týsdagur 11. apríl 2006síða 7

Nr. 72 - 11. apríl 2006  Sp/f Høgni Mikkelsen selt alt Her stendur Høgni Mikkelsen framman fyri Blómubrekku, sum Sp/f KJ Smíð nú eigur. Nýggja nevndin lagt til brots Læra at handfara hundar Serstøk páskavitjan úr Klaksvík Føroya Bjór best í kongaríkinum Mykines: Við nýggja formanninum á odda, hevur ungmannafelagið í Mykinesi, nevnt Súlan, sett sær stór mál fyri framman. Formaðurin, Katrin Johannesen og hini í nevndini løgdu á aðalfundi týsdagin í farnu viku fram eina ætlan um at seta gomlu dansistovuna í upprunaligan stand. Í nevndini eru annars Jógvan Mein- hard Johannesen, næstformaður og Esbern í Eyðansstovu, kassameistari. Eykalimir eru Oskar Joensen og Randi Zachariassen. Felagið varð stovnað í 1945. Í tí eru 43 limir. sb. Argir: Kennir tú hundar, ið ikki ganga pent í bandi? Hundar, sum goyggja ómetaliga illa? Veitst tú um hundar, sum hoppa upp, tá ið tú kemur inn at vitja, og sum halda seg vera fólk? Tey, sum í øllum førum hava áhuga í hesum evni er Hundaeigarafelag Føroya. Felagið er nú so smátt farið í gongd við virksemið sítt. Í hesum sambandi koma høvuðsinstruktørarnir, Anette og Erling Olsen frá Dansk Kennel Klub higar at skipa fyri skeiði í venjing av hundi. Hetta skeiðið er ætlað fólki, ið ynskja at læra at handfara og venja hundar. Sagt verður, at um onkur hevur hug at gerast hundavenjari og limur í føroyska hundafelagnum HUFF/DKK, so er hetta skeiðið júst fyri tey. Skeiðið verður hildið á Argja skúla nú um páskahátíðina, tvs. í døgunum 13. til 16. apríl. sb. Kalsoy: Á páskum vitja nógv fólk út á bygdirnar kring landið. Kalsoyggin er helst einki undantak í so máta. Nú hava Pól Johanne- sen, trúboðari hjá Heima- missiónini og Øssur Kjølbro, missiónsleiðari hjá Kirkjuliga Missións- felagnum lagt ætlanir saman um at fara út í Kalsoynna um skíris- halguna at hava møtir á Húsum og Mikladali. Møtini byrja skírisaftan, tá ungdómsmøti verður í bygdarhúsinum á Húsum. Skírisdag verður møti í Mikladals kirkju og langafríggjadag er familjumøti á sama staði. Tey, sum eru stødd á Kalsoynni um páskirnar fáa her møguleika at hoyra bæði talur, sangir, bíbliusøgur og vitnisburðar. sb. Enn einaferð yvirhálar øl frá Føroya Bjór onnur ølsløg úr øllum kongaríkinum. Á árligu ølsmakkingini hjá felagnum “Selsskab for Vestjydsk ølkultur” nú um dagarnar legði páskabryggin hjá Føroya Bjór seg so klárt á odda framman fyri hópin av páskabryggi hjá 10 øðrum bryggjaríium um alt Danmark. Talan er um klassa 2 øl ella tað vit kalla “Gullstyrki”. Hetta er ikki fyrstu ferð, at ølið frá tí norðasta bryggjarríinum í kongaríkinum liggur millum best smakkandi ølsløgini. Í fjør lá páskabryggin hjá Føroya Bjór á einum 2. plássi. Vanliga er ølsmakking tvær ferðir um árið, í sambandi við jólini og páskini. Hjá Føroya Bjór eru tey sera errin av, at hava vunnið enn eina ølsmakking. Hetta eru eisini góð tíðindi fyri