fríggjadagur 2. juni 2006síða 18

18 [ Nr. 105 - 2. juni 2006 ] At tað ber til at venda soltnu gongdini higartil hjá B68 uttan stórvegis útskiftingar, er gongdin hjá GÍ higartil í ár gott dømi um B68-GÍ Jóannes Hansen Tað stendur einki til á Svangaskarði. Úrtøk­an burtur úr fyrsta trið­ing­ inum av kappingini var fimm stig. Eitt av teimum varð vunnið, tá ið GÍ í 2. umfari vitjaði, og úrslitið gjørdist 1-1. Um B68 úr­tøkan í tveimum teimum síðstu triðingunum ikki verður betri, enn hon var í fyrsta triðinginum, og um sammett verður við gongdina í bestu deildini í fjør, so er eingin ivi um, at B68 fer at flyta niður. Á Toftum siga teir seg ikki hava mist mótið. Teir halda, at hugburðurin og av­rikini hava verið á rætt­ ari leið seinastu ferðirnar, hóast talan hevur verið um tepur tap á heimavølli móti HB og á Skála. B68 saknar fleiri spæl­ arar hesa ferð. Arnbjørn Danielsen, Alex Troleis og Magnus Jakobsen eru skaddir, Øssur Hansen verður burturstaddur inn­ til fyrst í næstu viku, og Ralph van Dooren er leik­ bannaður. Gestirnir á Svangaskarði 2. hvítusunnudag, GÍ, eru gott dømi um, at tað ber til at venda gongdini, hóast talan ikki er um stórar útskiftingar. Í fjør hekk GÍ í vatnskorpuni. Í ár eru teir við umleið sama fólkinum við í FM kappingini. Orkan er størri, og hugburðurin er betri. GÍ hevur fingið stig seks tær seinastu ferðirnar. B68 hevur einki stig fingið seks tær seinastu ferðirnar. Hjá GÍ er Símun Louis Jacobsen leikbannaður, og Hans Pauli Petersen og Poul Ennigarð eru framvegis langtíðarskaddir. Í lands­ kappingardystinum móti VB/Sumba sunnudagin vóru fleiri skiftingar gjørd­ ar, um sammett verður við fjórðingsfinaluna móti KÍ hósdagin í síðstu viku. Tað ber boð um, at kappingin er stór um plássini. Formula-deildin v t d v - j - t mál mál +/- stig 1 EB/S 10 6 - 3 - 1 21 11 10 21 2 GÍ 10 5 - 4 - 1 17 9 8 19 3 B36 10 5 - 4 - 1 13 9 4 19 4 HB 10 5 - 3 - 2 26 14 12 18 5 NSÍ 10 5 - 3 - 2 21 12 9 18 6 KÍ 10 4 - 5 - 1 18 10 8 17 7 Skála 10 2 - 2 - 6 12 13 -1 8 8 ÍF 10 2 - 0 - 8 12 28 -16 6 9 VB/S 10 2 - 0 - 8 9 32 -23 6 10 B68 10 1 - 2 - 7 8 19 -11 5 1. deild menn v t d v - j - t mál mál +/- stig 1 B71 10 8 - 1 - 1 52 11 41 25 2 LÍF 10 7 - 3 - 0 27 9 18 24 3 AB 10 7 - 1 - 2 26 11 15 22 4 FSV04 10 6 - 1 - 3 21 10 11 19 5 TB 10 5 - 2 - 3 18 18 0 17 6 HB 10 4 - 2 - 4 34 21 13 14 7 SÍ 10 4 - 1 - 5 25 28 -3 13 8 KÍ 10 2 - 1 - 7 17 38 -21 7 9 VB/S 10 1 - 0 - 9 7 49 -42 3 10 Royn 10 0 - 0 - 10 5 37 -32 0 Eftir at hava spælt javnt á útivølli móti HB, skal EB/Streymur hesa ferð spæla heimadyst móti B36, ið eisini jagstrar oddasessin Fótbóltur Jákup Mørk jakup@sosialurin.fo Tað er um tað mundið, at fólk av Eiði og har um leiðir verða forvand við odda­dystir. EB/Streymur hevur fyrsta triðingin av kappingarárinum hildið seg frammi á oddasessinum, og mánadagin verður enn ein av stóru royndunum í so máta. Hesa ferð er tað B36, sum kemur á vitjan, og tað kann væl gerast ein uppgerð, ið verður eins trupul, sum hon ið liðið spældi seinasta vikuskifti móti HB. Ikki minst eftir góða úrslitið hjá B36 í Klaksvík. Eru væl fyri Hjá heimaliðnum eru mest sum allir mans tøkir. Tað er tó ivasamt, um evnaríki Arnbjørn Hansen er tøkur. Eftir at hann seinasta sunnu­ dag skeyt annað av málum hjá EB/Streymi móti HB noyddist hann av vøllinum við skaða í lærkrikanum, og hesin skaðin hevur enn hug at arga nakað. Hartil er Leif Niclasen enn ikki komin fyri seg. Hinvegin styrkir tað um liðið, at Ronnie Samuelsen nú er um at koma heilt fyri seg aftur. Eftir at hava ligið í songini í góða viku, kom víkarmaðurin á vøllin og gjørdist málskjútti móti HB, og einki er at ivast í, at hann er tendraður, nú fyrrverandi liðfelagarnir úr B36 standa sum