fríggjadagur 2. juni 2006síða 9

Nr. 105 - 2. juni 2006 9 Drelnes, sum er fyrrverandi Jónrit, hevur garnaloyvið hjá Ólavi Hvíta, sum Niels Jakku Nielsen á Strondum keypti til endamálið. Upprunaliga er hetta ísfiskatrolarin, Akraborg, sum áður hevur havt heimstað í Vági, Sørvági og Leirvík Hátíðarhald Orð: Vilmund Jacobsen Myndin: Leivur Nygaard vilmund@sosialurin.fo Týsdagin um 17-tíðina legði garnaskipið, Drelnes, sum Gudmund Mortensen hevur keypt av Strondum, til bryggju á Tvøroyri. Væl av fólki var saman­ komið til móttøkuna, sum varð hildin í fagrasta veðri – við hornatónleiki og røðu. Tá ið tann formelli part­ urin av móttøkuni var av, bjóðaði reiðarin øllum um­borð at síggja skipið. Blíð­skapurin var stórur, bæði við góðgæti og onkr­ um leskandi til stór og smá. Drelnes er fyrrverandi Jón­ rit, sum Niels Jakku Nielsen á Strondum seinastu árini hevur átt. Strandingurin hevur áður átti eina aðra Jónrit, sum var ein so­nevndur skittfiskabátur. Hesi skip endaðu sínar dagar í Norðsjónum, tá ið tey ikki longur sluppu at fiska í føroyskum sjógvi. Drelnes – ella Jónrit – er fyrrverandi trolarin Akra­ borg, sum Niels Jakku læt umbyggja til garnaskip. Upprunaliga er hetta ís­fiska­ trolarin, Akraborg, sum áður hevur havt heimstað í Vági, Sørvági og Leirvík. Góð apetering At síggja til uttan, krevur skipið eina hond, men øll apeteringin er í góðum standi og er sera snotulig. Drelnes hevur loyvi at fiska svartkalva og hav­ tasku. Skipið hevur veiði­ loyvið hjá Ólavi Hvíta, sum Niels Jakku keypti til endamálið. Gudmund Mortensen og hansara menn eiga nú tvey garnaskip, Nim og Drelnes, umframt djúp­ vatns­trolararnar, Rankan og Rasmus Effersøe, sum er fyrr­verandi Snoddið, ið tofta­menn á sinni lótu byggja. Einir 10-11 mans verða við Drelnesi, og sum skilst, fylgja nakrir av gomlu mann­ingini við skipinum, sum nú hevur heimstað á Tvøroyri. Ringvirkningar Kristin Michelsen, borg­ar­ stjóri á Tvøroyri, sum helt røðu við hátíðarløtuna, fegn­ ast um, at Suðuroyggin nú eigur eitt skip og veiðiloyvi aftrat. – Eitt slíkt arbeiðspláss hevur stóran týdning fyri bygdina og fyri oynna sum heild, tí ringvirkningarnir eru so nógvir – og nógv fleiri, enn vit hugsa um, sigur hann. Hann vísir á, at Tvøroyri hevur hildið rímiliga fast um skipini, sum hann tekur til. – Í apríl kom línuskipið, Hoyvíkingur, sum júst er settur í stand og nú­tím­ ansgjørdur, til bygdina. Hoy­ víkingur hevur leingi havt nært tilknýti til bygdina gjøgnum Delta-menninar, men nú er skipið so eisini heimahoyrandi her suðuri við Marneri Lisberg sum reiðara, sigur Kristin. Kristin Michelsen sigur, at Hoyvíkingur hevur verið heimahoyrandi á Sandi, men er í dag einasti línubátur av hesi støddini, sum hevur heimstað í Suðuroy. Drelnes er nýtt garnaskip í Suðuroy Smíðiár: 1961 Smíðistaður: Brattvåg, Noreg Umbyggingar: Skála (1969) Longdur: Skagen (1982) Tilfar: Stál BRT: 304,6 NRT: 103,55 Deyðvekt: 100 tons Maskina: Alpha Diesel 700 hk FAKTA UM DRELNES Hátíðarhald Vilmund Jacobsen vilmund@sosialurin.fo Í røðu síni á bryggjuni á Tvøroyri, vísti borgarstjórin, Kristin Michelsen á, at tað í ár eru liðin 148 ár, síðan stóri slóðbrótarin í føroyskum vinnulívi, Jóhan Mortensen, byrjaði sítt handilsvirki á Tvøroyri. – Hesin víðskygdi maður var langt frammanfyri sína tíð. Hann byrjaði bæði innanoyggja-og uttan­ landssigling. Á henda hátt gjørdi hann Tvøroyri til sjálvan krumptappin í vinnulívinum her á landi. Hann segði, at sum borg­ arstjóri í Tvøroyrar komm­ unu er tað honum ein heiður at ynskja oldurabbasoninum hjá Jóhan, Gudmundi Mort­ ensen, hjartaliga tillukku við enn einum fiskifari. – Gamalt er, at tað eru sjey góð ár og sjey rak ár. Tað er ein eydna fyri okkara bý, at tú hevur áræði og dirvi at bróta upp armar og leggja til brots – til frama fyri land og fólk. Kristin vísti á, at Gud­ mund hevur hetta dirvi og áræði – eisini í tíðum sum hesum, nú fiskivinnan liggur í tungum sjógvi, eina mest av methøgum olju­ prísum. – Vit, sum búgva í syðsta enda av landinum, mugu síggja í eyguni, at vit eru – og koma í mong ár aftrat koma at vera – ein útjaðari í Føroyum. Somuleiðis mugu vit síggja í eyguni, at tað verður fiskivinnan, sum kemur at vera okkara høvuðsvinna. Borgarstjórin segði, at navnið, Drelnes, er gamalt navn í fedranna reiðaríi, sum hann tók til. – Tvøroyrar býráð ynsk­ir skip, manning og reiða­ríi góðan byr og Guðs sign­ ing. Í røðu síni bað Kristin eisini umbering fyri, at eing­ in úr býráðnum møtti, tá ið Hoyvíkingur kom inneftir Trongisvágsfirði við TB á bógnum. – Tí vil eg eisini nýta høvi at ynskja hesum fari, manning og reiðaríi góða byr og Guðs signing. Áðrenn hann endaði við at lesa upp eitt sálmaørindi eftir Gudmundi Bruun, ynskti hann øllum, sum varða av vinnulívinum í Tvør­oyrar kommunu, eina bjarta framtíð. – Ofta skulu tung tøk takast, og tá krevst áræði og dirvi. Eg havi ta álit á vinnulívsfólkunum her á staðnum, at tit megna at taka hesi tøk, segði Kristin Michelsen, borgarstjóri. Borgarstjórin í Tvøroyrar kommunu, Kristin Michelsen, ynskti Drelnesi og Hoyvíkingi vælkomnum til bygdar Mynd: Leivur Nygaard Væl av fólki var samankomið á bryggjuni á Tvøroyri til hátíðarløtuna, tá ið garnaskipið, Drelnes – fyrrverandi Jónrit – legði til bryggju í góðveðrinum seinnapartin týsdagin Drelnes er fyrrverandi garnaskipið Jónrit, sum aftur er fyrrverandi ísfiskatrolarin, Akraborg Gudmund Mortensen, reiðari, beyð øllum umborð at síggja Drelnes, sum hevur eina snotuliga apetering. Seinni verður skrokkurin sandblástur og málaður Kristin ynskti vinnulívinum bjarta framtíð