mánadagur 8. mai 2006síða 14

14 Nr. 88 - 8. mai 2006 Einaferð um árið verður ein vika tikin úr tímatalvuni á Norðskála-Oyrar Skúla. Øll vanlig undirvísing verð­ur løgd á hillina, og listar­ eginleikarnir verða drignir fram í staðin. Loppugras Rólant Waag Dam rolant@sosialurin.fo Tá kann alt sum eitur rokning, landalæra, søga ella danskt bíða, tí tá snýr seg um sang, tónleik, dans, tekning og máling. Sutt sagt, so verður tað listarliga barnið sett í hásætið hesa vikuna. Afturvendandia tiltak – Evnisvikan er eitt árligt afturvendandi tiltak. Við evn­ is­vikuna royna vit náa tað heila barnið, og tað gera vit við listini, sum er tónleikur og máling. Vit arbeiða út frá ymsum høvuðsevnum, og í ár var evnið Loppugras. Óli Jákup Joensen er fyrsti lærari á Norðskála-Oyrar Skúla, og tað er hann, sum greiðir frá. Áður hevur skúlin havt Grindavísuna og H.C. And­ er­sen sum høvuðsevni í evnisvikuni. Í fjør var evnið Aleksandur Kristiansen, og í ár fall valið so á Loppugras, eitt yrkingasavn eftir Sólrun Michelsen. Allar listagreinar umboðaðar – Vit leggja okkum altíð eftir at velja evnið, har allar listargreinar kunnu koma upp í part. Næmingarnir skulu kunna spæla tónleik og syngja eftir teimum evn­ um vit velja. Í so máta er Loppugras eitt einastandi til­tak, har tekstirnir eru lættir og ljósir, umframt at løgini eru sera góð og rigga væl til. Eisini málingin og tekningin er við íblástri úr Loppugras, sigur Óli Jákup Joensen, sum er sera væl nøgd­ur við evnisvikuna, sum var alla farnu viku og endaði við, at næmingarnir leygardagin vístu fram tað, teir høvdu fingið burtur úr. Har var bæði spælt, sungið og dansað, og meðan ein steðgur var, kundu øll ganga runt og hyggja at tekningum og málningum frá vikuni. Bar a positivt Tað er ikki óvanligt, at skúlar seta dagar av til eitt hvørt annað enn vanligu undirvísingina, og tímatalvan harvið má víkja, men ein heil vika er nógv í einum skúlaárið. Kortini metir Óli Jákup Joensen, at hetta ikki gongur út yvir frálæruna hjá tí einstaka næminginum. - Nei, tað haldi ikki. Lesingin vísir seg at vera tað, sum krevur at vera í gongd alla tíðina, og tí byrjar hvør dagur í evnisvikuni við, at næmingarnir lesa í ein hálvan tíma. Yngru flokkarnir hava fyri, júst sum vanligt, meðan eldur flokkarnir hava frílesing, og soleiðis verður tað hildið við líka. – Eg haldi, at øll kring skúlan eru glað fyri eina viku sum vit júst hava havt, og hugurin til vanligu skúlagongdina vísir seg eisini at vera betri aftaná, so hetta er nakað vit eru ógvuliga glað fyri, sigur Óli Jákup Joensen, fyrsti lærari á Norðskála-Oyrar Skúla. Listin í hásætið í eina viku Serkøn hjálp útifrá Fyri at fáa sum mest møguligt burturúr evnisvikuni, hevði skúlin valt at fáa serkøna hjálp úti frá. Arbeitt varð nógv við dansi, og her høvdu tey fingið Hildibjørg Sól­ sker av Oyrarbakka at hjálpa til og leggja lag á. Hildibjørg undirvísir nógv í dansi, og seinastu tíðina er tað serliga tann væl umtøkti line-dansurin, sum hevur fylgt nógv. Til tónleikin hevði skúl­ in eisini fingið sær ser­ køna, fyri ikki at siga pro­ fessionella hjálp, í Ól­avi Olsen. Hetta eru tey á skúl­ anum ómetaliga glað fyri. Men at fáa fólk úti frá og inn á skúlan er ikki ókeypis, og fyri at fíggja tað, hevur skúlin brúkt vikartímar tey eiga. – Tað krevur, at vit brúka ómetaliga fáar vikartímar ígjøgnum árið annars, og at lærararnir eru lagaligir mótvegis skúlanum, og tað seg tíbetur at rigga væl, sigur Óli Jákup Joensen. RWD