mánadagur 15. mai 2006síða 22

22 [ Nr. 89 - 9. mai 2006 ] Keðiligt í Aalborg Danskir fjølmiðlar skriva, at superligadysturin ímill­ um AaB og Esbjerg í Aal­­borg sunnudagin var nakað av tí keðiligasta, sum hevur verið at sæð í superliguni í langa tíð. Bert eitt mál kom í dyst­ inum, og tað gjørdi Jeep Curth fyri AaB seks min­ uttir fyri leiklok. Hvørg­ in av teimum før­oysku spæl­arunum hjá AaB vóru við í dystinum. Jón Rói Jacobsen er skaddur, og Súni Olsen varð við landsliðnum, sum spældi venjingardyst í Póllandi. -ek Fólk minnast Fisker fyri gul og reyð kort Um vikuskiftið takkaðu tríggir kendir danskir fótbóltsdómarar fyri seg. Ein teirra var tann nógv umrøddi Knud Erik Fisker. Hann bríksl­ aði seinasta dystin í Park­ini í gjár, og hann var fegin um, at hann nú kundi leggja floytuna á hillina. – Eg vildi ynskt, at fólk mintust meg fyri at vera ein góðan dómara, men tað er einki at ivast í, at fólk fara at minnist meg fyri tey gulu og reyðu kortini, sum eg havi givið, segði Knud Erik Fisker við onside.dk -ek FIFA herðir doping­reglan Altjóða fótbólts­sam­ bandið FIFA tekur nú stig til, at dopingreglurnar hjá felagsskapinum verða gjørdar strangari. Hetta hevur leingi verið eitt krav frá anti-dop­ ingfelagsskapinum WADA, men FIFA hev­ ur ikki vilja viðurkent krav­ið og hevur havt sínar egnu reglur. Altjóða ítróttardómstólurin CAS hevur gjørt greitt, at FIFA skal eftirlíka krøvunum frá WADE, og nú verða broytingar gjørdar undan HM-endaspælinum í Týsklandi í summar. -ek Byrial endaði við tapi Johan Byrial Hansen spældi í gjár sín seinasta dyst fyri AC Horsens. Dysturin var á útivølli ímóti FC Nordsjællandi, sum vann heili 3-0. Johan Byrial Hansen gevst nú at spæla fótbólt, tí hann ætlar sær at brúka meira tíð til familjuna og arbeiðið. AC Horsens flutti upp úr næstbestu deildini í Danmark í fjør, og tað hevur eydnast liðnum at varðveita sítt pláss í superliguni. AC Horsens spælir tí aftur millum tey bestu næsta kappingarár. Jimmy undir skurð Málmaðurin hjá AaB, Jimmy Nielsen, verður í vikuni lagdur undir skurð. Talan er ikki um nakran álvarsaman skaða, men ein meniskskaði í knænum skal fáast upp á pláss. – Eg havi merkt skaðan alt kappingarárið, so tað verður gott at sleppa av við hann nú, sigur Jimmy Nielsen við Ekstrablaðið. Og sambært blaðnum er Jimmy helst fegin um at fáa fríð frá fótbóltinum júst nú, tí fríggjadagin fingu hann og konan eina dóttur. Bara eitt uppskot er til forsetavalið í Ítróttarsambandi Føroya leygardagin. Heðin Mortensen, sum hevur verið forseti fyri føroyska ítróttin í 26 ár, heldur fram í sessinum í tvey ár afturat, men hann roknar við, at tað verður seinasta skeiðið hjá honum ÍSF Eyðun Klakstein eydun@sosialurin.fo Tá ið freistin fyri at lata uppskot inn til forsetavalið í Ítróttarsambandi Føroya var úti, var einki annað uppskot enn sitandi forseti. Ítróttar-Sosialurin veit um, at arbeitt var við at stilla eitt mótvalevni upp ímóti Heðini Mortensen, men eingin vildi taka kappingina upp við forsetan, sum hevur sitið í sessinum seinastu 26 árini. Tí verður Heðin Mortensen valdur til ÍSF-forseta í eitt nýtt tvey ára skeið, tá ið ÍSF hevur aðalfund á Hotel Føroym leygardagin. – Eg havi framvegis stóran áhuga fyri hesari uppgávuni, og orkan er eisini til tað, tí havi eg valt at halda fram í tvey ár afturat. Men hetta verður helst mítt seinasta skeið sum