hósdagur 27. apríl 2006síða 37

Nr. 80 - 26. apríl 2006 21 Nr. 80 • mikudagur • 26. apríl 2006 • 80. árgangur • www.sosialurin.fo 26 ára gamli Bjarni Skaalum er fyri fyrstu ferð blivin føroyameistari í billard fyri einstaklingar. Hann vann finaluna á fleirfaldað føroyameistaranum Henrik Petersen Billard Eyðun Klakstein eydun@sosialurin.fo Bjarni Skaalum gjørdi bart í FM-kappingini í billard, sum varð hildin í Havn um vikuskiftið. 26 ára gamli Kagga­spælarin, sum hevur spælt billard seinastu 14 árini, vann fyri fyrstu ferð føroya­meistaraheitið fyri einstaklingar. Hetta hendi í frálíku bill­ ard­hølunum hjá Havnar Klubba leygardagin, og mót­støðumaður í finaluni varð eingin minni enn ”Mr. Billard himself ”, Henrik Petersen, sum hevur vunnið FM heitið so oftani, at tað er ringt at hava tal á tí. Hesaferð var Henrik ov stuttur. Hóast tølini ikki vóru av teimum allar bestu, so var talan um eina spennandi og javna finalu. Bjarni fekk 454 eygu og Henrik 418. Í dystinum um 3. plássið gjørdist Niels Nielsen vinn­ ari, til stóra gleði fyri the grand old man í føroyskum billardspæli - faðirin Eirik Nielsen hevur verið ein av okkara bestu spælarum nakrantíð. Hetta er so eisini besta úrslitið hjá Niels higartil og má sigast, at hann nú eisini er við at nærk­ast toppinum. Hann vann á Carsten Hansen. Dyst­urin teirra millum var eisini javnur, 474 móti 422 eygum. Vunnið allar kappingar Tað var eitt sindur óvæntað, at ein av føroyameistarunum seinastu árini, Krisjan Suni Høgnesen, ikki náddi til enda­ spurtin. Hann varð út­sligin í innleiðandi um­far­inum fríggjadagin saman við Jan Müller, Sonhard Johannesen og Jógvan Jørgensen. Eftir tað vann Bjarni á Niels og Henrik á Carsten, og harvið komu vinnararnir at dystast um 1. og tapararnir um 3. pláss. Bjarni Skaalum hevur við hesum meistaraskapinum vunnið allar kappingarnar, sum verða spældar her á landi. Hann gjørdist eisini føroyameistari fyri lið í ár saman við liðfeløgunum Stein­birni í Dali og Jan Müller. Ì aðru deild í billard fyri lið vann Kaggin eisini. Sostatt vunnu kaggamenn allar FM kappingarnar í ár. Bjarni vann FM fyri fyrstu ferð Frælsur ítróttur Eyðun Klakstein eydun@sosialurin.fo Í døgunum frá 6. til 8. apríl kappaðust umleið 500 ungfólk frá 16 altjóða skúlum í frælsum ítrótti í Cario. Ungfólkini komu úr Dubai, Bahrain, Oman, Yemen, Qatar, Kuwait og øðrum londum í Miðeystri, og kappingin varð hild­in á Cairo American Col­ lege í egyptiska høvuðs­ staðnum. Hetta er eitt árligt til­ tak, har endamálið er at lata ungfólk við ymsum uppruna og mentan kappast í somu kappingum. Á vinnandi liðnum hjá Cairo American Col­ lege var argjagentan Gyðja á Argjahøvda. Hon vann silvur á 100 metr­um, og hon vann tvey gullheiðursmerki í staf­ettum saman við lið­ fel­øgunum. Gyðja býr í løtuni í Egyptalandi. Kappingin var sera væl fyriskipað, og endamálið at lata ungfólk við ymsum húðaliti, átrúnaði og ment­ an kappast saman var nátt á besta hátt. Argjagenta vinnur heiðursmerki í Miðeystri Gyðja á Argjahøvda vann heiðursmerki í ítróttarkapping í Cario Bjarni Skaalum føroyameistari í billard