mótstøðulið. Fara eftir øllum Hjá B36 tykist hópurin eisini at vera so hampuliga væl fyri. Hóast liðið enn má vera Fróða Benjaminsen, Inga Højsted og Berg Mid­ jord fyriuttan, so er tað eitt stórt pluss, at Jákup Mikkelsen og Mikkjal Thomas­sen nú aftur eru tøkir eftir leikbann. – Vit fara so til Eiðis eftir øllum trimum stigunum. Sigurin í Klaksvík gav eitt stórt skump rætta vegin. Hóast okkum restaðu fýra landsliðsspælarar og Mikkj­ al Thomassen, so megnaðu vit at koppa KÍ-liðnum, og tað sigur avgjørt nakað um breiddina í hópinum, sigur B36-liðskiparin, Klæmint Matras undan dystinum. Klæmint sjálvur hevur annars spælt á miðvøllinum seinastu dystirnar, nú so nógv frávera hevur verið, og tað er ikki óhugsandi, at hann eisini fer at røkja hetta plássið á Eiði. ÍF fær góðan styrk, og á Skála hava teir fingið blóð aftur á tonna eftir tveir sigrar, og nú tykist tað manningarliga at síggja betri út ÍF-SKÁLA Jóannes Hansen joannes@sosialurin.fo Báðir partar halda seg vera væl fyri undan oyggja­ uppgerðini í Fuglafirði, sum sambært skipanini ikki verður á skránni fyrrenn týskvøldið. Bæði í Fuglafirði og á Skála stendur tað frískt í huganum, at ÍF næstsíðsta týskvøld vann 2-1 á Skála. Síðani tá hevur Skála vunnið fjórðingsfinalu móti NSÍ og í landskappingini móti B68. Tað hevur givið teimum mót um, at tað fer at bera til, hóast tað higartil hevur kenst tungt. Í Fuglafirði er ein nýggjur maður í hópinum hesa ferð. Tað er 20 ára gamli Hjalmar Dalbúð, sum í vikuni hevur vant við ÍF. Hann hevur higartil spælt í Runavík, har hann ikki hevur fingið møguleikan á besta liðnum. Nú roynir hann eydnuna í barndómsfelagnum hjá pápanum, Meinhardti Dal­ búð, sum var ein av berandi ÍF spælarunum í mong ár. Harafturat verður nýggjur maður í ÍF málinum móti Skála. Tað er ungverjin Andras Gango, sum móti Skála fer at loysa Karstin Joensen av. Karstin hevur fyri langari tíð síðani boðað frá, at hann hevur ikki stundir at spæla. Úr Fuglafirði frættist, at teir arbeiða við at fáa útlendskan styrk til bæði verjuna og álopið, men enn er ov tíðliga at siga nakað meiri um hetta. Sunnudagin noyddust tríggir skálamenn av vøllin­ um, tá ið B68 vitjaði á Skála. Vlada Filipovic er tøkur aftur, eftir at hann beklaði sunnudagin. Arnholdt Berg fór av vøllinum orsaka av vøddaskaða. Hann hevur vant eitt sindur, og tað hevur Pauli G. Hansen eisini, eftir at hann sunnudagin varð útskiftur orsaka av sparki í tjúkkan. Tað verður roknað við og vónað, at teir báðir verða við týskvøldið. Hjalmar Dalbúð er komin úr NSÍ og til ÍF. Ein liðfelagi hansara, Jóhan Troest Davidsen, er farin úr NSÍ og yvir á Skála. Týskvøldið verða teir báðir mótstøðumenn, um Jóhan verður komin fyri seg, eftir at hann seinnapartin av vikuni hevur verið sjúkur. Á Skála verður roknað við, at Jóhan verður tøkur týsdagin. Tað er eisini møguleiki fyri, at Alexandur Johansen verður á dómaraseðlinum. Eftir lang­an skaðasteðg hevur hann vant eitt sindur í hesi vikuni. venur spakuliga týs­ dagin. B68 kann læra av gøtumonnum Dalbúð aftur í Fuglafirði EB/Streymur aftur í oddabrak Formula-deildin Dagur Dystur Dómari 05.06 HB-NSÍ Petur Reinert 05.06 EB/S-B36 Páll Augustinussen 05.06 VB/S-KÍ Georg N. Rasmussen 05.06 B68-GÍ Lassin Isaksen 05.06 ÍF-Skála Jens Petur Brattalíð 1. deild 03.06 TB-B71 Ransin N. Djurhuus 03.06 HB-LÍF Rúni Gaardbo 03.06 AB-VB/S Jónleif Frederiksen 03.06 FSV04-Royn Dan Højgaard 03.06 SÍ-KÍ Lars Müller 2. deild 05.06 ÍF-MB Eugen Voda 05.06 NSÍ-B68 Anton Skoradal 05.06 KÍ-GÍ Edvard Højgaard 05.06 Skála-B36 Bárður Mortensen 05.06 EB/S-Fram Andrass Weihe 1. deild kvinnur 05.06 B36-EB/S Ørvur á Lag 05.06 AB-HB Magnus í Króki 05.06 KÍ-NSÍ Johnleif Gerðisá 05.06 GÍ-SÍ Jóhan B. D. Olsen