mánadagur 22. mai 2006síða 12

12 Nr. 97 - 22. mai 2006 NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Meinhard Hellá, Sandavágur andaðist 19. mai á Ellisheiminum í Miðvági 91 ára gamal. Rigmor Heinesen Mið­ vágur, andað­ist 19. mai á Lands­sjúkra­húsinum 86 ára gomul. Tordis Jóhannusen fødd Sámuelsen, ættað úr Klaksvík, búsitandi á Sørarnøy, Norra, andaðist á Bodøsjúkrahúsi í dag, 69 ára gomul. Andlát og jarðarferðir Leygardagin 20. mai rundaði Birgir Toftheyggj við Toftir í Hvalba 50 ár. Birgir er ikki eitt menniskja, ið ger nakað hóvastak burturúr sær sjálvum. Altíð so friðaligur og vælfyrireikaður, áðrenn hann talar og handlar. Neyvan áhugaður at síggja sín persón nevndan og róstan alment. Hóast so er, vilja vit fegin spinna honum ein søgutráð á 50 ára degnum.  Birgir er elsti sonur av trimum børnum hjá Annu og Hans Toftheyggj við Toftir í Hvalba.   Ungur fór Birgir í timb­ur­læru hjá Odmar við Síl­ánni á Tvøroyri. Væl hev­ur ligið fyri hjá honum sum timburmaður. Meira enn 30 ár eru farin innan timburyrkið, og væl hevur hilnast, tí handverkið er honum í blóðið  borið úr báðum ættum. Í mong ár arbeiddi Birgir saman við Jens Paula Holm við Neyst í Hvalba. Seinni saman við Vilmund Michelsen av Tvøroyri, Danj­al Olsen og Tommy Olsen úr Hvalba. Síðstnevdu arbeiðir hann saman við enn. Eisini hevur hann ávísar tíð­ir ar­beitt sjálvur, og mong eru dømini um vakurt hand­verk m.a. “Træslottið” und­ir Myllifossinum við Hamarsá. Faðir Birgja, Hans Toft­heyggj, var kongsbóndi Utt­an Knúka, ein hagi á 3 merkur úti í Vatnsdali í Hvalba, eitt langt lívsskeið. Birgir fyldi trúfastur hansara fótafetum frá smádreingi av. Fyri nøkrum árum síð­ani legði Hans frá sær, og Birgir tók við festinum eft­ir faðir sín, soleiðis sum sið­venja hevur verið millum ætt­arliðini. At bóndast hevur verið hansara stóri áhugi, og í nógv ár hevur hann eisini havt neyt. Ikki er tað so langt síðan, at tað stóð at lesa í bløðunum, at vistfrøðiligt neytakjøt var tøkt í Hvalba frá Birgja Toftheyggj. Hans, Birgir og Hanus – trý ættarlið hava rikið sam­an Uttan Knúka í mong ár, og ætt og vinir hava verið við, og stuttligt hevur verið í haganum. Út á dagin, tá rakstrarfólkið troytt og væl­ uppløgd koma heimaftur, koma øll hvørja ferð til búgv­ið borð við Toftir. Søg­urnar, ið fylla rúmið ein slíkan dag eru góðar og stuttligar, og lagið lætt og gott. Nakrar av løtunum eru partvís søga í dag. Teir eldru av rakstrarmonnunum gjøgnum fleiri ártíggju eru falnir frá sjálvum rakstr­in­um. Teirra millum, faðir og svigarfaðir Birgja og trúfasti rakstr­ar­maður og vinur Birgja, Sig­ vald Hentze, ið ikki er okkara millum longur. Birgir bygdi sjálvur húsini við Toftir og skapti eitt vakurt og hugnaligt heim saman við ungdómsunnustuni, Sigrun. Eins og í ævintýrunum gift­ist tey og fingu børn, eina dótt­­ur og ein son, og liva tey, eins og í ævintýrunum, vón­­andi lukkuliga til teirra dags enda...higartil hevur so í øllum førum gingið væl. Dótt­ urin, Margretha, lesur til sjúkra­ástøðing í Es­bjerg, og sonurin, Hanus, lesur á Miðnámsskúlanum í Suðuroy. Ikki kann sigast annað enn at Birgir altíð hevur gingið høgt uppí børnini og familjuna, og at tey øll eru ógvuliga tætt knýtt. Síðstu árini hevur Birgir verið degnur í Hvalbiar kirkju. Tokkin til kirkjuna og at tæna kirkjuni, hevur hann ikki frá fremmandum. Móður Birgja, Anna Toftheyggj, f. Skaalum, helt Hvalbiar kirkju reina og vakra alt sítt virkna lívsskeið, og sat í kirjuráðnum, eins og Birgir situr í kirkjuráðnum í dag. Eisini hevur Birgir havt fleiri álitisstørv í sóknini, m.a. nú í vatnsýninum og grindaformaður. Birgir er trúgvur áskoðari hjá Royn á heimavølli og hevur nú í fleiri ár verið ein av trúgvu álitisfólkunum til basararnar hjá Royn. Á 50 ára degnum var Birgir burtur­ staddur í Esbjerg. Dag­urin var hildin saman við vinmanninum Pól, hjá Mariu Olsen úr Hvalba, ið eisini rundar tey 50. Pól ynskja vit eisini hjartaliga tillukku. Dagin hildu teir saman við sínum kæru. Vónandi í fagr­asta sólskyni, tí leingi hevur verið umrøtt, at eitt heilt lamb skuldi grillast undir opnum himni. Vit í Garðsenni í Hvalba, vilja við hesum heiðra Birgja og takka honum fyri, at hann altíð hevur verið so góður at heita á. Birgir er okkum ein góður svigarsonur og svágur, og vit ynskja honum hjartaliga tillukku, við ynski um eitt framhaldandi ljóst og eydnuríkt lív. Birgir Toftheyggj 50 ár Dagurin í morgin 23. mai. Desiderius. Tvey halgimenni bera hetta navn. Annar var biskupur í Langres í Fraklandi, tikin av døgum í 364 ella 411. Hin var biskupur í Vienne í Fraklandi, steinaður til deyða í 608. Týdningurin er hin ynskti. Teir sum fingi dugna­skapar­ roynd í Motor­læru eru: Julian Eliasen, Magni Blástein, Eli­ es­ar Olsen, Torkil Hansen (Lær­ari), Heini Eysuroy, Rúni Heðinson Johannesen, Hans Jacob Simonsen. Myndin sýnir teir sum fingu dugnaskaparroynd í sigl­ing. Aftast frá vinstru: 1 Kristian Poulsen (lærari), 2 Jógvan Biskupstøð, 3 Ali Celebi, 4 Jóan Pauli í Dali, 5 Jón í Dali, 6 Steinbjørn í Dali, 7 Beinir Hansen, 8 Hans Han­ sen, 9 Jan Otto Holm.  Fremst frá vinstru: 1 Petur Hans Dahl (lærari), 2 Andrass Arge, 3 Birgir Jakobsen, 4 Eyðun Joensen, 5 Regin Joensen, 6 Ingi Justinussen, 7 Súni Lamhauge, 8 Bent Lundsgaard, 9 Bogi Slætta­ nes, 10 Jón Thorsteins­son. Tórshavnar Kvøld- og Ungdómsskúli: Dugnaskaparroynd í motorlæru og sigling www.sosialurin.fo