mikudagur 12. apríl 2006síða 6

6 Nr. 73 - 12. apríl 2006 Just Dig hjá Høgni Lisberg megnaði eftir 3 vikur á list­ anum at taka ovasta plássið á 15 teimum bestu. Fyri tveimum vikum síðan tók Pink ovastu rók frá Høgna, ið við lagnum Learn To Ride On Waves hevði ligið fimm vikur ovast. Men nú er Høgni aftur ovast. Filthy tongue hjá Makrel er næsta føroyska lagið á listanum á fimta plássi, Droymi mitt um dagin hjá Poppkorn er á áttanda plássi, Fremmandur hjá Peturi Pólsyni er á ellinta plássi, beint framman fyri Backyard Traffic hjá Róki. Fimta føroyska lagið á listanum er Cyberspace hjá Villmonnum, ið júst megnar at halda seg innið á fimtanda plássi. nud Nakað av tí besta inn­ an føroyskan rokktón­ leik er savnað á fløg­ uni Malagrót, ið ein bólkur í verkætlanini Ungt Virki á Føroya Handilsskúla gevur út. Fløgan tekur tráð­ in upp eftir Rock í Føroyum og Grót Før­ oyskt verkætlaninum Fløguútgáva Niels Uni Dam nielsuni@sosialurin.fo Malagrót eitur nýggja savnsfløgan, ið er komin í handlarnar. Fløgan er eitt av úrslitunum av frálíku verkætlanini Ungt Virki, ið Handilsskúlin skipar fyri. Fýra av teimum ungu valdu at geva eina fløgu út, við nøkrum av bestu rokkbólkunum og einstak­ lingunum í Føroyum. 14 løg eru á fløguni, nøkur eru útgivin framm­ anundan, meðan onnur ikki eru útgivin áður. M.a. er hetta fyrstu ferð, at nøkur av sterkastu tón­ leikanøvnunum í Føroyum eru at hoyra á fløgu. Her kunnu nevnast bólkar sum Side Effect, Sic, Marius og The Dreams. Spennandi nýggi bólk­ urin The Story Ends hev­ ur somuleiðis fingið eitt lag á fløguna, eins og royndir bólkar sum 200, Makrel, Týr, Deja Vu og Páll Finnur Páll hava latið løg til endamálið. Tveir av bólkunum, ið luttóku á tí fullkomnu føroysku undir­ grundsfløguni Ampaljóð, eru eisini við her, Lama Sea, ið teljast millum bestu føroysku bólkarnar í løtuni, og garrvillu 48 Pages. Heiðrikur á Heygum er uttan iva friðarligasta inn­ slagið á fløguni, við sínum vakra lagi Vetrargestur, ið er fyrsta lag á fløguni. Hin einstaklingurin á fløguni, René Bischoff, eigur sein­ asta lagið á henni, Kettan. Vinningurin av fløguni fer til arbeiðið við at menna føroyskan tónleik. Høgni endurvann ovastu rók Malagrót til føroyska lurtaran Løgini eru hesi: Heiðrikur á Heygum – Vetrargestur Lama Sea – The Bastard The Story Ends - Dancing around Honululu 48 Pages – We People Marius – Straight Lines The Dreams – I’ll be There Sic – Reach Inside 200 – Frustreraðir Javnaðarmenn Týr – Rainbow Warrior Makrel – On Toes Páll Finnur Páll – Rasputin Deja Vu – Reckless Side Effect – Kaos René Bischoff – Kettan Højgaard hevur málað máln­ ingin, ið prýðir fløguhúsan, ið Sp/f Garasjan hevur snið­ givið og framleitt Kamarkórið hjá Frits Johannesen skal 2. páskamorgun syngja í morgunsendingini Good Morning America, ið sigst hava fleiri enn 10 milliónir hyggjarar KÓRFERÐ Jóannes Hansen joannes@sosialurin.fo Tað er ikki hissini fjøld, sum 2. páskamorgun fer at fylgja við, tá ið føroyskt kór á ferð í Amerika fer at framføra. Mándagin fór kamarkórið Atlantic Voices av landinum. Sama kvøldið høvdu tey konsert í Áskirkjuni í Reykjavík. Í gjár fóru tey úr Keflavík og til New York. Har skulu tey eitt nú syngja í First Moravian Church á Manhattan. Fyrsta konsertin var á mid­ degi mikudagin í Scandinavia Center. Skírisdag halda tey frí. Langa fríggjadag syngja tey í First Moravian Church, og undir hámessuni í norsku kirkjuni páskadag skulu tey syngja fimm sangir. 