fríggjadagur 26. mai 2006síða 15

Vinnur HB dystin móti EB/Streymi, er sigursvanda felagið aftur á ovastu rók Fótbóltur Jákup Mørk jakup@sosialurin.fo Talan var kanska um eina heldur trilvandi byrjan, tá HB fór ígongd við kapp­ ingarárið. Teir tríggir fyrstu dystirnir kastaðu bara trý stig av sær, men síðani hev­ur bara gingið ein veg – frameftir. Liðið hevur ikki tapt sein­­astu seks ferðirnar, og á Toftum fyri viku síð­ani kom ársins fyrsti úti­sigur so eisini til høldar. Sam­ anlagt hava úrslitini ført HB somikið langt upp, at teir nú bert eru trý stig frá oddinum. Og við góða málmuninum í huga kann sjálvur oddasessurin tí tak­ ast, nú EB/Streymur kemur á vitjan. Hagtølini skiftu Fram til næsta umfarið í vár, so skuldi ein heimadystur móti EB/Streymi ikki verið nakað at óttast hjá HB. Hagtølini staðfestu nevnliga, at EB/Streymur ikki so mikið sum hevði skorað í Gundadali móti teimum reyð/svørtu, men hetta varð broytt við 3-2 sigrinum. Í HB eru vónirnar kortini góðar, og teir hava eisini alt fólkið tókt til oddabrakið. Seinastu umførini hevur Krzystof Popczynski enn­tá rokerað eitt sindur við spælarum, soleiðis at møðin ikki skal gera seg galdandi ov tíðliga. Tað merkti millum annað, at Jákup á Borg ikki var vøllinum seinast, men lítið er at ivast í, hann verður millum teir fyrstu ellivu, sum HB-venjarin sendir á vøllin hesaferð. Hjá EB/Streymi er púra vist, at Leif Niclasen ikki verður við. Hann fekk stað­fest beinbrot fyri viku síðani, og tó at ivamál nú er um, hvørt hetta kortini er heilt so álvarsamt, so er neyvan hugsingur hjá honum at spæla hesaferð. Hartil hevur Ronnie Samuel­sen ligið sjúkur við onkrum seiglivaðum virus, men vónin er í øllum førum, at hann verður tøkur sunnudagin. Talan verður um sannan toppdyst, nú nummar eitt kemur á vitjan hjá nummar tvey í Gundadali B36 er framvegis illa skert, og hjá KÍ er spurningurin, hvør nú skal fáa møguleikan í fremsta plássinum KÍ-B36 Jóannes Hansen joannes@sosialurin.fo Felags fyri KÍ og B36, sum skulu standa fyri fót­ bóltsundirhaldinum á Norð­ oyastevnu, er, at tað hevur gingið illa at fingið fulla úrtøku. Serliga á heimavølli, har KÍ hevur vunnið ein av fýra, og B36 hevur vunnið ein av fimm dystum. Hesa ferð er B36 fyri fjórðu ferð á útivølli. Higartil hava teir fingið fult tríggjar ferðir og bara tapt eina ferð – 2-0 í Gundadali móti HB! Lagið er gott í báð­um leg­ unum. Eftir kleyvarskapin í fjør, tá ið bæði KÍ og B36 vórðu varpað úr steypa­ kappingini, eydnaðist tað báðum liðunum hósdagin at spæla seg í hálvfinaluna. Kanska fer meiri at kennast til steypastríðið í gjár hjá KÍ spælarunum, enn tað fer at gera hjá B36 monnunum. B36 nýtti hálvan annan tíma at kvalifisera seg til hálvfinaluna, meðan KÍ nýtti tveir tímar til sína kvali­fikatión. Stóri spurningurin í Klaksvík er, hvør skal verða fremsti álopsspæl­ arin. Sinisa Jovanovic hevur vikarierað, meðan Paul Clapson hevur ver­ið leikbannaður og menisk­ skaddur. Eftir reyða kort­ið hósdagin er Sinisa Jovano­ vic leikbannaður móti B36. Paul Clapson hevur ikki vant síðani hann fyri viku síðani varð skurðviðgjørdur í knænum. Ætlanin var, at danski Christian Lundberg