mánadagur 29. mai 2006síða 9

Nr. 101 - 29. mai 2006  Herviligi jarðskjálvtin á oynni Java í Indo­­­nesien hevur higar­­til kravt eini 5000 manna­lív. – Føroyska deildin av Reyða Krossi sendir nú hjálp til neyðhjálpararbeiðið á oynni, upplýsir formaðurin, Suni Vinther Neyðhjálp Snorri Brend Indonesien: Omanfyri 200.000 fólk í Indonesien, harav fleiri teirra eru børn, standa í løtuni heimleys og við eini ótryggari framtíð. Jarðskjálvtin um viku­ skiftið tók við sær tað tey áttu, bæði familju og heim, – snøgt sagt alt. Eftir standa hesi fólkini einsamøll, svong og illa fyri. Mong menniskju liggja eisini særd úti, og inni á sjúkrahúsunum gera starvs­ fólkini alt fyri at veita fólki ta mest neyðturviligu hjálp­ ina. Tey vita, at pláss er ikki fyri øllum sjúklingum inni á sjúkrahúsunum á oynni. – Líka so skjótt tey koma inn, fáa tey viðgerð og verða síðani løgd útum aftur. Tað er sjálvandi ikki forsvarligt, sigur Peder Damm, sum er leiðari fyri hjálpararbeiðið hjá Reyða Krossi í Indonesien. Í arbeiði sínum eru Peder Damm og hansara fólk eis­ ini komin til landsbýir, har alt er javnað við jørðina. Fólkini sita snøgt sagt uttan fyri og hava savnað saman allar ognir sínar. – Støðan hjá teimum heim­ leysu gerst ikki betri av at tað regnar í økinum, sigur danski umboðsmaðurin. Hesi tíðindini eru eisini komin til Reyða Kross í Føroyum. Og á fundi í gjár varð avgjørt, at lata 50.000 kr. til neyðhjálpararbeiðið á oynni Java. Tjald og peningur Tað er tí ikki bert før­ oyska deildin av Reyða Krossi sum er virkin í hjál­ par­arbeiðinum eftir jarð­ skjálvtan – og annars fylgir við gongdini, nú vandi somu­leiðis er fyri at eitt eldgos fer at goysa. Danski Reyði Krossur hevði í hesum sambandi sett 300.000 kr. av um okk­ urt álvarsligt skuldi hent í samband við eldgosið. Nú hevur ein so ístaðin avgjørt at brúka hesar pengarnar til hjálpararbeiðið eftir jarð­ skjálvtan. Norski Reyði Krossur hevur havt eitt feltsjúkrahus liggjandi í høvuðsstaðnum síðan tsunami-flóðalduna. Henda útgerð verður nú útpakkað og latin indo­ nes­isku deildini av Reyða Krossi. Um­framt hetta ætla norð­menn at senda seks fólk yvir at hjálpa til við arbeið­ inum í feltssjúkrahúsinum. Hóast Reyði Krossur í Føroyum hevur latið hesar 50.000 kr. til Indonesien, so ber framvegis til hjá fólki at stuðla arbeiðinum. Hetta kann gerast við stuðli umvegis onkran av pen­ingastovnunum, ella við at ringja 905656, tá legg­ ur Føroya Tele 100 krónur omaná tygara telefon­rokn­ ing og flytur peningin til Reyða Kross Føroya. Mikukvøldið verður ein forvitnislig konsert í Kelduni í Skálafirði, tá Rebecca St. James vitjar her á fyrsta sinni. Og tað er nakað hon sær fram til. Konsert Snorri Brend Keldan, Skálafjørður: Í kvøld hevur kenda song­ kvinnan konsert í ungarska høvuðsstaðnum Budapest. Síðani verður leið­in løgd móti samkomu­bygn­ing­ inum hjá Kelduni í Skála­ firði, her konsert verður mikukvøldið kl. 20. Henda konsertin er partur av eini Europa-turne, har hon altso hevur