fríggjadagur 21. apríl 2006síða 13

Nr. 77 - 21. apríl 2006 13 NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Kistan við Karl Mohr Johansen, málara­meist­ ara úr Miðvági, fer av Ellisheiminum í Vág­ um leygardagin kl. 18. Jarðarferðin verður úr Miðvágs kirkju sunnu­ dagin kl. 14. Tey, ið vilja minnast Karl Mohr, kunnu lata Mið­vágs kirkju eina pen­ inga­gávu. Konta í Føroya Sparikassa. Kistan við Miu Petersen, Fámjin, fer til Suðuroyar við Smyrli leygarkvøldið kl. 20. Bønar­hald verður í kapell­in­um á Lands­sjúkra­húsinum leygar­kvøldið klokkan 18. Jarðar­ferðin verður frá Salem á Tvøroyri sunnudagin kl. 13. Tey, ið vilja minnast Miu, kunnu lata eina peningagávu til Traktatgrunnin. Konta í peningastovnunum. Andlát og jarðarferðir Í dag 21. apríl verður Inga Simonsen, fødd Gunnarsson 65 ár. Inga er dóttir Herborg, fødd Joensen (1918-1997) og Gunnar Gunnarsson (1916- 1992). Inga er næstelst av 5 systkjum. Hini systkini eru Sólvá, sum er gift Arna K. Olsen úr Rituvík. Sólvá býr beint norðanfyri Esbjerg. Jórun sum er gift Osmund Justinussen úr Leirvík. Gunnar yngra, sum er giftur Jancy Jacobsen úr Klaksvík. Yngsta systurin er Odvør, sum er gift Jógvani á Lakjuni úr Fuglafirði. Inga er fødd í Vági meðan seinni heimsbardagi leikaði uppá tað harðasta. Havnin bleiv illa bumbað av týskum bumbuflogførum um hetta mundið, og tí var Herborg flýdd til Vágs at eiga. Her­ borg og Gunnar vuksu bæði upp í Vági. Barna og ung­ dómsárini vaks Inga upp úti í Mattalág. Leingi vóru húsini hjá Herborg og Gunnari millum tey ytstu húsini í Havnini. Tá ið Inga var liðug við Realskúlan fór hon í læru á Føroya Jarðarráði, har Hans Jákup Jacobsen (Heðin Brú) var stjóri. Heðin Brú skrivaði eina vakra yrking til Ingu táið hon var avlærd har. Sum skrivstovukvinna hevur Inga arbeitt bæði hjá Hanus Debes Joensen, gamla landslæknanum, hjá Føroya Landsstýri, Kongiliga Grøn­ lendska Handlinum (1975- 79), og síðstu nógvu árini á Menningarstovuni. Fyrst uppi við Hoyvíksvegin, og síðani á Bryggjubakka. 6. november 1965 giftist Inga við Árna Simonsen (1936-1999), sonur Marthu, fødd Joensen (1910-1995) úr Leirvík, og Sigurd R.F. Simonsen (1912-1994) úr Sandavági. Martha og Sigurd fluttu til Fuglafjarðar í 1938, og har vaks Árni upp barna og ungdómsár síni! Árni var næstelst av 9 systkjum. Árni var sjómaður øll árini frá 1949 líka til 1991 tá Parkinsonsjúkan noyddi hann at leggjast uppi á landi. Árni tók stýrimansprógv í 1960. Yrkisleiðin hjá Árna førdi Ingu og familjuna bæði til Esbjerg og til Manit­soq (Sukurtoppin) í Grøn­landi. Ungdómsárini við síðutrolarunum har mong ein vaktin var brotin, og strævnu mandómsárini í Norðurhøvum tærdu uppá Árna, og í 1999 legði Árni árarnir inn aftaná 8 strævin ár, merkt av sjúku. Øll nærum 34 árini tey vóru gift var Inga honum ein góð kona. Inga er ung í skinni og sinni. Hon er teldusnillingur burturav, og er sera praktiskur fyriskipari. Hon viðlíkaheldur eina heima­síðu, og hjálpir einum trúboðarafelagsskapi við skrivligum arbeiði. Hennara unga sinni hevur hjálpt henni væl í tí stuðuli og hjálp hon hevur givið sangbólkinum “Salt”. Í 1966 og 1968 fekk Inga synirnar Marna og Hera. Marni er giftur Mai Laksá­ foss úr Klaksvík. Tey eiga børnini Fríðu, Árna og Ingu. Marni er sjálvstøðugt vinnurekandi. Heri arbeiðir hjá Postverkinum. Inga er burturstødd føðingardagin. Inga Simonsen 65 ár Dagurin 22. apríl. Cajus. Pávi, sum doyði í árinum 296. Fríðrikur Petersen varð føddur hendan dagin í 1853 23. apríl. Georgius, deyður umleið ár 300. Halgisøgan sigur, at hesin kristni riddarin feldi ein dreka og bjargaði kongsdóttrini har í staðnum. Hann varð seinni tikin av døgum fyri trúar sakir. Dagurin er valdur til almennan skótadag um allan heim. Grikska navnið merkir hann sum dyrkar jørðina. 24. Albertus, deyður umleið ár 997. Biskupur í Prag. Týska navnið merkir ediligur ella lýsandi. Prógv Tann 9. mars fekk Halgerð M. Højgaard, úr Leirvík, prógv sum kosmetolog á Heidi Sommer International training academy í Kolding. 90 ár Sunnudagin 23. apríl verður Maria Frederikka Nielsen, ættað av Skála, búsitandi í Havn, 90 ár. 80 ár Sunnudagin 23. apríl verður Selma Poulsen, Tvøroyri, 80 ár. Hon er burturstødd. 75 ár 21. apríl verður Martha Poulsen, Undir Heygnum 28, Tórshavn, 75 ár. Dagurin verður hildin saman við børnun­ um. Tøkk Øllum tykkum, sum á ymiskan hátt mintust meg á 70 ára føðingardegnum og gjørdu mær dagin hugnaligan, takki eg hjartaliga. Tøkk fyri blómur, gávur og uppringingar. Blíðar heilsanir Sigfríður Joensen 740 Hvannasund Tøkk Hjartaliga takka vit øllum, sum sýndu samkenslu og hjálpsemi, tá maður og pápi okkara Jóannes Stakkslíð brádliga andaðist og varð jarðaður. Tøkk til tykkum øll, ið sendu blómur, kransar og peningagávur. Tøkk til øll, sum fylgdu honum til hansara seinasta hvíldarstað. Ein serstøk tøkk til floksfelagarnar og lærarar á Studentaskúlanum í Hoydølum, bilstøðina Bil og tykkum, sum hjálputu til í sambandi við jarðarferðina. Eisini vilja vit takka Bergi Debes Joensen, presti, berarum, sangarum og urguleikara. Familjunnar vegna Birna, Fríðgerð og Tórhild Tøkk Hjartaliga takka vit øllum sum sýndu samkenslu tá kæra kona mín, mamma, vermamma, omma og langomma okkara Ketty Joensen Árnafjørður andaðist og varð jarðað. Tøkk til tykkum øll ið fylgdu úr kapellinum og frá kirkjuni. Tøkk fyri blómur, kransar og gávur til kirkjuna. Tøkk til starvsfólkið í Niðrustovu á Norðoya Røktarheimi fyri góða umsorgan. Tøkk til Niels Paula, Hans Eiler og Hanus, kirkjutænarar, sangarar og gravarar, og øll tykkum, sum á ymiskan hátt hjálptu til í sambandi við jarðarferðina. Familjunnar vegna Jógvan Svend