skuldi hjálpa til í KÍ álopinum á Norðoyastevnu. Hann kem­ ur tó ikki fyrrenn hósdagin í fyrstu viku. Møguleikar í fremstu røð eru Hjalgrím Elttør, Steffan Kalsø og Kristoffur Jakobsen, sum gjørdi góða reklamu fyri sær sjálvum, tá ið hann hós­ dagin skoraði tvær ferðir móti GÍ. Hóast teir í B36 spæla uttan fleiri av teimum, sum hava verið roknaðir at vera lyklaspælarar, so hilnast tað væl. Á Svangaskarði megnaði B36 at vinna 1- 0. Jákup Mikkelsen var leikbannaður, og landsliðs­ spælararnir Ingi Højsted, Fróði Benjaminsen og Berg­ ur Midjord vóru ikki við, tí teir eru skaddir. Jákup verður leikbann­að­ ur móti barndómsfelagnum í morgin, og eingin av oman­fyri nevndu skaddu spælarunum verður tøkur. Hartil er Mikkjal Thoma­ sen eisini leikbannaður. Hann hevur fingið fimm gul kort. Leikbannini og skaðarnir bera við sær, at ungir spæl­ arar hava fingið møgu­leikan, og teir hava tikið av. Eitt nú Jóhan V. Gunnarsson og Jóhan Ellingsgaard. Magn­ us Poulsen er leigaður úr B36 og út á Argir. Treytin er, at hann skal koma í B36 málið at standa, um B36 ikki hevur annan málverja. Magnus vardi B36 mál­ið á Toftum, og hann verð­ur aftur í málinum á Norð­ oyastevnu. Norðoyastevnuuppgerðin millum klaksvíkingar og havnarmenn verður klokkan 18.30 leygarkvøldið. So er bert eftir at vóna, at Havn­ arbáturin og Klaksvíkingur hava róð, áðrenn fyrsta bríkslið í fótbóltinum verð­ ur. HB kann taka oddasessin Jákup heldur frí í Klaksvík Nr. 100 • fríggjadagur • 26. mai 2006 • 80. árgangur • www.sosialurin.fo Súni skoraði aftur Súni Olsen hevur rætti­ liga gjørt um seg á AaB-liðnum, sum stend­ ur seg so væl í Viasat steypa­kappingini. Sunnu­ dagin spældi AaB fyrru fjórðingsfinaluna ímóti AGF, og AaB vann heili 3-0. Súni Olsen spældi allan dystin á mið­vøllinum hjá AaB, og tað var eisini hann, sum setti gongd á mál­ skjótingina. Mið­skeiðis í fyrra hálvleiki fekk AaB brotsspark, og tað setti Súni Olsen trygt í málið. Í seinna hálvleiki økti AaB tvær ferðir. Við hesum greiða sigri hevur AaB mest sum spælt seg í hálvfinaluna í Viasat Cup, har vinnandi felagið fær tríggjar milliónir krón­ur. -ek Barcelona gremur seg um ensk feløg Spanska felagið FC Barcelona heldur lítið um framferðarháttin hjá enskum stórfeløgum, sum leita eftir ungum spæl­arum í felagnum. – Vit hava lagt 50 milli­ónir krónur í okk­ara ungdómsdeild, men vit hava ein stóran trupul­ leika av enskum feløg­ um, sum jagstra okkara ungu spælarar og lokka teir við risastórum pen­ inga­upphæddum, sigur Joan Laporta, forseti í Barcelona. Eitt dømi um ein ung­ an spælara, sum varð lokk­aður burtur frá Barce­ lona á ungum aldri, er Francesc Fabregas, sum spælir fyri Arsenal. -ek Katrin rør í World Cup Føroyski kapprógvarin í Danmark Katrin Olsen er í hesum døgum við í World Cup kapping, sum verður hildin í Munchen í Týsklandi. Tær fýra kvinnurnar, sum van­ liga manna danska lætt­ vektsfýraran, rógva í tveim­um bátum til kapp­ ingina. Katrin Olsen rør saman við Kiristen Kirk Jepsen, og tær fáa harða mótstøðu, tí sera sterkir rógvarar eru við í kappingini. Kappingin í Týsklandi byrjaði í gjár, og hon heldur fram í dag og í morgin. -ek Stutt sagt