fríggjadagur 19. mai 2006síða 11

12 Nr. 96 - 19.-21. mai 2006 Tøkk Hjartaliga takka vit øllum, sum sýndu samkenslu og hjálpsemi tá ið mín elskaða kona, mamma, vermamma og omma okkara Maria Petersen vanliga nevnd Mia Fámjin andaðist og varð jarðað. Tøkk fyri blómur, kransar og peningagávu til Traktatgrunnin. Ein serstøk tøkk til tykkum á B8 og øll, sum á ymiskan hátt hjálptu til við jarðarferðini og ervið. Tøkk til tykkum øll, sum fylgdu henni til hennara seinasta hvíldarstað. Familjunnar vegna Arnfinn, Marianne, Ingmar, Benjamin og Rasmus Tryggur skalt tú vera tí tú eigur vón: tú hyggur rundan um teg og fert tryggur til hvíldar. job: 11,18 Tann annan í hesum mánað hevði Mia systur verið 85 ár, men tað kom hon ikki at uppliva. Tann áttanda januar andaðist hon, sama dag, sum abbi hennara, Daniel Jacob Danielsen, fyrrverandi sýslumaður í Eysturoy, doyði fyri áttati og trimum árum síðani. Mia var fødd í heiminum hjá honum í Søldarfirði og var sostatt knapt 2 ár, tá ið hann doyði. Mia varð uppkallað eftir hinari ommuni, Mariu, bóndakona á Heimbø í Søldarfirði, gift við Hans Olsen, bónda. Kona Dánjal Jákup var Anna Malena, fødd Weihe úr Útbø, eisini í Søldarfirði. Hon doyði, tá ið Victor, pápi okkara varð føddur í 1894. Mamma at Henrikka, vanliga nevnd Dikka 1996-1997. Mia búði í Søldarfirði inntil hon var 7 ár, tá fluttu tey til Fuglafjarðar, og trý systkin vóru komin aftrat. Síðani komu 6 systkin aftrat, harav ein deyðføddur drongur. Mia vaks síðani upp her í Fugtlafirði, og her búði hon restina av lívinum. Hon var ógvuliga skilagóð og nom, fekk bara tey 7 árini í skúlanum her, sum fingust tá, og græt tá ið hon fór úr skúlanum. Mia var, sum elst, eitt sera gott fyridømi fyri okkum yngru. Eg havi so nógv at takka henni fyri, hon tók sær nógv av mær, tá ið eg var lítil, sum ein onnur mamma. Tað var vituligt nógv at gera í einum slíkum heimi, 9 børn, har av hon sum elst, var bara 16 ár. Aftaná at hava verið í Klaksvík eina stutta tíð og arbeitt á skrivstovu, kom hon aftur til Fuglafjarðar og giftist í 1945 við Jákup Oluf á Lakjuni. Tey fingu seks dreingir og bygdu eitt fyrimyndarligt heim. Har hevur verið víst eitt stórt gestablídni, bæði mót kendum og ókendum. Jákup Oluf sigldi øll síni bestu ár, og tað bleiv so lutur Miu ofta at vera bæði móðir og faðir. Mia var eitt sindur óttafull av lyndi, men her kom hennara fasta gudstrúgv, og tað persónliga samfelagið við Hann henni til góðar og bar hana ígjøgnum, tað sum kom á hennara leið. Tey megnaðu at leiða allar synirnar til trúgv á Harran Jesus, meðan teir vóru smádreingir. Jákup Oluf doyði 4. desember 1999. Mia hevði »sine meningers mod« og tordi at siga tær. Hon skrivaði í bløðunum viðhvørt og segði sína meining um tað, sum fór fram, um hon metti, at tað trongdi til. Hon sat í Fuglafjarðar skúlanevnd og í barnaverndini. Í Siloa gjørdi hon eitt stórt arbeiði gjøgn­um fleiri ár millum kvinnur, saman við øðrum. Eisini mill­ um smágentur, har tær komu saman at binda, og so varð eitt orð frá Harranum eisini borið fram. Mia er nú heima hjá tí frelsara, sum hon í ungum árum setti sítt álit á. Hjá okkum, sum eftir eru, er saknurin stórur. Hon fylti so nógv upp og gav so