mikudagur 7. juni 2006síða 7

Nr. 107 - 7. juni 2006  Nýggjasta Outsider Magazin, ið júst er útkomið, telur ikki færri enn 294 blaðsíður. Hetta er samstundis størsta mentanartíðarritið útgivið á føroyskum nakrantíð Tíðarrit Anna V. Ellingsgaard anna@sosialurin.fo Nýggjasta Outsider er ein sokallað dupultútgáva, har blað nr. 2 og 3 eru savnaði í einum. Við í blaðnum hesuferð eru bókmentaviðgerðir, týðingar, nýtt føroyskt upprunatilfar, harav fleiri debutantar. Eisini er tilfar um føroyska myndlist og tónleik. Við heilt fáum undantøkum er tilfarið í Outsider hesuferð skrivað á føroyskum Tema: Norðurlendskar bókmentir 2000-2006 Tema í Outsider hesuferð er rák innan norðurlendska samtíðarmentan og –bók­ mentir. Við hesum vil rit­ stjórnin gera føroyska lesaran varugan við norðurlendska bókmenta- og listapallin, og eisini geva føroyskum bókmentum høvi at gera vart við seg kring Norðurlond. Í temapartinum eru sam­ røður við høvundar sum t.d. Johan Harstad, ið skrivaði bókina ”Buzz Aldrin hvor ble det av deg i alt myldret”, Thomas Boberg, innstillaður til Norðurlandavirðislønina 2006 og Lone Hørslev, kendur yngri høvundur í Danmark og blaðstjóri. Við eru eisini yrkjarar og høv­undar sum Einar Már Gud­mundsson úr Íslandi, Pablo Hendrik Llambias, høv­undur og lærari á Rit­ høvundaskúlanum í Dan­ mark, svenski yrkjarin Sofia Stenström, ið varð innstillað sum ársins debutantur í 2005, finskt/svenski yrkjarin Oscar Rossi, ið hevur fingið fleiri virðislønir í Finlandi, og íslendski høvundurin Eiríkur Ørn Norðdal, ið hevur skrivað eina skaldsøgu, ið m.a. gongur fyri seg í Føroyum. Harumframt eru nógvir yngri íslendskir yrkjarar við. Ein niðurstøða í tema­ blaðinum er, at eftir mest sum at hava sett dagsskránna á mentanarpallinum sein­ astu 10- 15 árini, tykist post­modernisman umsíðir at vera avblást – bæði innan norðurlendskar bókmentir og av onkrum, sum annars hevur gingið á odda í hesum ráki i Føroyum. Føroyskt tilfar Outsider Magazin hevur hesu­ferð sett sær fyri at ummæla allar føroyskar bøkur, ið komu út undan jólum í fjør. Millum annað hevur Bergur Rønne Moberg drúgva viðgerð av bókini Ó eftur Carl Johan Jensen, umframt at Kim Simonsen lýsir broytingar innan yrking í dag. Millum tey, ið hava skrivað føroyskt upprunatilfar í Outsider hesuferð, kunnu nevnast Jóanes Nielsen, Alex­andur Kristiansen, Petur Pálsson Jensen, Arn­ bjørn Dalsgaard, Bergur Rønne Moberg, Firouz Gaini, Kim Simonsen, Pauli Gudjónsson, Vónbjørt V. Linjonsdóttir, Torfinn Jákupsson, Olga Marklova, Martin Mouritsen, Agnar Jógvansson og onnur. Outsider á G! Seinni í ár fer Outsider Mag­ a­zin saman við G! at skipa fyri bókmentatiltøkum á G! Festivalinum. Tað er longu eydnast at fáa Johan Harstad at koma framvið á festivalinum í ár, og í løtuni verður arbeitt við at fáa fleiri av høvundunum, ið eru við í Outsider Magazin 2/3, at verða við á G! festivalinum. Sum kunnugt hevur Out­ sider Magazin í ár skipað fyri forvitnisligari kapping millum yrkingar skrivaðar á sms málið. Í dómsnevndini hava sitið Firouz Gaini, Kim Simonsen og Petur Pólson, ið nú eru komnir á mál í døm­iningi millum nógvu inn­komnu yrkingarnar. Vinn­ ararnir av kappingni verða kunngjørdir á móttøku á Dimmalætting leygardagin kl 16 í sambandi við útgávuna av Outsider Magazin 2/3. OUTSIDER Magazin út sum dupultblað Tvey bløð eru savnað í einum í nýggjastu útgávuni av Outsider Magazin, ið telur ikki færri enn 294 blaðsíður