurin var tann fyrsti hjá Herfølge, síðani teir 10. september á útivølli í Glad- saxe vunnu 3-1 á AB. Gott undirhald Hóast vøllurin var hálur og óslættur, og tað var kalt á Herfølge stadion, so høvdu áskoðararnir nógv at gleða seg um. Tað var ferð á, tað vórðu skorað fimm mál, og tað vóru fleiri spentar støð- ur frammanfyri málið hjá Brøndby. Stóri spælarin í Herfølge var álopsmaðurin Thomas Christiansen. Fyrrverandi spanski landsliðsmaðurin, sum er uppvaksin á Eystur- brúgv í Keypmannahavn, og sum hevur spælt í Barce- lona, áðrenn hann umvegis Grikkaland í summar end- aði í Herfølge, skoraði tvey mál, og hann var ein sannur snillingur við bóltinum. Krúnan á avrikinum var, tá hann í besta Maradona stíli spældi álopsfelagan, Chris Hermansen, leysan við vinstrabeinssending. Hann hevði vinstra beinið aftan- fyri hitt beinið, tá hann av- leveraði. Thomas Christiansen setti hol á longu í 2. min- utti, tá hann var snildisliga spældur leysur í vinstru og sendi framvið Mogens Krogh. Í 29. minutti javnaði toppskjúttin í superliguni, Peter Graunlund. Um brots- sparkspblettin og millum fleiri viðspælarar og mót- støðumenn tamdi hann langan skrábólt og sendi í kassan aftanfyri Jákup Mikkelsen. Níggju minuttir seinni sá tað út til, at Brøndby skuldi fara við øllum stigunum. Ruben Bagger drønstútaði innlegg úr høgru frá Søren Colding í málið. Jákup hevði ikki møguleika at røkka út til innleggið, og hann hevði ikki møguleika at bjaga stútaranum. Í næstsíðsta minuttinum undan steðginum tiltuskaði Thomas Christiansen sær eitt brotsspark, sum Chris Hermansen, ið var væl betri upplagdur, enn hann var fyrr í heyst, setti í málið. Í 47. minutti skoraði Thomas Christiansen sig- ursmálið. Hann saman- spældi við álopsfelagan Bo Henriksen og var púra leys- ur stutt úr málinum. Toppliðið útbrent Serliga í 2. hálvleiki var yvirvágin hjá Herfølge sera sjónsk. John Faxe Jensen mundi hava givið sínum monnum ein orduligan uppsang í steðginum. Her- følge spælararnir tóktust hava meiri at spæla fyri, enn spælararnir hjá Brønd- by tóktust at hava. Teir á heimaliðnum vunnu flestu nærdystirnar, teir fluttu seg betri, teir vóru skjótari á bóltinum, og við at hava tríggjar spælarar heilt har frammi megnaðu teir alla tíðina at leggja trýst á verj- una hjá Brøndby, sum hevði stórar trupulleikar, og so at siga ikki megnaði at takla mótstøðumenninar. At Herfølge yvirvágin var so stór í 2. hálvleiki hevði við sær, at Brøndby møguleikarnir vóru fáir og smáir. Tí hevði Jákup Mikkelsen so at siga ongar møguleikar at vísa, hvør dugur var í honum, tá tað ráddi um bjargingar. Sum dysturin leið, vóru teir í Herfølge mest áhugaðir í at varðveita leiðsluna. Teir spældu ofta aftur til málverjan, og enn eina ferð vísti Jákup Mikkelsen, at hann er ein fínur fótbólts- spælari. Herfølge sigurin hevði við sær, at hýrurin var góð- ur, nú spælararnir fóru í vetrarfrí. Eftir nýggjár fara teir at fyrireika seg til seinna partin av kappingini og til stríðið, sum skal til, um endastøðan skal verða meiri sannførandi, enn støðan er í vetrarsteðgin- um. Kanska var sigurin á Brøndby fyrsta stigið á tí leiðini. Støðan, danska superligan vunnin tapt mál- dystir v - j - t mál mál munur stig 1. Brøndby 18 10 - 3 - 5 46 23 23 33 2. Silkeborg 18 8 - 8 - 2 27 23 4 32 3. Viborg 18 9 - 4 - 5 31 18 13 31 4. Lyngby 18 10 - 1 - 7 30 32 -2 31 5. FCK 18 8 - 6 - 4 30 16 14 30 6. FCM 18 8 - 6 - 4 31 25 6 30 7. OB 18 8 - 2 - 8 29 23 6 26 8. AaB 18 7 - 4 - 7 28 30 -2 25 9. AGF 18 6 - 2 - 10 27 36 -9 20 10. Herfølge 18 4 - 5 - 9 23 37 -14 17 11. AB 18 3 - 7 - 8 24 29 -5 16 12. Haderslev 18 1 - 4 - 13 18 52 -34 7 Herfølge omanfyri strikuna Sogndal farið undir nýggja kappingarárið Í seinasta dystinum undan vetrarsteðginum eydnaðist Herfølge loksins at vinna