fríggjadagur 5. mai 2006síða 12

12 Nr. 87 - 5. mai 2006 NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. 28. apríl fingu Sólvá og Klæmint Eliasen, Fuglafjørður, ein son, ið eitur Dánjal Klæmintsson. Hann var 56 cm. langur og vigaði 4000 gr. 28. apríl fingu Anni og Jógvan Thomsen, Hvalba, ein son. Hann var 52 cm. langur og vigaði 4800 gr. 28. apríl fingu Marjun Wilhelm og Ólavur Brimnes, Tórshavn, ein son. Hann var 57 cm. langur og vigaði 4750 gr. 28. apríl fingu Signe Skaaning og Hans Jóhann Sørensen, Leynar, eina dóttur. Hon var 57 cm. long og vigaði 4420 gr. 29. apríl fingu Guðrun Joensen og Finnur Hansson ein son. Hann var 54 cm. langur og vigaði 4200 gr. 30. apríl fingu Eygló Bjørg Jóhannsdóttir og Dánjal Salberg Adlersson, Streymnes, ein son. Hann var 56 cm. langur og vigaði 4200 gr. 30. apríl fingu Beinta Henriksen, Sørvágur og Hendrik Qvist, Uummannaq, ein son. Hann var 51 cm. langur og vigaði 3800 gr. 1. mai fingu Nancy og Karl Oddmar Rasmussen, Hvítanes, ein son. Hann var 51 cm. langur og vigaði 3050 gr. 1. mai fingu Ann og Peter Ritter, Argir, eina dóttur. Hon var 55 cm. long og vigaði 4400 gr. 3. mai fingu Sólrun Hammer, Hósvík og Mortan Poulsen, Kollafjørður, eina dóttur. Hon var 50 cm. long og vigaði 3285 gr. Tann 27. apríl fingu Kristjan 11 ár, Anna Sofía 10 ár og Katarina 5 ár, ein beiggja. Hann var 56 cm. langur og vigaði 3600 gr. Foreldrini eru Elsebeth Andreassen og Heri Joensen, Tórshavn. Mánadagin 3. apríl fekk Jákup ein lítlabeiggja. Hann var 54 cm langur og vigaði 4260 gr. Foreldrini eita Maria og Viggo Johannesen. 19. apríl fekk Lis ein lítlan beiggja! Hann var 56 cm. langur og vigaði 4210 gr. Foreldur teirra eru Berlina og Tummas Martin Sólsker. Sunnudagin 7. mai fyllir Heri Guttesen í Havn 50 ár. Heri er føddur og upp­vaksin í Havn. Hann hevur altíð havt sera stóran áhuga fyri bilum, og har var einki ivamál um, hvat hann skuldi læra til. Hann byrjaði at arbeiða hjá Reyni Service í Rættará í 1974, sum 17 ára gamal. Hann byrjaði á eykalutagoymsluni, og níggju mánaðir seinni fór hann í læru sum bilmekanikari á verkstaðnum. Eivind av Reyni hevði tá yvirtikið bilasøluna eftir pápan, Sigird av Reyni, sum stovnaði fyritøkuna í 1947 og framvegis var virkin og arbeiddi har. Heri hevur arbeitt hjá Reyni Service øll árini síð­an, har hann hevur kunnað hildið bæði 25 og 30 ára starvsdagar. Hann hevur stóran áhuga fyri sínum starvi og er dugnaligur og nærlagdur. Hann hevur eisini fylgt væl við í mekanisku og tøkniligu menningini av bilunum hesi seinastu 30 árini. Heri hevur serlig evnir at leggja til merkist og at minnast. Hann minnist næst­ an hvønn einstakan bil langt aftur í tíðina. Hann kennir eisini nógv fólk. Hann hevur gott handalag og er sera hjálpsamur, tá ið ræður um biltrupulleikar, bæði hjá næstringum og hjá fólki, sum kenna hann frá verkstaðnum. Heri er sonur Herborg, f. Andreassen, og Petur Gutte­sen, bæði úr Havn. Mamman doyði í 1965, tá Heri var 8 ára gamal, og hann kom at vaksa upp hjá ommu síni við Hoydalsvegin. Hann var eisini nógv í Ullvøruhúsinum og fylgdi væl við í tí sum mammubeiggin, Leivur Andreassen, fekst við. Leivur hevði smiðju og var tiltikin góður handverkari. Pápi Hera, Petur, giftist upp aftur við Elin Carlsson, f. Christiansen, í Havn. Tey fingu børnini Jan og Fíu, ið sostatt eru hálvsystkin hjá Hera. Jan er giftur við Báru úr Fuglafirði, tey eiga tvey børn og búgva í Keypmannahavn, og Fía býr í Havn. Sum tey flestu á Ting­hús­vegnum, har pápi Hera vaks upp, eru tey í Guttesen familjuni kend sum íðin 36-viðhaldsfólk, og Heri er einki undantak í so máta. Feðg­ arnir eru mest sum altíð at síggja til dystir hjá árstalsfelagnum. Hóast Hera dámar væl bil­ar, dámar honum eisini væl at ganga, og sæst hann ofta ganga langar gongutúrar í býnum. Heri er giftur við Elisa­beth, f. Øre­ gaard úr Fuglafirði. Tey eiga tríggjar døtur: Herborg, Karolina og Hanna, sum allar búgva í høvuðsstaðnum. Her­borg er gift við Súna Haraldsen í Hoyvík. Heri verður burturstaddur føðingar­ dagin. Heri Guttesen 50 ár Hóskvøldið 11. mei kl. 19.30 verður kór­ stevnan 2006 sett í Bygdarhúsinum í Leir­vík. Kórstevnan er skipað yvir fleiri dagar, og endar leyg­ ar­dagin 13. mei við konsert við stóra fel­ ags­kórinum í Gøtu Kirkju Kórstevna Luttakarar á kórstevnuni eru øll sangáhugað. Neyð­ ugt er ikki at melda til sam­an við nøkrum kóri, tá høvuðsendamálið við kór­ stevnuni er sangurin í stóra felagkórinum. Svenskur kórleiðari Kórleiðari verður kendi svensk­arin Robert Sund. Tey, sum plagdu at vera við á kórstevnum seinast í fýrsunum, minnast Robert Sund og hansara vøkru svensku satsir og góðu rútm­isku útsetingar. Robert Sund kemur í ár arbeiða við svenskum kórtónleiki, men harumframt fer hann eisini at arbeiða við tveimum kór­ satsum hjá Eivør, ið John Høyby hevur útsett til kór. Eivør syngur sjálv solo. Ro­bert Sund er við sínum serligu gávum uttan iva ein av teimum størstu, tá tosað verður um Norðurlendskan kórtónleik. Høvuðsinnihaldið í kór­ stevnuni er venjingin í stóra felagskórinum, men fríggja­ kvøldið kl 19.30 verður eisini konsert í bygdarhúsinum í Leirvík við teimum einstøku kór­unum, og leygardagin kl. 17 fer stóra felagskórið á pall í Gøtu kirkju at vísa, hvat tey hava lært kór­ stevnudagarnar. Felagskórið Gøta/Leirvík gleðir seg til at taka ímóti fólki úr bygd og bý. Er tað onkur, ið enn ikki hevur teknað seg, ber til at ringja til ein av fyrireikarunum – Jose­fina 256913, Maria 441614 ella Sigvør 219570. Praktiskar upplýsingar um kórstevnuna síggjast á www. gota.fo ave Kórstevnan 2006 Kórstevnan 2006 endar við konsert í Gøtu kirkju við stóra felagskórinum