ÍSF-forseti, sigur Heðin Mortensen. Borgarstjóri og forseti Tað var í mars mánaði í 1980, at Heðin Mortensen varð valdur til forseta í Ítrótt­ ar­sambandi Føroya, og øll árini síðani hevur hann verið ítróttarligt yvirhøvd í føroyskum ítrótti. Seinastu tvey árini hevur Heðin Mortensen verið borgar­stjóri í Havn, og tað er tey, sum halda, at hetta ikki hóskar saman við uppgávuna sum ÍSF-forseti. Heðin Mortensen heldur tó, at eingin vansi er í hes­ um. – Eg havi ongar trupul­leik­ ar við at vera borgarstjóri og ÍSF-forseti samstundis. Eg haldi, at føroyskur ítrótt­ ur hevur ein fyrimun av hesum, tí ítrótturin hevur eitt politiskt talurør, har av­gerðirnar verða tiknar, sigur Heðin Mortensen. Uppgávan sum borgarstjóri í Havn er krevjandi. Hevur tú tíð at verða forseti fyri ÍSF eisini? – Ja, tað sigur seg sjálvt, at eg havi ikki nógva frítíð. Arbeiðið sum forseti í ÍSF er sjálvboðið arbeiði, og eg brúki mína frítíð til hesa upp­gávu. Vit hava eina um­siting í ÍSF, og tað ger mína uppgávu lættari, men tað krevur framvegis nógva tíð og orku. Hetta er mítt filantropiska arbeiði, og soleiðis rokni eg eisini við, at tað verður frameftir, tí ÍSF hevur ikki ráð til ein løntan forseta. Uppgávur eftir at loysa Heðin Mortensen sigur, at hann heldur fram sum forseti í ÍSF, tí hann framvegis hev­ ur arbeiðið eftir at gera fyri føroyskan ítrótt. – Tað eru nøkur ting, sum eg gjarna vil gera liðug, áðr­ enn eg gevist sum forseti. Eitt er limaskapurin í IOC, eitt annað eru fíggjarligu um­støðurnar hjá ÍSF, og har­ afturat fer leikluturin hjá ÍSF í føroyskum ítrótti eisini at broytast í næstum, sigur Heðin Mortensen. – Hinvegin ásanni eg eis­ ini, at nýggjar tíðir eru á veg í føroyskum ítrótti, og tí verður hetta helst mítt sein­ asta skeið sum ÍSF-forseti. Forsetavalið í ÍSF verður á aðalfundinum, sum verður hildin á Hotel Føroyum leyg­ ar­dagin. Tað eru føroysku ítróttarfeløgini, sum saman við sersambondunum velja forsetan. Hesaferð verður einki at velja ímillum, tí Heð­in Mortensen er einasta uppskotið. Oyggjaleikir aftur til Føroyar Eitt av málunum, sum Ítróttarsamband Føroya ætlar sær at arbeiða við næstu árini, er at fáa Oyggjaleikirnar aftur til Føroya. – Vit ætla at søkja um vertsskapin til leikirnar í 2013, men skal tað bera til, so skal arbeiðið fyri hesum byrja longu nú. Vit skulu hava nýggjar fasilitetir til ítróttin, og tað skal nógv gerast, áðrenn vit kunnu taka leikirnar aftur, sigur Heðin Mortensen. – Hetta er nakað, sum vit eru farin í holt við í ÍSF, men vit skulu hava land, kommunur og onnur við, um hetta skal lata seg gera. Øll mugu virka fyri at fáa Oyggjaleikirnar aftur til Føroya, um vit skulu hava nakran kjans, sigur hann. Frem spældi málleysan dyst Undirhaldið var millum lítið og einki, tá ið danska 1. deildarliðið Frem spældi ímóti Lol­ land Falster Alliancen á heima­vølli í gjár. Einki mál kom í dystinum, og tað segði nógv um, hvussu liðini spældu. Teir 1270 áskoðararnir sóu eitt tannleys álop hjá heima­­liðnum, men verjan, har Jón­as Tór Næs spældi all­­ar 90 min­uttirnar sum høgri bakkur, kláraði í min­­sta lagi at halda málið reint. -ek Heðin heldur fram sum ÍSF-forseti – Eg havi framvegis stóran áhuga fyri uppgávuni, og orkan er eisini til tað, tí havi eg valt at halda fram sum ÍSF-forseti í tvey ár afturat. Men hetta verður helst mítt seinasta skeið í ÍSF, sigur Heðin Mortensen