týsdagur 9. mai 2006síða 24

24 [ Nr. 89 - 9. mai 2006 ] Bæði á Mølini og í Klaksvík er stór kapping um plássini millum teir fyrstu ellivu á liðum, ið hava undanvind EB/STREYMUR-KÍ Jóannes Hansen Í annaðkvøld skulu klaks- víkingar aftur royna seg á útivølli. Higartil hava teir vunnið tvær ferðir í Eysturoy – í Runavík og í Fuglafirði. Uppgávan og avbjóðingin tykist rættuliga stór, og tað kann væl vera, at KÍ og iva-leyst mongu stuðlarnir, sum fara fyrsta betalingstúrin gjøgnum undirsjóvartunnilin í annaðkvøld, vera nøgd, um KÍ eisini eftir ferðina til Eiðis verður ósigrað. EB/Streymur spruttar av sjálvsáliti. Eftir avsmurn- ingin í Runavík í fimta umfari eru teir orduliga komnir fyri seg aftur. Tað boða sigur á heimavølli móti Skála og javnleikur í Gundadali móti FM vinnarunum í B36 boð um. Á Eiði er alt fólkið tókt uttan vongverjin Ólavur Poulsen, sum nú í nakrar vikur hevur gingið við brotnum armi. Stór kapping er um fyrstu ellivu plássini. Eisini í málinum, har Gunnar á Steig støðugt pressar René Tórgarð, sum higartil hevur verið rættuliga sannførandi. Ivi um álopsessið Í Klaksvík kendist tað sunnudagin eftir 2. hálvleik meiri sum KÍ hevði vunnið eitt stig heldur enn, at teir høvdu tapt tvey stig. Klaksvíkingar eru framvegis ósigraðir. Um teir eisini skulu verða tað í kvøld, so skulu teir vísa betri avrik, enn teir vístu sunnudagin. Útjavnandi málið móti HB skoraði Paul Clapson, sum er toppskjútti. Hann spældi við stórari binding um knæið. Tað var týðuligt, at alt var ikki, sum tað skuldi vera hjá honum, men kortini var tað Paul Clapson, sum syrgdi fyri, at KÍ fekk eitt stig. Tí er einki at ivast í, at Tony Paris ógvuliga fegin vil hava álopsessið á vøllin í kvøld. Seinnu árini hevur EB/ Streymur havt heilt gott tak á KÍ. Men hjá klaksvíkingum er so nógv øðrvísi nú, enn tað hevur verið fleiri tey seinastu árini. Bæði í Fuglafirði og á Toftum mugu teir vera meiri ansnir síðsta hálva tíman, enn teir vóru sunnudagin ÍF-B68 Jóannes Hansen Tað er sannur botngysari á skránni í Fuglafirði í annaðkvøld. ÍF er stigaleyst, og um tað ikki eydnast at fáa stig á heimavølli móti teimum næstaftastu, so fer at síggja svartari enn svart út. Í Runavík gekk lutfalsliga væl fyrsta tíman. So skrædnaði, og nógv av NSÍ málunum í 6-1 sigrinum stóðust av persónligum mistøkum. Tað tykist sum um, at sinniliga yvirskotið ikki er nóg stórt, og tað drenar sjálvsálitið burtur. Bartal Eliasen er tøkur aftur eftir leikbann, og Dánial Pauli Højgaard er komin fyri seg eftir skaða. Tað gongur eisini betri hjá Arnholdi Joensen, men tað er ivasamt, um hann verður við í annaðkvøld. Á Toftum hevur úrtøk- an verið lítil seinastu um- førini. 3-2 tapið í Vági var stórt vónbrot. Tað ber við sær, at B68 nú er á nið- urflytingarplássi, og tað mundi kennast sera meint at tapa, eftir at B68 hevði verið á odda við tveimum málum. Alex Troleis er tøkur aftur eftir leikbann. Stóri spur- ningurin er, hvør skal verja málið. Tórður Thomsen varð vístur av vøllinum í Vági. Fróði Jensen, sum hevur verið næsti málverjin, er skadd- ur. Hinir møguleikarnir eru Mass Nesá, sum kom í málið í Vági, og Mortan Hansen, sum sunnudagin vardi málið á næstbesta liðnum. ÍF spældi á Svangaskarði í fjórðingsfinaluni í steypa- kappingini. Tá endaði tað við javnleiki, og B68 vann brotssparkskappingina. Á aðalfundinum