fríggjadagur 26. mai 2006síða 6

6 Nr. 100 - 26. mai 2006 Stutt sagt Vesturkirkjan verður sunnudagin kl 16:00 karmur um kamarkórtónleik av allar besta slagi, tá íslendska kórið Vox academia og føroyska Tarira fara at syngja, her er talan um nakað av í besta innan norðurlenskan kórtónleik á somu konsert Kórtónleikur Niels Uni Dam nielsuni@sosialurin.fo Íslendska kamarkórið Vox academica hevur 10 ára starvsdag í ár og hetta verður m.a. hildið við at vitja 22 sangfelagar í Føroyum. Vox academica var av fyrstan tíð mannað við fyrrverandi limum úr Háskólakórinum í Reykja­ vík, men í dag eru limirnir ymsa staðni frá, øll royndir kórsangarar við ávísari tónleikaútbúgving. Aftrat tí íslendska Vox academica syngur eisini tað væl umtókta og altíð frálíka kamarkórið Tarira henda dagin í Vesturkirkjuni. Tarira fer at syngja kendar norðurlendskar sangir, herundir eisini nýggjari føroyskar sangir. Á skránni hjá Vox aca­ demica verða gomul og nýggj íslendsk løg, m.a. verk eftir Leif Þórarinsson, Atla Heimi Sveinsson, Hróðmar Inga Sigurbjörnsson, Jón Leifs, Victor Urbancic og Báru Grímsdóttur. Vox aca­demica verður stjórnað av Hákoni Leifssyni, ið eisini er kórleiðari hjá Háskólakórinum í Reykja­vík og organistur og kórleiðari hjá kirkju­ kórinum í Keflavík. Skráin hjá Vox academica hevur frá fyrstan tíð verið sera fjølbroytt og krevjandi. Kórið hevur sungið fleiri íslendsk nútíðarverk og haraftrat klassisk kórverk bæði íslendsk og útlendsk. Summi av hesum verkum hava verið skrivað serliga til kórið, og á teimum ”Myrku musikkdøgunum”, ið hildnir vóru í febru­ar­ mánaði í ár, fekk kórið ser­liga góð ummæli fyri m..a. tær tríggjar frum­fram­ førslurnar, ið vóru skriv­ aðar serstaklega til Vox aca­demica. Seint í apríl sang kórið Requiem hjá Mozart saman við Jón Leifs Camerata, ið er mannað av tónleikarum úr íslendska symfoniorkestrinum, og eisini hesa ferð var skoðs­ málið sera gott. Vox academica hevur har­aftrat sungið eitt nú Requiem Faurés, Carmina burana hjá Orff og Gloriu hjá Vivaldi, umframt fleiri stór nútíðarverk sum Lin­coln Mass hjá Úlfari Inga Haraldssyni, African Sanctus hjá David Fanshawe og Hjörturinn skiptir um dvalarstað hjá Hróðmari Inga Sigurbjörnssyni, ið kórið sang inn á fløgu í 2003 saman við Sigrúnu Hjálmtýsdóttur (Diddú) operusangara og Rússíbananna. Fløgan varð vald sum umboð í kapp­ingini um ta íslendsku tónleikavirðislønina 2003. Á heysti 2005 kom aftur ein fløga við Vox academica, hesuferð við advents- og jólaløgum. Framførslan í Vestur­kirkj­ uni er kl 16:00. Ókeypis atgongd. Vox academia er eitt íslendskt elitukór Kórkonsert í Vesturkirkjuni við Vox academica og Tarira “Okkum dámar væl at yvirraska fólk”, sigur Jón Tyril, um avgerðina at taka eitt tað størsta danska poppnavnið í løtuni við á skránna fyri G! Festivalin, nú fjøl­ mentaði hip-hop bólkurin Outlandish fer á pallin á Gøtu­sandi Festival summarið Niels Uni Dam nielsuni@sosialurin.fo Tað var ein sera vælnøgdur Jón Tyril, ið vit fingu fatur á í telefonini, nú tað gjørdist greitt, at Outlandish spælir á G! Festivalinum. Hann hev­ur tvær ferðir upplivað Outlandish á konsert, og báðu ferðina hevur honum dámt bólkin sera væl, tí er hann eisini sera fegin at kunna bjóða føroyingum enn eina góða tónleika upp­ living. Hetta, at bólkurin er ein góð tónleikauppliving, er nokk høvuðsorsøkin til, at Outlandish er komin á skránna fyri G!. Dáma at yvirraska Jón sigur somuleiðis, at festi­valurin ofta verður settur í samband við eitt sindur tyngrið tónleik