týsdagur 18. apríl 2006síða 23

23 [ Nr. 74 - 18. apríl 2006 ] Raul vil hava Laudrup Liðformaðurin hjá Real Madrid, Raúl, heldur, at danin Michael Laudrup kundi verið rætti venjarin til felagið. Í eini samtalu við Ekstrablaðið sigur Raúl, at Laudrup var ein framúr spælari og ein stórur persónur uttanfyri vøllin, tá ið hann spældi í Real Madrid. – Um Laudrup hevði fingið høvi at gjøgnumført sína fótbóltsfilosofi í Real Madrid, so er tað einki mark fyri, hvat vit kundu nátt, sigur Raúl við Ekstrablaðið. Tað skulu heilt aðrir bollar á suppuna, um teir í VB/Sumba skulu hava møguleika at spæla seg til stig og sigrar Fótbóltur Jóannes Hansen joannes@sosialurin.fo Fótbólturin hevur tað ikki gott í Suðuroy. Tað hava úrslitini í hesum kappingarárinum boðað frá. Á Skála Skírisdag fingu áskoðararnir hetta so rudduliga staðfest. VB/Sumba vóru komnir norður at verja um tað, sum teir høvdu í viðførinum. Í 1. hálvleiki vóru teir sera varn­ir. Eftir steðgin fluttu teir seg longri fram, og tá høvdu teir bóltin ikki so heilt lítið. Fyrri parturin av 2. hálvleiki minti ikki so lítið um 3. deildardyst av gamla slagnum. VB/Sumba hevði bóltin ein part av tíðini, men teir vóru sørir frameftir, og teir á heimaliðnum vóru lítið áhugaðir í at blanda seg ov nógv. Vlada Filipovic, sum var komin aftur í Skála málið, hóast hann framvegis tykist eitt sindur skaddur, hevði mill­um evarska lítið og einki at gera. At heimasigurin ikki gjørd­ ist størri enn 5-0, átti VB/ Sumba málverjin Marcin Dawid sín part av heiðrinum fyri Undan steðginum var tað Alexandur Johansen, sum skoraði tvey mál. Í út­gangs­støðuni var hann framm­ar­laga í vinstra borði. Hann reikaði nógv, og í tí leiklutinum trívst hann væl. Eftir steðgin kom Alexandur ikki á vøllin. Eftir drúgva skaðasteðgin, sum helt honum burtur frá fótbólti mest sum alt árið í fjør, er eingin orsøk at leggja ov nógv fyri. Serliga tá ið spurningurin var avgreiddur, hvagar stigini skuldu fara, og tá ið avloysarin var so góður, sum Levi Hanssen er tað. Triðja málið fekk Poul N. Poulsen, sum er uppvaksin í VB, og sum hesa ferð fekk møguleikan í høgru hjá Skála, tí Bjarni Jørgensen var skaddur. Fjórða málið fekk Jónhard Frederiksberg, eftir at hann og Bogi Gregersen høvdu spælt seg ígjøgnum, og liðformaðurin og mið­ vallar generalurin Pauli G. Hansen setti punktum, At Skála fekk futt í aft­ur seinna partin av 2. hálv­leiki komst av, at teir um­skipaðu eitt sindur. Bárð­ur Danielsen, sum í ár hevur endurvunnið plássið á høgra vongverjanum, sum hann misti eitt skifti eftir summarsteðgin í fjør, fekk loyvi at blanda seg longri frammi á vøllinum, meðan Pætur Dam Jacobsen, sum tað í orðsins sanna týdningi haltaði eitt sindur hjá, varð fluttur longri aftur, har hann ikki hevði trupulleikar at taka sær av verjuuppgávuni. B36 hevði bóltin meira, men KÍ var vandamiklari, tá liðini býttu stigini sínamillum í Gunda­ dali skírisdag Fótbóltur Jákup Mørk jakup@sosialurin.fo Nógvir av heimaáskoð­arun­ um náddu ikki somikið sum at síggja tað, sum skuldi vísa seg at gerast teirra hædd­ arpunkt á degnum. Bólturin var ikki meira enn givin upp, tá Sylla