fríggjadagur 7. apríl 2006síða 9

Nr. 70 - 7. apríl 2006 9 Seinnapartin í dag letur upp ein for­ vitnislig fram­sýning við føroyskum og pakistanskum listar­ verkum. Endamálið er at savna pening til ein kristnan lærusveinaskúla í hesum fjarskotna mus­ limska landinum. Framsýning Snorri Brend snorri@sosialurin.fo Pakistan: Tað er ikki á hvørjum degi, at høvið er at síggja 35 føroysk listarverk og fleiri listarverk úr fjar­ skotna landinum Pakistan á einum og sama staði. Hetta sjáldsama høvið verður kortini høvið at síggja í Smiðjuni í Lítluvík hesar komandi dagarnar. Her framsýna 15 føroysk listarfólk nøkur av verkum sínum sum ein stuðul til ein lærusveinaskúla, sum ætlanin er at gera í Pak­ istan. Tvey av fólkunum aft­an­ fyri hesa forvitnisligu fram­ sýningina eru hjúnini Gvøðny og Janus Gunnarsson. – Eg hevði gingið og hugsað um hetta í eina tíð. Og tá eg so legði ætlanir mínar fram fyri Eli Smith, var hann beinanvegin við uppá tað. – Men, at vit skuldu fáa so nógv onnur listarfólk aftrat, – ja, tað hevði eg als ikki væntað, sigur ein ovurfegin Janus. Hann var fyrrapartin í dag fult upptikin við at rigga til, soleiðis at øll hesi mongu og ymisku listarverkini kundu fáa hóskandi pláss í Smiðjuni. Framsýningin letur upp kl. 15 og verður opin allar dag­arnar fram til týsdagin í næstu viku. Brenna fyri Pakistan Í løtuni ganga Gvøðny og Janus á Birmingham christian College, har tey lesa gudsfrøði. Skal nakað sigast um tey, so má tað vera at tey brenna fyri missión – at fólkið í Pakistan eisini skal kunna hoyra gleðiboðskapin um Jesus. Til hetta krevst sjálvandi peningur, og ein part av hesum vænta tey at fáa við søluni av øllum hesum listarverkunum í Smiðjuni. Tað sum ger framsýningina enn meiri forvitna er, at tað hevur eydnast teimum at fáa fleiri lsitarverk úr Pakistan við. Her verður tí møguleiki at síggja, hvussu listarfólk í hesum asiatiska landinum úttrykkja seg. Fyrr í ár varð skipað fyri eini stuðulskonsert í Havn við sama endamáli, og kom eisini væl av peningi inn til ætlaða lærusveinaskúlan við hetta høvið. – Vit umhugsa eisini møgu­ leikan at føroyingar kunnu gerast “adoptiv-foreldur” fyri onkran av næmingunum á hesum skúlanum, sigur Janus Gunnarsson. Forfylgd Í eina tíð hevur kristi­ligi felagsskapurin “Sam­ verka­menn” arbeitt við hesi ætlanini um ein læru­ sveinaskúla í Pakistan. Tey hava m.a. sæð ein tørv á at geva teimum kristnu pakistanarunum undirvísing í Bíbliuni. Hesi fólkini eru ofta fyri stórum trýsti frá øðr­um fólkum í hesum muslimska landinum. Tí er neyðugt at tey eru tilvitað og upplýst um ta kristnu trúnna. Miðað verður síðani eft­ ir at hesir næmingarnir sjálvir fara víðari út við gleðiboðskapin og tí teir hava lært á lærusveinaskúlanum. Hinvegin so er ætlanin eisini at geva teimum undirvísing í evnum, sum ikki beinleiðis eru bíbilsk, t.d. fyrstuhjálp. Ætlanin er at fáa eitt ávíst tal av kvinnum og monn­um at koma saman til undirvísing. Í fyrstu syftu verður hetta á ymiskum støðum, men óhugsandi er ikki at ein við tíðini fer at leiga sær eisini hús til hetta endamálið. List fyri skúla í Pakistan 15 listarfólk á sama staði Tað hevur eydnast fyrireikarunum at fáa fatur á 15 ymiskum listarfólkum at stuðla framsýningina. Hesi 15 listarfólkini eru hesi: Eli Smith Kári Svensson Eyðun av Reyni Edith Mørkøre Hedvig Johansdóttir Ásla Rannvá Svensson Hermund Zachariassen Finnleif Mortensen Sigrun Niclasen Poul Skarðenni Ólavur á Váli Petur Prent Kristfríð Tyril Astrid Mouritsen Tummas Jákup Thomsen Føroysku hjúnini Janus og Gvøðny Gunnarsson brenna fyri fólkinum í Pakistan. nú eru tey m.a. stigtakarar til eina forvitnisliga framsýning av føroyskum og pakistanskum listarverkum í Smiðjuni í Lítluvík Mynd: Jens Kr. Vang Klaksvíkar býráð samtykti á fundi í gjárkvøldi eina tillaging til ta komandi miðbýarætlanina. Hetta er eitt týdningarmikið stig á leiðini til tað, sum skal gerast ein stórur handilsdepil og kongresshøll í okkara næststørsta býi. Seinni í mánaðinum verður meiri at frætta um hetta. Handil Snorri Brend snorri@sosialurin.fo Klaksvík: Eitt av málunum á skránni til býráðsfundin var ein útstykkingarætlan fyri miðbýin í Klaksvík. Ætlanir eru frammi um at útvega norðoyingum – og annars gestum úr øllum land­ inum – møguleika at sleppa til handils í einum stórum depli mitt í høvuðsstaði norð­ oyinga. Ætlanir um slíkar deplar hava verið frammi áður, men higartil eru hesar ikki framdar í verki. Teir ið standa aftanfyri hesa ætlanina eru sannførdir um, at nú skal tað verða! Framløga í næstum Nógv viðurskifti eru longu fingin uppá pláss, m.a. er samband fingið eitt danskt ráðgevingarfelag. Enn vantar kortini nakað í, til tann samlaða ætlanin kann verða løgd fram fyri almenningin. – Men vit miða eftir at leggja hesa stóru og spenn­ andi ætlanina fram áðrenn Norðoyatunnilin letur upp, sigur ein av stigtakarunum, Óli Marnar Christiansen í Klaksvík við Sosialin. Undan býráðsfundinum í gjárkvøldið tóktist breið semja at verða í býráðnum um hesa ætlanina. Á fundinum varð so tann neyðuga tillagingin av ætl­ anini tí eisini samtykt. Eitt stig nærri handilsdeplinum Nú nærkast stóra handilsdeplinum í miðbýnum í Klaksvík