mikudagur 3. mai 2006síða 23

23 [ Nr. 85 - 3. mai 2006 ] Nr. 85 • mikudagur • 3. mai 2006 • 80. árgangur • www.sosialurin.fo Dalbúð og Kollsker taptu tepurt Tveir 17 ára gaml­ir føroyskir fót­bóltsspælarar vóru í gjár við í finaluni í donsku skúlakappingini Fótbóltur Jóannes Hansen joannes@sosialurin.fo Tað gekk akkurát ikki hjá Oura fótbóltsskúlanum, sum fyrrapartin í gjár luttók í finaluni í donsku skúlafótbóltskappingini fyri unglingar. Tveir før­oyskir spælarar vóru á liðnum hjá Oure, sum spældi finalu móti Copenhagen West, ið er liðið hjá handil­s­­skúlunum í Ishøj og Tåstrup. Øssur Dalbúð og Tork­ il Kollsker ganga á Oure fótbóltsskúlanum, sum liggur uttanfyri Svend­ borg á Suðurfyn. Skúlin luttekur í skúla­kapp­ingini og íheyst kvali­fiseraðu teir seg á Fyn til víðari luttøku. Ein annar føroyskur fót­bóltsunglingur er á Oure. Hann er eisini sera evnaríkur, og hann hevur verið á Oure liðn­um. Tíverri var Pæt­ur Jørg­en­ sen, sum er lítli beiggi Bjarna Jørg­ensen, ið er á FORMULA liðnum hjá Skála, skaddur til enda­spælið. Pætur, sum er høgri vongverji, hevur vant við OB, har hann hevur spælt á besta ung­ lingaliðnum. Mánadagin spældi Oure hálvfinalu móti Laur­­­sens Realskole. Øss­ ur Dalbúð var í Oure álop­ inum, og Tork­il Kollsker var í miðverjuni. Oure vann 5-2, og Øssur Dal­ búð skoraði tvey av mál­ unum. Í hinari hálvfinaluni vann Copenhagen West, sum er liðið hjá handils­skúlanum í Ishøj Taastrup, 4-2 á Randers Realskole. Finalan varð spæld fyrra­­partin í gjár, og hon varð send beinleiðis á sjón­varpsrásini Viasat Sport 1. Eftir vanliga leiktíð - 2 x 40 minuttir - var støðan 1-1, eftir at Oure heilt tíðliga hevði lagt seg framum. Torkil Kollsker var í miðverjuni alla tíð­ ina, og Øssur Dalbúð var í álopinum, inntil tað restaði eitt korter. Eftir vanligu leik­tíð­ina var spælt tvær ferðir fimm minuttir longd leiktíð, men einki mál kom. Í brots­ sparkskappingini mis­nýtti Oure tvær ferðir, meðan Copenhagen West mis­ brúkti eina ferð og tískil vann finaluna á Vejlby Riskov stadion í Århus. Tað ganga nakrir dagar, áðrenn Jón Rói Jacobsen veit hvussu støðan er við knænum, sum hann aftur hevur fingið skaða í. Í ringasta føri kann verða neyðugt við nýggjari skurðviðgerð í knænum Fótbóltur Eyðun Klakstein eydun@sosialurin.fo Jón Rói Jacobsen bíðar í løt­uni eftir at fáa endaliga at vita, hvussu álvarsamur skaðin í knænum hjá honum er. Undir venjing í síðstu viku skeiklaðist knæið, og síðani hevur tað verið so hovið, at tað ikki hevur borið til at kanna tað neyvt. – Eg bíði nú eftir at hevilsi leggur seg, og so fara vit at testa stabilitetin í knænum. Tað gera vit við venjingum her í AaB, og í næstu viku hava vit fingið eina tíð hjá einum skurðlækna í Randers, sum eisini skal kanna knæið, sigur Jón Rói Jacobsen – Beint nú veit eg ikki, um tað er ein minni skaði, ella um tað kann enda við einari nýggjari skurðviðgerð. Eg vóni tað besta, men eg má bíða eftir endaligum boðum, sigur hann. Regluligir knæskaðar Í løtuni er eingin grundaður illgruni um, at krossbandið í knænum er farið, men skaðin er í sama knæið, sum Jón Rói hevði álvarsaman skaða í, og sum hann eisini hevði ein minni skaða í fyrr í ár. – Um eg kann rokna við at fáa reguligar skaða í hetta knæið, tí tað kanska ikki er nóg stabilt, so kann tað gerast neyðugt við nýggjari skurðviðgerð, men nú fáa vit at síggja, sigur Jón Rói. Kanningarnar undir venj­ ing síðst í hesi vikuna og hjá skurðlæknanum í Rand­ ers í næstu viku, skulu mill­um annað gera av, um stabiliteturin í knænum er í lagi, og um Jón Rói skal halda fram við at venja og spæla, ella um hann skal leggjast undir skurð. Í løtuni er tað ikki sann­ líkt, at Jón Rói spælir við í landsdystinum hjá Føroyum ímóti Póllandi um slakar tvær vikur. ÍSB Johan Samuelsen Nú fer Ítróttarsambandið fyri Brekað aftur at skipa fyri eini norðurlendskari ítróttarkapping her á landi – fyrstu ferð var kappast í svimjing í NM í svimjihøllini í Gundadali, og var tað í 1987. Hesaferð er tað í væl­ umtókta spælinum, boccia, at NM verður í døgunum 12. – 14. mai. Einaferð áð­ur hevur boccia í NM ver­ ið í Føroyum, og var tað í 1991. Boccia er eitt spæl, sum er egnað til øll í orðsins sanna týdningi. Øll kunnu vera við í hesum spæli, sum hevur sín uppruna suðuri við Miðjarðarhavsins strendur. Kappingin er løgd hesar dagarnar í samband við Dýri biðidagsferiuna, og øll Norðurlond vera umboðað bæði væl og virðiliga. Enda­ liga luttøkufráboðanin fyri­ liggur ikki enn, men fyri­ bilsfráboðanir eru komnar og fer samlaða luttakaratalið at liggja nakað omanfyri tey 100 – tá er sjálvandi talan um kappingarungdóm, hjálparfólk og onnur Nógv at hugsa um Talan er um eina stóra kapp­ing, sum krevur nógva orku og fyrireikingar av ser­ligum slagi av einum so lítlum felagsskapi, sum ÍSB. Umframt alt tað ítróttarliga í samband við sjálva kapp­ ingina, sum Ingolvur Gunn­ ar­son fer at hava høv­uðs­ ábyrgdina fyri, so eru so nógv serlig viðurskifti at hugsa um hesar dagar. T.d. verður talan um ein­ ar 20 luttakarar, sum koma higar at dystast, sum sita í koyristólum, bæði manu­ ellum og el-koyri­stólum, og krevur tílík ferðing við flogførum til Føroya ser­ ligar fyriskipanir, t.d. er bert loyvt at hava tveir el- stólar í einum flogfari vegna nýggju trygdarreglurnar í alheimshøpi, og tí má ein neyv samskipan gerast við Atlantic, so allir boccia­ spælararnir koma rættstundis til kappingina. Sovorðin stór NM-kapping krevur nógv pláss, og tí er neyðugt at spælt verður í 4 hallum, nevniliga í Hoyvík, á Hálsi, í Gundadalshøllini og í HBF-høllini. NM í boccia verður hildið í Føroyum Jón Rói livir í óvissuni Jón Rói Jacobsen verður neyvan við føroyska fótbóltslandsliðnum í Póllandi um slakar tvær vikur, men í løtuni er óvist, hvussu álvarsamur nýggi knæskaðin hjá honum er