2. páskamorgun klokkan 6.30 verður kórið við í sjónvarpssendingini Good morning America. Undan fráferðini var tað ikki heilt greitt, men tað er møguleiki fyri, at tey fara at syngja eitt lag a capella. Um so verður, so fara 10 milliónir amerikumenn at síggja og hoyra kórið syngja Nú strýkur vár, sum Tummas Napoleon Djurhuus yrkti, og sum Knút Olsen gjørdi lagið til. Tað er Frits Johannesen, sum er kórleiðari. Hetta er 15. ferðin, at hann ferð­ ast uttanlands við kóri. Kanska liggur samlaða konserttalið í sambandi við uttanlandsferðirnar um tær hálvt annað hundrað. Leygardagin vóru tvær tær fyrstu konsertirnar á hesi ferðini. Onnur var á Toft­ um og hin í Fuglafirði, og mánakvøldið sungu tey í Reykjavík. Sambandið Á heysti í 2004 var Frits Johannesen og vitjaði í New York. Alla halgannadag, sum hetta árið var sunnudagur, var hann í kirkju í First Moravian Church, 154 Lexington Ave at 30th Street. Eftir guðstænastuna kom hann í samband við Dall Wilson, skald og Eliane Componari, cembalist og organist í kirkjuni. Hetta sambandið var spír­ in, sum nú hevur borið ta frukt, at føroyskt kamarkór, mannað við 20 sangarum, eftir innbjóðing er í New York á páskum. Flestu sangararnir eru úr Fuglafirði. Frits Johannesen er kórleiðari, og Heðin Kambsdal og Eyðun á Lakjuni hava orgul og klaver fylgisspæl. Í The First Moravian Church hava tey sungið Hallgrím Péturssonar Passiosálmar við íslendsk­ ari siðvenju og á enskum máli. Hetta er orsøkin til, at ein partur av skránni hjá kamarkórinum eru Passio­ sálmarnir hjá Hallgrimi Péturssyni, sum kórið fer at syngja á føroyskum. Victor Danielsen hevur týtt teir fyrstu 10 sálmarnar, og nakrir av hesum eru á skránni. Ingávlur av Reyni, sáli, hevur so ofta sungið hesar sálmarnar á páskum í Útvarpi Føroya. Á skránni í New York eru eisini páskaløg, norður­ lendsk­, ensk­, inter evrope­ isk og føroysk løg. Millum tónaskøldini eru Niels Mid­ jord, Frits Johannesen og Eyðun á Lakjuni, sum eru við á ferðini. Dall Wilson hevur fyri­ reikað ferðina í New York. Tað er hann, sum hevur syrgt fyri, at kórið skal taka lut í sjónvarpssendingini Good morning America. So er bara at vóna, at amerikumenn snimma 2. páskamorgun fara at hoyra Nú strýkur vár um heimlandsvøll við lýkkutámi millum fjøll; nú fánar fonn og grasið grør, nú vaknar aftur heimlandsjørð. Kórið verður aftur í Føroy­ um týsdagin. Syngja framman fyri tíggju milliónum amerikanarum Kamarkórið Atlantic Voices avmyndað í Fuglafjarðar kirkju síðsta leygardag: Frits Johannesen, kórleiðari, Theodor Erling Johannesen, Heri Joensen, Hans Erland í Brekkum, Herfinnur Árnafjall, tenor, Eyðun á Lakjuni, Kristian Petersen, Niels Midjord, Dávur Winther, Heðin Kambsdal, bass, Morid Simonsen, Andrea Eldevig, Eilin Hansen, Ingibjørg Abrahamsen, sopran, Mimi Steintórsdóttir, Kristina Joensen, alt, Marta á Lakjuni, sopran, Gudny Vang, Fríðgerð Ellefsen og Elspa Samuelsen, alt