mikudagur 7. juni 2006síða 6

6 Nr. 107 - 7. juni 2006 Nevndin viðvíkjandi øktum kvinnuleikluti í politikki hevur skipað seg Politikkur Rúna Sivertsen runa@kallnet.fo Eyðgunn Samuelsen í Klaksvík er vald til formann í nevndini, sum skal virka fyri, at fleiri kvinnur verða við, har politisku avgerðirnar verða tiknar. Næstformaður er Annleyg Lamhauge í Tórshavn. Eyðgunn umboðar Javn­ aðarflokkin í nevdini og hevur drúgvar royndir í kommunalpolitikki. Annleyg var eitt skifti skrivari hjá tingbólki Sjálv­stýrisfloksins. Síðani september 2004 hevur hon verið við í tvørpolitiska kvinnubólkinum, sum hev­ ur arbeitt við upplýsandi tiltøkum fyri kvinnur við áhuga í politikki. Hini í nevndini eru: Rósa Samuelsen fyri Sam­bandsflokkin, Inga Dahl fyri Fólkaflokkin, Sól­fríð Fjallsbak fyri Tjóð­veldisflokkin, Hjørdis Há­berg Petersen fyri Miðflokkin, Kári á Rógvi fyri Javn­støðunevndina, Bergtóra Hanusardóttir fyri Kvinnufelagið, Eyðun Christiansen fyri Føroya Kommunufelag og Steinbjørn Jacobsen fyri Kommunu Samskipan Føroya Tá nevndin varð sett, 1. januar 2006, fekk hon tvey ár at arbeiða í. Men broytingar máttu gerast í vali av nevndarlimum. Tískil er nærum eitt hálvt ár farið av arbeiðstíðini hjá nevndini, uttan at nakað er gjørt. Eyðgunn Samuelsen vísir á, at peningurin, ið avsettur er til arbeiðið hjá nevndini er 150 krónur hvørt árið. – Fyri hesa upphædd fæst lítið av skafti, og ætlar nevndin at søkja um hægri játtan komandi fíggjarár, sigur hon. Nevndin hevði fund týsdagin 6. juni. Á næsta fundi, sum verður tann 8. august, er ætlanin at hava hugarok, har allir limirnir leggja fram síni hjartamál og hugskot. Brandur Enni og bólkur hans­ ara Anytime verð­ur millum nøvn­ini á ársins Jóansøkufestivali, ið verður hildin í Vági í ár Festival summarið Niels Uni Dam nielsuni@sosialurin.fo Jóansøkufestivalurin byrjar alt meira at taka skap og festivalurin kunnger í dag, at Anytime við Brandi Enni verur á skránni hjá festivalinum við sínum popp rokki. Brandur Enni er farin frá støðuni sum barnastjørna til at vera oddamaður í einum bólki, ið spælir hansara løg. Bólkurin varð stovnaður í fjør, tá Brandur var liðugur í fólkaskúlanum og saman við nøkrum vinmonnum avgjørdi at stovna ein bólk. Bólkur luttók á Asfalt síðsta vikuskiftið, og sambært um­mælaranum hjá Dimmu, var konsertin sera góð. Brandur hevur seinasta árið verið fleiri ferðir í Svøríki og smíðað nýggjar sangir í samstarrið við ymiskum kendum sangskrivarum. Anytime er: Brandur Enni, sang, gittar, trompet og kornett, Leivur Sam­ uelsen, trummur, Bárður Poul­sen, bass, Sveinur Dam, el-gittar, Heini Ragn­ arson, trompet og Jákup Wardum, klaver. Jóansøkufestivalurin hev­­ur avdúka stóran part av skránni til festivalin, men nú tríggjar vikur eru eftir til festivalurin fer av bakkastokki, eru enn eini 5-6 nøvn eftir at kunngera, sigur Dennis Holm fyri­ skipari. Higartil hevur Jóan­søku­ festivalurin kunngjørt hesi trettan nøvnini: Andrew Strong, Carpark North, Páll Finnur Páll, Thorbjørn Risager: Blue 7, Den Danske Mafia, Land og Synir, Deja Vu, Gogo Blues, Maria Guttesen, Rasmus Lyberth, 200, Robert og Vinmenn og Anytime. G! aktuelli Mugison spældi fyrstu konsertina á Havne Scenen í Keypmannahavn í ár, og vísti