týsdagur 9. mai 2006síða 15

Nr. 89 - 9. mai 2006 15 gafiski í Irmingarhavinum Hetta er eitt av teimum mongu skipunum, sum í hesum døgum dríva ólógliga ránsveiði eftir kongafiski í altjóða sjógvi. Skipini hava als ongan ”identitet”, sum er ólógligt sambært NEAFC og NAFO-reglum verða skipini, sum fiska undir skipaðum viður­skift­ um, regluliga kannaði á fiskifeltinum. – Herfyri ljóðaði, at um­hvørvisfelagsskapir hava í hyggju at leita sær í Irmingarhavið at hyggja upp á ránsveiðina, men eg haldi, at hetta er ein trupulleiki, sum myndugleikarnir í londunum áttu at kunnað loyst í felag. Men tíverri vísir tað seg ikki, at so er. Vónsvikin skipari Sonny sigur, at hann er vónsvikin av teimum londum, sum umsita tilfeingið í Irmingarhavinum, at tey soleiðis lata hesi skip gera feigdina um seg í einum annars skipaðum øki. – Og púrasta burtur við er tað, at veitarar í hesum londum gera tað møguligt hjá hesum skipum at halda fram at fiska ólógliga. Skiparin á Ennibergi held­ur, at tað minsta, sum veitararnir mugu krevja, er at fáa at vita, hvørji hesi skip eru, og hvør stendur aftanfyr tey. – Eg eri vónsvikin av, at føroysku myndugleikarnir saman við øðrum londum í felagsskapinum ikki taka stig til at steðga hesi ólógligu veiði í Irmingarhavinum, sigur Sonny Johannesen. – Vit hava eina kvotu at halda okkum til, og tá ið hon er uppi, noyðast vit at gevast. Hinvegin halda skipini, sum fiska ólógliga, fram at fiska, sigur Sonny Johannesen, sum stúrir fyri, at hetta fer at gera enda á kongafiskastovninum í Irmingarhavinum