enn hetta, ivaleyst orsaka av tónlistarligu bakgrundini hjá fyriskiparunum, og upp­ runaliga tilknýtið til Grót, ið vanliga skipar fyri smáum rokkkonsertum í Losjuni. Men soleiðis er ikki í veru­leikanum.Fyri­skip­ ar­­arnir vilja fegin broyta hesa ímyndina, greiðir Jón frá “Okkum hevur øll árini dámt, at yvirraska fólk. T.d. vóru nóg yvirraskaði av, at Bumfunk MC’s spældi, og eisini fleiri av at Europe spældi, summi vóru eisini yvirraskaði yvir, at Kashmir spældi - Tí tey tá ikki hildu, at danskir bólkar sluppu at spæla á G!”, sigur Jón. Tað er heldur eingin ivi um, at nógv nú eru tikin av bóli av, at Outlandish er á skránni í ár. Men hetta er ein staðfesting av, at G! Festivalurin hevur einki ímóti popp tónleiki. Sterkar politiskar viðmerkingar Búsitandi í Danmark, men við uppruna í Honduras, Marokko og Pakistan, er Outlandish ein sera fjøl­mentaður bólkur, ið sam­stundis er ein tann størsti danski tónlistarligi út­flutningurin seinnu árini. Men hetta er samstundis ein bólkur, ið veruliga hev­ ur nógv á hjartanum. Tekst­ irnir eru sterkir og finnast hvassliga at órætti. Hetta var so á fløguni Bread And Barrels Of Water, men gjørd­ist uppaftur týðiligari á nýggjastu fløguni Closer Than Veins. Outlandish er ein sterkt politiskur bólkur, ið ikki finnir seg í at fólk vera viðfarin illa. Stutt sagt er hetta tónleikur við meiningum. Nakað, sum Jón Tyril eisini heldur vera sera jaligt, “Tað er altíð stuttligt at uppliva fólk, ið veruliga meina okkurt og brúka tað í sínum tónleiki”, sigur Jón. Størsti danski hip hop bólkur Hóast sjálvur tónleikurin er fangandi poppur, so eru so nógv ymisk rák og íblástur at hoyra í tónleikinum, at tú ongantíð er í iva um, at tú lurtar eftir Outlandish, Hetta er eitt slag av heimstónleiki, blandað við hip hoppi og r’n’b. Bólkurin hevur skapt eitt sterkt og egið ljóð. ið hevur vunnið bólkinum nógv­ ar fjepparir. Við hitfløgum sum Guantanamo, Aicha, Walou, Man binder os på mund og hånd og Look Into My Eyes, hevur Outlandish rakt nógv breiðari á danska marknaðinum, enn nakar ann­ar hip hop bólkur hevur gjørt áður. Røkka út um heimamarknaðin Fløgan ’Bread And Barrels Of Water’ hevur rokkið langt út um danska kongaríkið, og bólkurin hevur selt gylt­ar fløgur í Týsklandi, Eysturríki, Sveis, Svøríki, India, Miðeystri, Hollandi og Spania, og hevur verið nógv at hoyrt í MTV. Stak­ fløgan Aicha er seld í fleiri enn 400.000 eintøkum, með­ an Guantanao og Walou somuleiðis seldu sera væl kring heimin. Bread And Barrels Of Water varð seld í 250.000 eintøkum. Eisini hava løg verið á savnsfløgum, ið eru seldar í fleiri enn 7 milliónum eintøkum. Stóra fløgusølan og áhug­ in fyri bólkinum hevur eis­ ini verið við til at tryggja bólkinum heiðurslønir á bæði Nordic og Danish Music Awards, millum ann­ að besti bólkur úr norður­ londum í 2004. Heilt live Outlandish eru á løtuni á konsertferð kring Danmark. Bólkurin hevur á ferðini Århu­s bólkin Gypsies við sum konsert tónleikarar. Á hesi konsertferðini hevur Outlandish lagt dent á at spæla heilt live, her eru eingi samples ella forritaði pettir, men livandi tónleikarar, ið spæla livandi tónleik. Outlandish er góðsku popp­ur og teirra luttøka á G! átti tí ikki at tikið nakran av bóli. Tí høg góðska er nakað sum G! Festivalurin ferð eftir ferð hevur lagt dent á, er grunnleggjandi egin­leikin, ið teir bólkar, ið festivalurin bjóðar fram, skulu hava. Outlandish eru eitt tað størsta danska poppnavnið í løtuni Outlandish á G!: Politiskur poppur í heimflokki