fríggjadagur 26. mai 2006síða 19

Nr. 100 - 26. mai 2006 21 Petur Skeel Jacobsen um vikuskiftisveðrið: Gott norðoyastevnuveður Vikuskiftið byrjar við regni, men endar við sól. Soleiðis kann ein taka samanum vikuskiftisveðrið. Veður Inna Tørnroos inna@sosialurin.fo Petur Skeel Jacobsen, veðurfrøðingur sigur, at við kunnu vænta okkum eitt sindur av regni í nátt og ímorgin ári, men at tað síðani slítur í og verður turt restina av vikuskiftinum. – Sólin fer nokk eisini at síggja, og tað verður eitt sindur lýggjari, um 12-13 stig, sigur Petur. Sunnudagurin verður turt. – Hann er eystan í ættini, so tað burdi verði gott í Klaksvík. Kunnu vit vænta meiri kava? – Tað veit man ongantíð, um hann verður høgur í ættini aftur. Tað er ikki óvanligt, at fjøllini eru hvít allan juni, sigur Petur Skeel Jacobsen at enda. Nr. 100 • fríggjadagur • 26. mai 2006 • 80. árgangur • www.sosialurin.fo Í einum túni í Sørvági stendur ein partur av gomlu Norrønu. Tað er ein reyður bjargingarbátur, sum nú verður gjørdur um til fiskibát Gamla Norrøna Orð & mynd: Inna Tørnroos inna@sosialurin.fo Bjargingarbáturin er bygdur í 1973 og varð vrakaður áðrenn gamla Norrøna varð seld av landinum. Sum bjargingarbátur tók hann heili 37 fólk. Jan Jacobsen keypti bátin í november 2005 og hevur síðani tá arbeitt við at gera bátin um til fiskifar. – Eg havi keypt mær ein gamlan føroyskan bát, sum eg taki motor, pumpu, róður og annað úr og seti inn í hendan bátin, sigur Jan. Hann er sjómaður og arbeiðir sum stýrimaður í reiðarínum ESvagt. Tað inniber, at hann er burtur ein mánað og heima ein mánað. Mánaðin hann er heima brúkar hann nógva tíð upp á bátin. – Hetta er eitt útmerkað frítíðarítriv hjá einum sjómanni, sigur Jan. Inni í garaguni hevur hann teknað eina mynd av, hvussu báturin skal síggja út, tá hann verður liðugur. – Eg ætli mær at behalda uppruna litin, sum er reyður, sigur hann. Á síðuni á bátinum stendur tað við svørtum litum »Norrøna, Tórshavn«, hetta verður skift út við »Elsa«, tá báturin er liðugur. Tað er navnið á yngstu dóttur Jan. Hann hevur júst nú fingið húsið upp á bátin og vónar at fáa hann á sjógv næsta ár. – Eg fari nokk at brúka hann mest sum fiskibát og til stimitúrar út eftir Sørvágsfirði, sigur hann at enda. Gamla Norrøna er enn í Føroyum Bjargingarbáturin frá gomlu Norrønu verður nú bygdur um til fiskibát. Soleiðis fer báturin at síggja út tá hann er liðugur. Jan Jacobsen hevur tað sum frítíðarítriv at byggja bjargingarbátin um til fiskifar