fríggjadagur 19. mai 2006síða 13

14 Nr. 96 - 19.-21. mai 2006 Mánadagin 15. mai var móttøka á Hotel Eiði, í sambandi við at hotellið hevur fingið nýggjar eigarar. Hotellið letur upp alment ein av fyrstu døgunum Móttøka Myndir: Finnur Rubeksen Hotel Eiði hevur fingið nýggjar eigarar. Tað eru tey fimm: Malan Rubeksen, Herjón Olsen, Jóhan K. Joensen, Tummas Súni Joen­ sen og Anfinn Kruse á Eiði, sum hava keypt hotellið. Malan Rubeksen er úr Havn, meðan hinir fýra eru av Eiði. Nógv fólk vóru møtt til móttøkuna mánadagin 15. mai, bæði eiðisfólk, fólk sum arbeiða í ferðavinnuni og kommunu- og lands­ myndugleikar. Móttøkan byrjaði við at ein av eigarunum, Malan Rubeksen, beyð øllum at vera vælkomin, síðan vórðu røður hildnar av Tordi Niclasen, borgarstjóra (í farloyvi) á Eiði, Bjarna Djurholm, lands­stýrismanni, og Johan Restorff, fyrrverandi hotell­ eigara. Ein av eigarunum, stjórin Herjón Olsen, sigur, at hot­ellið letur upp alment ein av fyrstu døgunum. Í løtuni verða tær seinastu fyrireikingarnar gjørdar. Hotellið skal verða fyri øll. Miðað verður ímóti at tey rørslutarnaðu skulu hava eins góðar møguleikar og øll onnur at koma runt í húsinum. Málið er at brúka hotellið til nógv ymisk tiltøk og at skipa fyri nógvum ymiskum sum t.d. føroyskum kvøldum, har einans føroyskur matur er á skránni, og øðrum líknandi tiltøkum. Annars verður hotellið op­ið frá tíðliga á morgni við mogunmati, síðan verða kaffi og køkur at fáa allan dagin. Á middegi verður døgurði, og um kvøldið verður heitur matur fáa sum t.d. búffar, steikir og fiskarættir til um­leið kl. 22. Hotel Eiði varð bygt í 1983 av Hans Petur Poulsen, sum rak hotellið í nógv ár. Hotellið, sum er í trimum hæddum, hevur 12 dupult- og 4 einkultrúm. Harumframt er eisini fund­ ar­rúm til umleið 40 fólk. Í matstovuni rúmast vanliga 80 fólk, meðan tað ber til at dekka til 120 fólk til veitslur o.a. Hotellið liggur væl fyri við góðum útsýni yvir bygd­ina og suður gjøgnum Sundalagið. Í løtuni verður arbeitt við at gera faldarar og heima­ síðu, har fólk kunnu síggja hvat vit hava at bjóða, sigur Herjón Olsen, stjóri á Hotel Eiði. NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Móttøka við nýggjum eigarum á Hotel Eiði Nýggju eigararnir av Hotel Eiði, f.v.: Herjón Olsen, Malan Rubeksen, Jóhan K. Joensen, Tummas Súni Joensen og Anfinnur Kruse Malan Rubeksen og Eirik Suni Danielsen frá granna­ hotellinum, Gjáargarði við Gjógv Jógvan K. Mørkøre, fyrrverandi bygdaráðs­ formaður á Eiði, og Finn Ougaard varafúti F.v.: Sombath Roddum, Birgir Carlsson og Armgar Steinhólm Herjón Olsen, stjóri á Hotel Eiði og Odd Bjellevåg Nógv fólk og góður matur Finnur Rubeksen úr Havn og dótturin Malan Rubeksen, sum er ein av eigarunum av hotellinum Tordur Niclasen, borgarstjóri á Eiði, sum í løtuni er í farloyvi, bjóðar nýggju eigarunum vælkomnum F.v.: Malan Rubeksen, Johan Restorff og Birna Gaard