lagt leiðina til Føroyar eisini. Fyri hana verður hetta ein serstøk uppliving, tí tað er ikki á hvørjum degi at hon leggur leiðina til slík fjarlagin støð sum okkara. Henni dámar hinvegin væl at hava konsertir á støðum, har stórar konsertir vanliga ikki verða fyriskipaðar. Mongu útlendsku við­ haldsfólk hennara vita helst ikki hvar Føroyar liggja. Tí hevur hon gjørt ein link á heimasíðu sínari til eina føroyska heimasíðu, har fólk kann fáa alt at vita um vakra land okkara. Henda vakurleikan fer Rebecca helst eisini at uppliva, tá hon kemur higar í morgin. Í kvøld verður møguleiki at lurta eftir eini samrøðu við Rebeccu á Rás2. Kl. 22 fer Heini Lützen nevniliga at skifta orð við hana í andaligu tónleikasending síni við heitinum“Halleluja”. Havn: Tórshavnar komm­ una hevur fingið 12 mió kr í stuðli til bygging av einum ellisheimi uppí Tjarna­garð. Hetta heim er undir bygg­ing, og skal hava 24 búpláss. Kostnaðurin er mettur til 29 mió kr. Samstundis er greitt, at kommunan eisini fær 12 mió krónur til 24 pláss á einum ellis- og røktarheimi, sum skal byggjast undir Boðaneshamri. Nú verður farið undir fyrireikingarnar til hetta heim, sum hevur bíðað eftir játtan frá land­ inum. – Við hesum báðum játt­an­um fær Tórshavnar kommuna 48 búpláss aftrat á ellis- og røktarheimum, upplýsir Jógvan Arge, for­ maður í byggi- og býar­ skipanarnevndini. Men sum hann tekur til: – Hetta hjálpir væl, men nøktar neyvan allan tørvin! sb. 24 mió til ellisheim Nýtt reinsiverk í komandi mánaði Sørvágur: Umsíðir er líkt til at íbúgvararnir í Sørvági kunnu verða vísir í, at vatnið teir drekka er fullkomuliga reint. Í farnu viku fóru menn nevniliga undir at seta upp tað nýggja reinsi­verk­ ið, sum skal tryggja bygd­ arfólkinum reint vatn. Arbeiðið, sum menn frá Nomatek og Hanna Olsen gera, fer at taka einar tvær vikur aftrat. sb. Betri tænastu til tele-kundarnar Skopun: Í farnu lat upp nýggj handilshøll, nevnd Lonin í Skopun. Umframt matvøruhandil og salong er eisini ein telebúð í høllini. Tað er Føroya Tele, sum við hesum stiginum ynskir at koma nærri kundunum. Soleiðis kunnu teir vísa fram eitt breitt úrval av øllum tí, sum hevur við telefonir at gera og samstundis veita nýggjum og gomlum kundum eina betri tænastu. Her verður m.a. hugsað um tey rørslutarnaðu og fólk við barnavognum, sum her hava góðar møgu­ leik­ar fyri at vitja høllina. Nevnast kann eisini, at nýggja telebúðin hevur víðk­að munandi um upp­ latingartíðirnar. Nú kunnu fólk fara til handils hvønn dag millum kl. 10 og 17. sb. Stutt sagt Reyði Krossur: 50.000 kr. úr Føroyum til Java Neyðin er stór á Java, og fólk í neyðhjálparørindum gera eitt stórt arbeiði. Her eru tey við eitt av teimum raktu fólkunum Mynd: Reuters Rebecca: – Spennandi at vitja Føroyar Rebecca St. James ferðast í hesum døgum kring Europa á konsertferð. Mikukvøldið fer hon á pall í Skálafirði Sørvingar fáa nú reint drekkivatn Skopuningar hava nú fingið eina nýggja handilshøll og eina nýggja telebúð á sama staði