at Norðurbryggjan hevur møguleika fyri at víðka um virksemi sítt Konsert Niels Uni Dam nielsuni@sosialurin.fo Mugison á konsert er ein spennandi uppliving, ið er torfør at seta í bás. Hósdagin spældi íslendski tónlistarligi gandakallurin Mugison á einum flótipalli við Norðurbryggjuna í Keypmannahavn, og hóast skiftandi veður var upplivingin frálík. Tey flestu, ið høvdu leitað sær á bryggjuna vóru íslendingar, men onkur føroyingur var ímillum tey nøkur hundrað fólkini, ið vóru savnaði á bryggjuni. Planet.fo var framvið eina løtu, og vit upplivdu góðan stemning, sól, regn og eitt slag av tónleiki, ið er heilt egið – ella okkurt heilt annað. Mugison og tónleikararnir hjá honum á bassi og trumm­ um høvdu ein óvanliga respektleysan máta at ferðast innan tónleikagreinar, eina løtu minti tað mest um blús, síðan um kontri, síðan um rokk og enntá tung málm, alt í einum lagi. Mugison hevur stutt sagt onga respekt fyri reglum, um hvussu tú skalt ljóða ella ikki ljóða. Hetta var fríksligt og fekk tankarnar at leita til sovorðnar tón­ listarligar úrmælingar sum Beck Hansen. Tað er eingin ivi um, at tey, ið ætla sær á G! Festivalin hava nakað heilt serligt at gleða seg til. Hetta var fyrstu ferð, at Norðurbryggjan tók Havne­ scenen, ið flóti­pallurin eitur, í nýtslu og hetta var væl eydna, tað er ikki ringt at ímynda sær Eivør ella Teitur við bólki á hesum palli, ella kanska tey bæði, ein heitan summar dag. Asfalt – eisini ein sigur fyri stríðið móti vápnum Amnesty International savnaði inn 300 and­lits­ myndir á Asfalt, sum partur av Control Arms mótmælinum. Við hes­ um er talið á andlitum, ið Føroya deildin hjá Amnesty International hevur savnað inn, komið upp á 1000 myndir. Amnesty International er í løtuni í ferð við átakið Control Arms, ið hevur til endamáls at fáa ein ST-sáttmála um altjóða vápnaeftirlit samtyktan. Í hesum sambandi fór Føroya deild felagsins í samstarv við Asfalt. Control Arms átakið er øðrvísi enn onnur átøk, her vera andlitsmyndir savnaðar inn í staðin fyri undirskriftir. Ætlanin er, at í minsta lagi ein millión menniskju skulu vísa sítt andlit til frama fyri, at ST-sáttmálin verð­­­ur samtyktur. 1500 av hesum andlita­ myndum skulu koma úr Føroyum. Áður hev­ ur Amnesty savnað myndir inn á konsert í Margarinfabrikkini og tá Norðoyartunnilin lat upp. Á asfalt fara umboð frá Amnesty at vera á staðnum og taka myndir. nud Braquet slapp við á Cornerstone Festivalin Í sambandi við kon­sert­ ferð sína í USA, luttók Braquet í eini kapping um at spæla á Cornerstone Festivalinum beint utt­ an fyri Chicago, sum eitur New Band Show­ case, føroyski bólkurin megnaði at gerast numm­ ar 5. Teir 16 fremstu bólkarnir sluppu at spæla á festivalinum. 5. plássi merkir at Braquet sleppur at spæla tvær konsertir á festivalinum. Kappingin varð av­ gjørd við atkvøðum á al­netsíðuni hjá festi­ valinum. Sum vanligt vóru føroyingar trúgvir at stuðla sínum, og nógv atkvøddu fyri Braquet fyrstu tíðina, einu tíðina lá bólkurin á fjórða plássi, men datt síðan spakuliga niður á 12 pláss. nud Eyðgunn Samuelsen formaður í kvinnupolitisku nevndini Anytime á Jóansøkufestivalinum Tónlistarligur gandakallur á Norðurbryggjuni Mugison er sera torførur at seta í bás Eyðgunn Samuelsen