nógv. Ærað verið minnið um Mariu á Lakjuni. Richard Danielsen NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Maria á Lakjuni * 2. mai 1921 ✞ 8. januar 2006 Tøkk Hjartaliga takka vit øllum tykkum, sum sýndu samkenslu og hjálpsemi, tá okkara elskaði pápi, abbi, verpápi og bróðir Tórolv Fagradal Tórshavn andaðist og varð jarðaður. Tøkk til tykkum øll, ið fylgdu honum til hansara seinasta hvíldarstað. Takk fyri blómur, kransar og peningagávur til Føroya Felag móti Krabbameini. Tøkk til Bjarna Bæk fyri troystarrík orð. Familjunnar vegna Tordis, Hilmar og Durita 5. mars fingu Susan og Finn Larsen, Svendborg, ein son. Hann var 56 cm. langur og vigaði 3700 gr. Hann varð doyptur 1. páskadag og eitur Silas. 29. apríl fingu Sally Højgaard og Daniel Skafte, Keypmannahavn, eina dóttur. Hon var 53 cm. long og vigaði 3470 gr. 3. mai fingu Maja og Høgni Warberg á Hvidovre hospital, tvíburar – eina gentu, sum vigaði 3160 og ein drong, sum vigaði 2730. Tey búgva á Amager. Sunnudagin 7. mai fingu Katrin Leo og Fredrik Sjösten Björn, Ljubljana, Slovenia, eina dóttir. Hon var 52 cm long og viga›i 3300 gr. 11. mai fingu Poula Nielsen og Birgir Jørgensen, eina dóttur. Hon var 55 cm. long og vigaði 4320 gr. 11. mai fingu Ivonna Johansen og Sune Strøm, Tórshavn, eina dóttur. Hon var 51 cm. long og vigaði 3000 gr. 12. mai fingu Kristina og Karl Leonsson, Argir, eina dóttur. Hon var 53 cm. long og vigaði 3700 gr. 12. mai fingu Hervør og Vilmund Christiansen, Runavík, eina dóttur. Hon var 49 cm. long og vigaði 3135 gr. 12. mai fingu Sølva Á. og Jóhan Vest, Oyndarfjørður, ein son. Hann var 52 cm. langur og vigaði 3100 gr. 12. mai fingu Sylvie Clément og Poul Klein, Boulogne - Sur - Mer, Frankaríki, eina dóttur. Hon var 50 cm. long og vigaði 2880 gr. 12. mai fingu Vónbjørt og Djóni Thomassen, Tórshavn, eina dóttur, sum eitur Julia. Hon var 55 cm. long og vigaði 4000 gr. 14. mai fingu Jensia og Kristian Olsen, Tórshavn, eina dóttur. Hon var 51 cm. long og vigaði 3100 gr. 14. mai fingu Marion og Jákup Oluf á Lakjuni, Klaksvík, eina dóttur. Hon var 51 cm. long og vigaði 3250 gr. Tøkk Hjartaliga takka vit øllum fyri sýnda samkenslu, tá elskaða mamma, vermamma, omma og langomma okkara Gerda Drangastein Haldarsvík andaðist og varð jarðað. Takk til Bergur D. Joensen, prest, fyri troystarrík orð í kapellinum og tann stóra skara, ið har var saman komin. Takk til starvsfólkið á B7, sum tóku sær væl av henni, meðan hon lá har. Takk til bygdafólkið í Haldarsvík, sum tóku so væl ímóti okkum tá mamma kom norð. Takk til Marjun Bæk, prest, klokkara, organist, sangarar og gravarar. Takk øll tit, sum hjálptu til við ervinum. Takk fyri gávur til Haldarsvíkar kirkju og tykkum, sum sendu blómur og krans. Takk øll tit mongu, ið fylgdu henni til hennara seinasta hvíldarstað. Vegna tey avvarðandi Jórun og Andrass 90 ár Sunnudagin 21. mai verður Nikael Thomsen, í Hoydølum, 90 ár. Dagurin verður hildin á Hvítanesvegi 5, kl. 14.00-18.00. Familja, vinir og kenningar eru hjartaliga vælkomin. Brúdleyp Leygardagin kl. 10.00 giftast í Kvívíkar kirkju Annika Góðadal úr Kvívík og Høgni Zachariasen úr Tórshavn. Døgurðin verður fyri innbodnum kl. 12.00 í Glæmuni í Kvívík.