fríggjadagur 21. apríl 2006síða 6

6 Nr. 77 - 21. apríl 2006 Tá Jóannes Eides­ gaard, løgmaður, í gjár setti KT2006, segði hann millum annað í setanarrøðu síni, at føroyska KT-vinnan enn ikki er vorðin tann alternativi vinnu­ møguleikin, sum leitað hevur verið eftir KT2006 Lív Højsted Horsdal horsdal@sosialurin.fo Jóannes Eidesgaard legði út í røðu síni við at siga, at heimurin er broyttur nógv bara tey seinastu 10 árini. Og at kunningartøknin millum annað hevur ført við sær, at landafrøðiligu mørkini hava minni týdning enn áð­ur, og samskiftishátturin er full­ komiliga broyttur: – Nú hava øll fingið størri frælsi at velja, samstundis, sum vit krevja at kunna av­greiða okkara viðurskifti, tá tað liggur fyri hjá okkum. Vit forvænta heilt einfalt at KT-tøknin veitir okkum hesar møguleikar, segði løg­ maður. Somuleiðis legði hann eina við at altjóða kanningar vísa greitt jaligt samband millum KT-nýtslu og bú­skap­ arvøkstur. Og at tað í 2006 er torført at síggja stóran búskaparvøkstur, uttan at vit eru við í fremstu røð innan KT: – Vit eru væl við á fleiri økjum. Men tað er alneyðugt at hava útbúgvingar á øllum stigum, tí útbúgving er ein kveiki, sum setur ferð á menningina av einum um­hvørvi. Ein stór avbjóðing er at gera tað lokkandi hjá teim­um, sum hava nomið sær útbúgving ella arbeiðs­ royndir uttanlands, at venda heimaftur. Vit skulu hava nak­ að at bjóða teimum, og her er lítil ivi um, at KT-vinnan spælir ein týdningarmiklan leiklut, segði løgmaður í røðu síni. Víðari segði løgmaður, at í Føroyum er tað almenna ein stórur brúkari av KT, og at tað almenna tí eisini er ein høvuðseftirspyrjari eftir nýggjum KT loysnum: – Tað almenna skal verða ein dugnaligari kundi, vit skulu hava greiðar manna­ gongdir, og innkeyp skal verða professionelt. Somu­ leiðis eiga vit at tryggja, at føroyskar fyritøkur veruliga kunnu verða við og bjóða uppá uppgávur á jøvnum føti við útlendskar fyritøkur. Tað almenna hevur í fleiri førum roynt nýggjar KT-skipanir, og soleiðis verið við til at ment skipanir, sum føroyskar fyritøkur eru farnar út í heim við. Tað almenna vil ganga á odda og bróta slóð. Løgmaður helt síðan fram við at siga, at KT-vinnan enn ikki hevur nátt ta støði, sum miðað hevur verið ímóti – nevniliga, at KT skal verða eitt nýtt bein hjá føroyska búskapinum at standa á: – Skulu skipanir, sum eru mentar í Føroyum, seljast í útheiminum, krevur hetta nógv av fyritøkunum. Tað snýr seg ikki bara um tøkni, men eisini um eitt nú projekt­fyrireiking og leiðslu, marknaðar­strategiir, markn­ aðarføring, sølu og so fram­ vegis. Tað eru aðrar mekan­ ismur, sum gera seg galdandi á altjóða marknaðinum. At tillaga seg hesar, má vinn­ an menna førleikan at sam­ starva soleiðis, at okkara KT-fyritøkur eru sam­starvs­ felagir heldur enn kappingar­ neytar, tá vit fara út at kapp­ ast á altjóða støði. Jóannes Eidesgaard end­ aði røðu sína við eitt nú at siga, at við Visjón 2015 roynir landsstýrið at gera sítt til, at føroyska tjóðin fær eitt strategi orðað kt-øki: – Eitt er, at tað almenna við tí tøkniliga skipar fyri grundleggjandi undir­støðu­ kervi, annað er, at neyðugt er at byggja leiðreglur hesum viðvíkjandi inn í lóggávu okk­ara. Eg ætli mær at taka neyðug stig til, at við­kom­ andi lóggáva verður dag­ førd. Og eg ivist ikki í, at mong av tykkum, sum her eru í dag, hava hugskot, vilja og førleika til at skapa tær loysnir, ið skulu til, segði Jóannes Eidesgaard, løg­ maður at enda. Jóannes Eidesgaard, løgmaður: – KT-vinnan enn ikki eitt alternativt vinnubein Føroya Tele fekk í gjár á KT2006 handað ársins talgilding fyri telduloysnina »Nøglan« KT2006 Lív Højsted Horsdal horsdal@sosialurin.fo Heini Zachariassen, stjóri í donsku KT-fyritøkuni Bullguard, handaði ársins talgilding: – Føroya Tele fær virðis­ lønina fyri telduloysnina Nøglan, sum er skipan til stýring av øllum prosessum hjá Føroya Tele. Loysnin er nýskapandi og hevur al­mennan áhuga og gagn. Talan er um sera stóra og kompliseraða loysn, sum verður ein partur av dag­lig­ degnum hjá øllum starvs­ fólkum og øllum prosessum hjá Føroya Tele. Føroya Tele hevur víst stórt framskygni og dirvi við at fara undir tílíka loysn, sum fer at gera Føroya Tele til eitt betri virki fyri starvsfólk og við­skifta­ fólk, segði Heini Zacha­ riassen millum annað, tá hann avdúkaði ársins talgild­ ing. Í dómsnevndini vóru um­framt Heina Zacha­ rias­sen, Hjørdis Gaard og Suni Schwartz Jacobsen, og høvdu tey tríggjar fyri­ tøkur at velja ímillum: Før­oya Tele fyri skipanina Nøglan, Føroya Sparikassa fyri Limagreiðsluna og Berg­ frost fyri CD-frysti­goymslu­ skipanina: Andrass Róin, stjóri í Føroya Tele, og Michael Thom­sen, KT-leiðari hjá Føroya Tele, trinu fram á pallin og tóku í móti heiðrin­ um: – Vit ætlaðu leingi at keypa eina slíka skipan uttanlands, men hon var alt ov dýr. Eftir nøkur ár valdu vit heldur at royna at gera skipanina sjálvi, og hetta hava vit megnað til fulnar. Michael Thomsen, KT- leiðari hjá Føroya Tele, var sum vera man somuleiðis glaður fyri heiðurin: – Við hesum hava vit sann­ ført øll um, at føroyska KT- vinnan megnar seta í verk góðar og stórar kt-skipanir. Nýggj vekslara­ skipan Formula og Føroya Tele koma í næstum í felag nú á marknaðin við nýggj­ari vekslaraskipan, ið kallast Total View. Nýggja vekslara­skip­ anin fer at gera tað mun­ andi lættari hjá fyritøkum at halda skil á, hvat starvsfólkini gera, tá tey eru til arbeiðis. Til ber eitt nú at síggja, um tey eru á fundi, práta í telefon, eru heima við sjúku o.s.fr. Formula og Føroya Tele hava arbeitt saman um skipanina í eitt ár, og skipanin er longu roynd á fleiri stórum fyritøkum í Føroyum og uttanlands. – Enn hevur KT-vinnan ikki nátt tað støði, sum miðað hevur verið ímóti – nevniliga, at KT skal verða eitt nýtt bein hjá føroyska búskapinum at standa á, segði Jóannes Eidesgaard, løgmaður, eitt nú í røðu síni Andrass Róin, stjóri í Føroya Tele, og Michael Thomsen, KT-leiðari hjá Føroya Tele, trinu fram á pallin og tóku í móti heiðrinum Føroya Tele fekk ársins talgilding