streyk avstað í síðuni. Neyva innleggið ferðaðist upp um Meinhardt Joensen í KÍ-málinum, og so kundi Fróði Benjaminsen við handaru stong stýra í kass­an. Yvirfólkaðu miðvøllin Jú, tað var heilt skjótt, at B36 vístu, hvat teir ætlaðu við dystinum móti skírisdag. Málið tóktist eina løtu bara seta enn meira ferð á, men spakuliga fingu gestirnir tó eisini eitt ávíst tak á dystin­ um. Ikki soleiðis at KÍ setti seg á spælið, men við skila­ góðum kontraspælið fóru teir nú eisini at hótta. Og tó at útjavnandi málið var ein perla av einum deyðbólti, so var tað sum so als ikki so óuppiborið. Og so slapp KÍ av álvara at spæla tolna kontraspælið, sum liðið tykist trívast væl við í ár. Við eini verju, sum fyri tað nógva er sett saman av garvaðum veteranum, og einum bæði vælpakkaðum og hartarbeiðandi miðvølli eru fortreytirnar fyri hesum góðar. At B36 so eisini opti­ meraði hesar við støðugt at hava allar tríggjar sentralu miðvallararnar á linju, er ein onnur søga, men henni tóktist KÍ tó ikki at hava nak­ að ímóti. Og í veruleikanum var KÍ nakað nógv nærri sigrin­ um, enn B36 var tað. Sæð burtur frá einum drønskoti á tvørtræið frá Santos fyri steðgin, og eini góðari roynd frá mest sum blankum Fróða Benjaminsen móti dystar­ enda, so var tað sjáldan, at KÍ-málið av álvara var hótt. Opnu møguleikarnir hjá KÍ vóru kanska heldur ikki so heilt nógvir, men oft­ ani var talan um ítøkiliga hóttanir kortini. Ikki minst skapti Hjalgrím Elttør støð­ uga órógva í hvítu verjuni, og tað var eisini hann, sum var upphavið til størsta møgu­ leikan í dystinum. Men ta ferðina fekk Símun Joensen ikki rættiliga skot á bóltin, sum fór grøvandi omanfyri mest sum manntóma B36- málið. Bæði og Alt íalt, so var talan kanska um ein rættvísan javnleik, men fyri báðar partar var galdandi, at tey kundu bæði vera nøgdir - og ikki. B36, tí tað sjálvandi altíð ræður um at vinna á heimavølli. Men við tveimum útisigrinum í skjáttuni, var javnleikurin kortini til at liva við. KÍ, tí ein javnleikurin á útivølli móti meistarunum sjálvandi ikki er at kimsaa at. Men sum dysturin tók skap, so kundi talan eins væl verið um trý stig. Um visjón 2009 er komin nærri Klaksvíkini, er enn ilt at siga, men danska orðafellið sigur, at ein góð byrjan er helvtin av verkinum. Og í so máta hava bæði KÍ og Tony Paris helst nógv at gleða seg til. B36-KÍ 1-1 (1-1): Effektivir klaksvíkingar Sekkur til suðuroyingar VB Skála KÍ B36 Hartarbeiðandi og væl mannaði KÍ-miðvøllurin hevði fyri tað nógva takið á sterku miðspælarunum hjá B36 Mynd: Álvur Gjørdu seg inn á bilin hjá Park Manchester United-spælarin Ji-Sung Park hevur skift bil. Orsøkin er, at Kia-bilurin hjá honum fekk ikki frið fyri liðfeløgunum, sum í heilum gjørdi seg inn á bilin. Park hevur Kia sum sponsor, og hann hevur brúkt ein av smærru bilunum hjá Kia til at koyra í. Liðfelagarnir í Manchester United hava fleiri ferðir verið úti eftir tí lítla bilinum, og teir hava tikið viskararnar og síðuspegl av bilinum og hava enntá punkterað hann. Nú hevur Park fingið sær ein størri Audi-bil at koyra í, og so vónar hann at fáa frið fyri teimum nasku liðfeløgunum.