norðingar, hóast Undir- sjóvartunnilin skjótt verður latin upp og tað mesta snýr seg um hann. Sp/f Høgni Mikkelsen hevur selt allar ognirnar og fríggjadagin varð tað seinasta undirskrivað. Sp/f KJ Smíð hevur keypt Blómubrekku, bygningin á Hjalla, amboðini og menninar. Bjarni Poulsen, byggimeistari, hevur keypt trøðna oman fyri Berjabrekku og Sp/f J&K Petersen trøðna á Boðanesi. Søla Lív Højsted Horsdal horsdal@sosialurin.fo Tórshavn: – Eg havi arbeitt innan byggivinnuna í 25 ár, og nú havi eg brúk fyri at taka mær av løttum í eina tíð. Eg havi leingi ætlað at selt allar ognirnar hjá felagnum, so tað er frálíkt, at allar avtalurnar nú eru komnar upp á pláss, sigur Høgni Mikkelsen. Sp/f KJ Smíð við Kristini Johansen á odda hevur keypt alt arbeiðið, sum er í gerð í Blómubrekku – t.e. 39 íbúðir. Somuleiðis hevur felagið keypt stóra bygningin á Hjalla, amboðini og menninir, sum starvast hjá Sp/f Høgna Mikkelsen, eru bodnir at halda fram at arbeiða í Blómubrekku, men nú hjá Sp/f KJ Smíð. – Eg spurdi Høgna í skemti, um eg kundi keypa ognirnar hjá felagnum, men hann segði ja næstan við tað sama. Ætlanin var í fyrstu syftu at keypa allar ognirnar hjá Sp/f Høgna Mikkelsen – eisini byggistigið á Løgmannabreyt, men peningastovnarnir vildu ikki at fíggja tað, sigur Kristin Johansen. Áðrenn Sp/f KJ Smíð keypti Blómubrekku, vóru allar íbúðirnar seldar, og eigararnir verða teir somu, nú Sp/f KJ Smíð er ánari. Kristin Johansen sigur, at hann ætlar at gera allar íbúðirnar lidnar sum skjótast: – Vónandi áðrenn árið 2006 er farið afturum. Bygningin á Hjalla ætli eg at royna at leiga út, sigur Kristin Johansen og leggur afturat, at arbeiðsmenninir hjá Høgna vórðu kløkkir, tá teir í gjár fingu at vita, at ognin var seld. Í alt arbeiða átta mans hjá Sp/f Høgna Mikkelsen, og í hesi løtu hava seks av teimum samtykt at halda fram at arbeiða hjá Sp/f KJ Smíð. Kristin Johansen hevur somuleiðis stórar byggi- ætlanir undir Gráasteini, har ætlanin er at byggja 96 nýggjar íbúðir. Men felagið sleppur ikki framat enn, so í fyrstu atløgu fær Blómubrekka fyrsta prioritet, váttar Kristin. 32 marglætisíbúðir J&K Petersen hevur keypt stóru trøðna á Boðanesi í Havn frá Sp/f Høgna Mikkelsen. John Petersen stjóri, váttar, at felagið ætlar at byggja 32 íbúðir á økinum: – Vit hava leingi ætlað at keypt eina trøð. Tá Høgni Mikkelsen so beyð okkum at keypa hesa, smekkaðu vit bara til. Allar 32 íbúðirnar fara at verða úr góðari góðsku – marglætisíbúðir. Men somuleiðis fara vit at selja nøkur grundstykkir, sigur John Petersen. Berjabrekka víðkað Bjarni Poulsen, byggi- meistari, er triði keyparin. Hann hevur keypt trøðna oman fyri Berjabrekku: - Ætlanin er at víðka um Berjabrekku, so nýggju íbúðirnar fara at minna um tær, ið longu eru. Eg ætli mær at fara í gongd sum skjótast. Eg havi longu fingið nakrar fyrispurningar frá fólki, ið ynskja at keypa, sigur Bjarni Poulsen.