mikudagur 12. apríl 2006síða 15

Nr. 73 - 12. apríl 2006 15 El|net er navnið á nýggju fyritøkuni, sum Bernhard Petersen, Ólafur Debes og Poul Erik Johannesen hava sett á stovn Nýtt virki Jákup Mørk jakup@sosialurin.fo Teir tríggir hava í fleiri ár fingist við el-arbeiði av yms- um slag, men við at seta á stovn nýtt felag, ætla teir sær at taka kappingina upp við hinar á marknaðinum. Breiðar royndir Bernhard og Ólafur, sum báðir eru havnarmenn, lærdu á Tórshavnar Skipasmiðju miðskeiðis í 90’unum, men síðani hava teir verið ymsa staðni og arbeitt. Eftir at hava verið í Oslo í hálvtannað ár, hevur Bernhard síðani tikið útbúgving sum maskin- meistari og el-innleggjari, og seinnu árini hevur hann starvast sum maskinmaður hjá Sveipi á Argjum. Ólafur fór eftir lærutíðini til skips sum maskinmaður, umframt at hann eitt skifti var í Skagen fyri El-Service. Seinastu fimm árini hevur hann verið í starvi hjá El-heilsøluni, Solar, sum kundaráðgevi. Poul Erik, sum er úr Vest- manna, hevur seinastu seks árini starvast hjá Tummas Eli Hansen, har hann eitt nú hevur verið partur av byggingini hjá Føroya Tele í Hoyvík og umbyggingini av Landssjúkrahúsinum. Undan hesum var hann í fleiri ár í Australia, har hann hevði egið el-virki. Teir tríggir siga, at teir í eina tíð hava tosað um at stovna egið virki. Eftirspurningurin eftir elektrikarum hevur verið sera stórur seinastu árini. Bæði tí nógv er til av arbeiði, men eisini tíð nógvir føroyskir elektrikarar hava leitað sær uttanlands í arbeiðsørindum. Bjartskygdir Hóast el|net bert hevur góðar tríggjar vikur á baki, so tykjast teir tó ikki ivast í, at hetta fer at bera væl til hjá teimum. – Í løtuni er í øllum førum nóg mikið av arbeiði hjá elektrikarum, so vit fara neyvan at ganga tómhentir. Hartil haldi eg eisini, at við royndunum, sum vit hava, so spenna vit rættiliga vítt innan el-yrkið. Nakað sum vit eisini hava roynt at fingið við í navngevingini av virkin- um. Hartil meta vit, at nú vit allir í felag eiga virkið, so tryggjar tað virkinum eitt betri støðufesti - og tí eisini tryggleika til kundar okkara, sigur Ólafur. Nýtt El-innleggjaravirki Teir tríggir nýggju virkiseigararnir. Ólafur Debes, Bernhard Petersen og Poul Erik Johannesen Mynd: Álvur Haraldsen Á KT-stevnuni, sum verður í Norðurlanda- húsinum í komandi viku, fer Elektron at leggja fram eina nýggja KT-loysn, ið kann lætta um hjá nógvum fyritøkum kt-viNNa Terji Nielsen terji@sosialurin.fo KT-loynsin, ið sipað verður til, er tann sonevnda Citrix-loysnin. Skipanin er rættuliga umfatandi og kann verða ein fullkomin KT- loysn fyri eina fyritøku. Við eini CITRIX-loysn kann ein fyritøka fullkomilig sleppa undan at hava sínar egnu ambætarar og enntá lokalar harddiskar. Alt á goymslu hjá Elektron CITRIX-loysnin virkar á tann hátt, at ein fyritøka kann hava øll síni data, forrit og annað á goymslu á einum stórum ambætara hjá Elektron. Á henda hátt sleppur fyri- tøkan eisini undan sjálv at taka sær av viðlíkhaldi, ikki er neyðugt at hava KT-fólk í starvi í fyritøkuni, og eisini slepst undan at hava stór KT-tól, sum brúka nógv pláss, standandi í hølunum hjá fyritøkuni. Hetta ger sjálvsagt, at tað verður nógv rúmsáttari í hølunum. Niels Christian Nolsøe, stjóri í Elektron, sigur, at CITRIX-loysnin er ein sera trygg loysn, og sjálvt um øll data verða goymd á einum ambætara hjá Elektron, so er tað bert fyritøkan sjálv, ið hevur atgongd til hesi data. – Øll data verða krypteraði, soleiðis at eingin annar kann fáa fatur á teimum. Ein ann- ar fyrimunur er eisini, at brúkarin kann sleppa inn á ambætaran, óansæð hvar hann er staddur. Um hann til dømis er á ráðstevnu uttan- lands, so kemur hann beint inn á ambætaran hjá Elektron og fær fatur á sínum data. Tað er ógvuliga einfalt og brúkaravinarligt, sigur Niels Christian Nolsøe. Á KT-stevnuni í Norður- landahúsinum í komandi viku fer Elektron millum annað at vísa áhugaðum heilt nágreiniliga, hvussu CITRIX-loysnin virkar, og hvørjar fyrimunir hon hev- ur. Gera boriroyndir til fasta sambandið Tað hevur gingið stak væl við royndarboringunum til Skálafjarðartunnilin. Mynd: Jens Kr. Vang Hesa seinastu tíðina hava menn arbeitt við at gera boriroyndir í Sandvíkum, har ætlanin er, at ein møgu- ligur undirsjóartunnil mill- um Skálafjørðin og Havn- ina skal knýtast í Streym- oynna. Royndarboringar skulu gerast niður á umleið 130 metrar, og higartil hava menn borið gott og væl nið- ur á helvtina av hesi dýpd. Sum skilst hava royndar- boringarnar gingið stak væl. tn Elektron bjóðar fullkomna KT-loysn Niels Christian Nolsøe, stjóri í Elektron, er sera spentur uppá, hvørja móttøku nýggja CITRIX-loysnin fer at fáa á KT-2006 savnsmynd