mánadagur 1. mai 2006síða 8

12 Nr. 98 - 23. mai 2006 Teir knappliga 70 bátarnir sum vóru komnir til Vestmanna á Bátastevna, løgdu nógv fyri, fyri at koma fram. Teir fingu tó ein sera góða stevnu, men sluppu ikki avstað aftur fyri veður BÁTASTEVNA Rólant Waag Dam rolant@sosialurin.fo Veðrið leikaði í í Vestmanna leygarkvøldið. Kortini vóru ikki minni enn sjeyti bátar, sum luttóku á bátastevnuni, sum VÍF skipaði fyri. – Tá so nógvir bátar leita til Vest­ manna í so ringum veðrið, so kunnu vit ikki vera annað enn sera væl nøgd, sigur Jónfinn Egilsnes, høvuðsfyrireikari av bátastevnuni. Í samband við stevnuna, høvdu fyrireikararnir lagt bátabrúgvar út frá keiini í hylinum, har trolarararnir plaga at liggja. – Allar brúgv­ arnar, uttan ein, sum vit hava lænt frá Kvívíks Kommunu, hava ligið á Sørvágsfirði, og tær hava vit so riggað til, soleiðis at vit kundu brúka tær til bátastevnuna, greiðir Jónfinn Egilsnes frá. Grillkvøld undir fiskakassum Komin á land bjóðaði VÍF luttakarunum suppu, og eisini var ein øl við eini ser­ ligari bátastevnu etikett at fáa. Men tað var ikki bert suppa at fáa í Vestmanna hetta leygarkvøldið, tí á havnalagnum varð skipað fyri grillkvøldi í øllum ódn­­ar­veðrinum. Tað vóru dreingir 14 ár hjá VÍF, sum skipaðu fyri hesum, og teir høvdu riggað seg til við fiska­kassum, soleiðis at lívd fekst fyri vindinum og regninum. Og saman við góðum harmonikutónum syrgdu teir fyri, at ongin nýtt­­ist at vera svangur til báta­­stevn­una. Uppi í høllini var eisini ymisk tiltøk á skránni. Har var tað gentur 14 ár sum skip­aðu fyri. Aftr­at øll­­um teim vanligu stevnu­akti­vi­ tetunum, skipaðu tær fyri eini kastikapping. Tær høvdu fingið hendir á einum tóli, sum máldi hvussu hart ein megnaði at kasta, og var hetta eitt sera vælumtókt tiltak. Sluppu ikki avstað aftur Tá tað leið út á kvøldið og náttin kom, varð skipað fyri dansi í høllini, og har var dansa bæði væl og longi. Men tá stevnuluttakararnir sunnudagin ætlaðu sær heim­ aftur, varð tað av ongum. Veðrið var tá vorðið so mik­ið ringt, at tað var ikki hugsingur um, at fara avstað aftur við báti. Heldur ikki teir 20 húsvognarnir, sum vóru við á stevnuni, hættaðu sær avstað aftur. – Hetta er fyrsta ferðin, at bátarnir ikki eru slopnir av aftur bátastevnuni, so í so máta var henda stevnan søgulig, heldur Jónfinn Egils­nes skemtandi fyri at enda. Bátastevna í ódnarveðri Ein arbeiðsbólkur er settur til at arbeiða við ætlanini um at útbyggja leguhúsið. Næsta byggistigið verður ikki eftir upprunaligu ætlanini HEIMAMISSIÓNIN Heini S. Kristiansen heinik@sosialurin.fo Leguhúsið í Nesvík skal út­byggjast. Ein arbeiðsbólkur er settur til ítøkiliga at ar­beiða við útbyggingini. Vagn Foldbo, aðalskrivari hjá Heimamissiónini, sigur, at tað ikki verður bygt eftir upprunaligu ætlanini. – Í tí ætlanini er svimjihøll og fim­leikahøll. Tað, sum vit hava brúk fyri, er ein for­ samlinghøll, nøkur eyka seingjapláss og høli til um­siting, sigur hann. Leguhúsið í Nesvík er upptikið mestsum hvørt vikuskifti. Tað eru barna­leg­ ur, seturskúlar, bygdalegur, brúdleyp og annað. Um summ­arið er mest virksemi, tí at tá eru legurnar. Leguhúsið í Nesvík hoyrir til tí føroysku Heimamissiónina, og verður tað nýtt av øllum greinunum í Heimamissiónini. Tað eru 21 fólk í starvi hjá Heima­ missiónini. Jákup Kass var formaður í bygginevndini, sum á sinni stóð fyri arbeiðinum at fáa leguhúsið bygt. Hann heldur, at leguhúsið hevur havt sera stóran týdning fyri Heimamissiónina, síð­ ani tað varð vígt í 1993. Spurdur, hví teir valdu at byggja húsið í Nesvík, svarar Jákup, at teir høvdu tørv á einum staði, sum lá mitt í landinum. Heimamissiónin er landsfevnandi, og virk­ semið í leguhúsinum er pri­ mert landsfevnandi, so fólk úr øllum landinum máttu hava lætt at ferðast til legu­ húsið. Vagn foldbo sigur, at økið við streymin liggur sum ein miðdepil í Føroyum, og tí varð húsið bygt í Nesvík. Onnur øki vórðu eisini um­ rødd, millum onnur Saks­ urnardalur, men Nesvík varð valt. – Hetta er eitt sentralt pláss, samstundis sum tað er eitt sindur avsíðis, so tað er sera vælegnað til legur og annað, sigur Vagn Foldbo. Leguhúsið í Nesvík útbyggjast Leguhúsið í Nesvík skal útbyggjast. Til tær stóru legurnar um summarið er húsið í so lítið Landsstevna hjá sjómans­ kvinnuringunum Í vikuskiftinum høvdu sjómanskvinnuringarnir lands­ stevnu í Nesvík. Lansstevnan verðir hildin einaferð um árið. Um 2oo fólk luttøku. Lansnevndin fyri sjómanskvinnuringunum skipaði fyri. Torleif Johannesen, sjómanstrúboðari, sigur, at tey eru sera vælnøgd við tiltakið. Ringa veðrið forðaði teimum í at fara út til tey uttandura tiltøkini, sum vóru á skránni, men fólk hugnaðu sær kortini inni. Leygardagin varð tosað um arbeiðið, har tey lokalu høvdu møguleika at greiða frá sínum arbeiði. HK Hvørki bátar ella húsvognar sluppu avstað aftur av Bátastevnuni í vikuskiftinum Mynd: Birgir Waag Høgnesen Hesar eldru damurnar hugnaðu sær óført á landsstevnuni hjá sjómanskvinnuringunum Norður­ streymoy