mánadagur 24. apríl 2006síða 27

27 [ Nr. 78 - 24. apríl 2006 ] Heldur ikki hesa ferð fekk ÍF nakað við sær úr Gøtu, og framvegis eru fuglfirðingarnir púrasta sørir í botninum av talvuni Fótbóltur Jákup Mørk jakup@sosialurin.fo Tað er einki at taka seg aft­ ur í, at gøtumenn hava sálar­ liga yvirtakið, tá granna­ uppgerðirnar eru á skránni. Sunnudagin var granna­ uppgerðin í Sarpugerði, og hóast talan sjáldan gjørd­ist um tað heilt stóra fótbóltsspælið, so var eingin ivi um, at gøtumenn áttu sigurin uppibornan. Rokada bjargaði gøtumonnum Talan var ikki um teir nógvu málmøguleikarnar í dystinum, men fyri steðgin vóru heimamenninir heldur grammari enn gestirnir. Tað gav eisini úrslit stutt undan steðginum, tá Gunnar Nielsen átti seinasta fótin móti gomlu liðfeløgunum. Eftir steðgin tóktust gøtu­ menn leggja størri dent á verjupartin, og tað gav ÍF betri pláss at spæla á. Teir megnaðu fleiri ferðir at hótta, og 20 minuttir inn í hálvleikin fekk Hanus Eliasen javnvág í roknskapin. Fyri at fáa betri tak á spælinum, valdi Petur Mohr at taka Sámal Joensen úr álopinum aftur á miðvøllin, og hetta skuldi vísa seg sum avgerandi vendin. Alt fyri eitt kom nógv meira struktur yvir spælið hjá vertunum, og so líðandi tvingaðu teir sær aftur greiða yvirvág í spælinum. Gøtumenn hava í ár sýnt hampuliga stóra styrki í deyð­bóltsstøðum, og tað var eisini eftir eina slíka, at leiðslumálið kom. Fríspark varð sent innfyri, og so kundi Sam Jacobsen gera sítt næsta mál á árinum. Fuglfirðingar megnaðu ongan tíð av álvara at svara hesum aftur, og seymurin varð settur í, tá dómarin tíggju minuttir fyri dystarlok dømdi óbeinleiðis fríspark fyri afturlegging. Ein dómur, sum gestirnir á ongan hátt vóru nøgdir um, men tað løgdu gøtumenn líka í. Áslakur R. Petersen fekk bóltin rullaðan móti sær, tá frísparkið varð tikið, og so langaði hann bóltin í mesk­ arnar. Nógv kort Umframt spenningin, sum ein grannauppgerð vanliga hevur við sær, so gjørdist talan eisini um nógvar per­ sónligar tvídystir. Kanska serliga tí fleiri av spælarunum á vøllinum hava umboðað bæði feløgini gjøgnum ár og dag, og tí vóru persónligar neisur at vinna. Tað gav eisini úrslit í eini rúgvu av kortum frá dómaranum. Og sum skilst, so kundi okkurt av teimum gulu væl havt øðrvísi lit. Men hinvegin vildi hetta kanska uppøst spælararnar enn meira, og í so máta var talan kanska um rætt val hjá dómarunum. Hartil var talan kanska í ávísan mun um frustratiónir um stigatalvuna, sum komu undan kavi hjá ÍF. Tá gongdin er tung, kann mótburðurin oftani kennast órættvísur, og tað skerst ikki burtur, at júst hetta var kenslan, sum fuglfirðingar sótu við. Talvan staðfestir eisini, at stig nú mugu koma á kontina, um ikki øll vón skal hvørva mest sum alt fyri eitt. Næsti møguleikin fyri hesum er móti VB/Sumba komandi vikuskifti, og á pappírinum tykist hetta eisini sum besti møguleikin at fáa stig. KÍ loysir HB av HB hevur boðað FSF frá, at felagið klárar ikki at manna liðið, sum felagið skuldi hava við í 2. deild í ár. Tí hevur FSF givið KÍ møguleikan at flyta upp í deildina, og KÍ hevur tikið av. KÍ endaði sum nummar 3 í 2. deild í fjør, og tí stóð felagið úr Klaksvík fremst í røðini, nú HB meldaði frá. KÍ skrivar á heimasíðu sínari, at Manni Høgnesen skal venja 2. deildarliðið hjá KÍ. FCK best í ár FC Keypmannahavn er tað liðið, sum hevur fingið flest stig, síðani superligan byrjaði aftur í mars. FCK hevur vunnið seks dystir, spælt ein javnan og tapt ein, og tað hevur sent teir á beina meistarakós. Brøndby hevur tapt tríggjar dystir, og tað hevur kostað í oddastríðnum. AC Horsens við Johan Byrial Hansen í hópinum er nummar 7 í røðini, og AaB við tveimum føroyskum spælarum er næstaftast, tá ið tað ræður um dystir, sum eru spældir í ár. AaB hevur ongan dyst vunnið, men hevur skavað sær seks javnleikir saman. Sam er toppskjútti Illa ber til at siga annað, enn at gøtumenn býta málini væl ímillum sín. Tá Sam Jacobsen eftir hálvleikssteðin sunnudagin økti til 2-1, gjørdist hann samstundis fyrsti gøtumaðurin, sum kom á tvey mál hetta kappingarárið. Tað vil við øðrum orðum siga, at tað eru 10 spælarar, sum hava skotið tey 11 málini, sum GÍ hevur fingið higartil í ár, og tað má sigast at vera sosialt rættvísi millum spælararnar. -mørk GÍ-ÍF 3-1 (1-0): GÍ eigur grannauppgerðina ÍF GÍ Fuglfirðingar mundu kenna seg enn meira kroystar, eftir at teir fimtu ferðina á rað noyddust av vølli uttan stig savnsmynd