hjá evropeiska felagsskapinum fyri ítróttasambond, ENGSO, um vikuskiftið varð avgerð tikin um, at árliga ráðstevnan hjá felagsskapinum skal vera í Føroyum á heysti 2007 Ráðstevna Tíðindaskriv Hetta er fyrstu ferð, at ein slík evropeisk ráðstevna verður hildin her heima. ÍSF hevur seinnu árini miðvíst arbeitt við at gera vart við Føroyar í hesum felagsskapi, ið fevnir um ítróttasambond og olympiskar nevndir úr øllum Evropa. Hetta hevur m.a. havt við sær, at Føroyar luttóku í einum pall-borði um ítrótt í oyggjasamfeløgum á ráð- stevnuni seinasta heyst, at Ítróttasamband Føroya luttekur í einum fylgibólki hjá menningarbólkinum hjá felagsskapinum, og at nevndin hjá felagsskap- inum kemur til Føroya at hava nevndarfund í september 2006. Nú er so greitt, at lima- londini hava viðgjørt føroyska tilboðið um at skipa fyri ráðstevnuni í 2007 við vælvild. Einmælt samtykt Formaðurin, Bengt Se- velius, legði  uppskotið at leggja ráðstevnuna í Føroyum í 2007 fyri aðalfundin leygardagin. Limalondini stuðlaðu einmælt tilmælinum hjá nevndini. Sum meginfelagsskapur fyri ítróttasambond í Evropa arbeiðir ENGSO (European Non Governmental Sports Organisation) m.a. sum lobbyfelagsskapur fyri ítrótt mótvegis national- um og evropeiskum politiskum myndug-leik- um. Samstundis miðjar felagsskapurin eftir at menna førleikan hjá limafelagsskapunum. Triðji tátturin er at skapa karmar fyri einum opnum kjaki um yvirskipað ítrótt- aviðurskifti í Evropa. Ítróttasamband Føroya hevur verið limur í ENGSO síðani 1976 Ítróttasamband Føroya ásannar stóra týdningin av, at Føroyar átaka sær ein virknan leiklut í altjóða ítróttafelagsskapum bæði fyri at fáa ávirkan og fyri at styrkja um altjóða profilin hjá Føroyum. Ítróttasamband Føroya vónar, at sersambondini fara at taka hendan tráðin upp og í øktan mun fara at taka á seg ábyrgd í altjóða ítróttasamstarvi. Hálvt marathon í Havn Hóskvøldið verður kappast á 21,1 km drúgva teininum í Havn Tað er Bragdið, sum skipar fyri kappingini, ið byrjar klokkan 18, og sum endar á Bursatanga. Umframt, at renningin leygardagin er ein FM-kapping, er hetta eisini ein opin kapping, t.v.s. at øll, sum halda seg til, eru vælkomin at luttaka. Í ár verður aftur kappast í fleiri bólkum, kvinnur og menn (f. 1961-1989) og veteranar kvinnur og menn, tað eru tey sum eru 45 ár ella eldri (f. -1960). Tilmelding fer fram á heimasíðuni www.athletics.fo í seinasta lagi mikukvøldið 10. mai. -mørk Formuladeildin Dagur Dystur Dómari 10.05 ÍF-B68 Dagfinn Olsen 10.05 B36-GÍ Jens Petur Brattalíð 10.05 NSÍ-Skála Georg Rasmussen 10.05 EB/Str.-KÍ Eiler Rasmussen 11.05 HB-VB/S Petur Reinert Steypakapping kvinnur Dagur Dystur Dómari 5.05 KÍ-GÍ LÌF 10.05 AB-B36 Fram B68 skal hava nýggjan málverja Evropeisk ítróttaráðstevna til Føroya Clapson er einasta ivamálið Tað verður rættiligur toppdystur á Mølini mikukvøldið, tá ið EB/Streymur og KÍ bresta saman. Álopsessið hjá KÍ, Paul Clapson, stríðist við ein snudd í knænum, men hann spældi og skoraði ímóti HB seinast v t d v - j - t mál mál +/- stig 1 EB/S 7 5 - 1 - 1 13 8 5 16 2 KÍ 7 4 - 3 - 0 16 7 9 15 3 GÍ 7 4 - 2 - 1 14 8 6 14 4 B36 7 4 - 2 - 1 11 8 3 14 5 HB 7 3 - 2 - 2 18 10 8 11 6 NSÍ 7 3 - 2 - 2 15 10 5 11 7 VB/S 7 2 - 0 - 5 8 21 -13 6 8 Skála 7 1 - 2 - 4 9 9 0 5 9 B68 7 1 - 2 - 4 7 13 -6 5 10 ÍF 7 0 - 0 - 7 7 24 -17 0