týsdagur 20. juni 2006síða 9

9 Nr. 116 - 20. juni 2006 Stutt sagt Belgiskar smágentur horvnar útland SAMBAND Árni Joensen fartekst@mail.dk tlf 341800 fax 341801 Løgreglan er sannførd um, at tað var Abdallah Aid Oud, sum burturflutti ta sjey ára gomlu Stacy Lem­ mens og ta tíggju ára gomlu Nathalie Mahy í næstsíðstu viku. Tað heldur dómsvald­ ið eisini, og tí hevur rættur­ in í býnum Liége gjørt av, at maðurin skal sita í varð­ haldinum fjúrtan dagar aftur­­at. Myndugleikarnir hava sett fleiri løgreglumenn at leita eftir teimum báðum horvnu gentunum, og um vikuskiftið vóru pápi Stacy og mamma Nathalie til av­hoyringar í fleiri tímar hvør sær. Tær báðar gentur­ nar hvurvu tann 10. juni, eftir at tær høvdu spælt uttan fyri eitt vertshús í Liége. Abdallah Aid Oud slapp leysur úr einum belgiskum fongsli í desember í fjør, har hann hevði sitið, tí hann hevði neyðtikið eina unga gentu. Løgreglan hevur fingið at vita, at hann var nærhendis vertshúsinum í Liége tann dagin, tær báðar genturnar hvurvu, og tí bleiv hann tikin. Men Ab­ dallah sýtir fyri at hava burturflutt tær báðar. Í gjár leitaðu løgreglu­ menn í einum gomlum námi nærhendis Liége, men til fánýtis, og kavarar, sum leitaðu í ánni Meuse, ið rennur ígjøgnum býin, funnu heldur einki. – Vit hava eingi spor at ganga eftir, viðgongur talsmaðurin hjá løgregluni, Alain Remue, fyri AP. Stacy Lemmens og Nathalie Mahy hvurvu tann 10. juni, og síðani hevur eingin borið eyga við tær. Løgreglan heldur seg hava funnið burturflytaran, men genturnar eru ikki at finna. Burturflyting Árni Joensen fartekst@mail.dk Iran kann gera kjarn­ orku­­bumbu um fýra ár Hans Blix sigur, at sleppur Iran at ríka nóg mikið av urani tey næstu árini, verður landið ført fyri at gera sína fyrstu kjarnorkubumbu inn­an 2010. Hann heldur kortini ikki, at teir iransku leiðararnir veruliga ætla at gera eina kjarnorkubumbu, men leggur afturat: – Tað kann broytast. Teir fimm føstu limirnir í ST-trygdarráðnum hava saman við Týsklandi lat­ið iranska stýrinum eitt upp­ skot um, hvussu stríðið um landsins kjarnorkuætlan kann loysast, men enn hevur Teheran ikki svarað. Sambært uppskotinum hjá teimum seks londunum skal Iran sleppa ætlanini at ríka uran, men higartil hevur iranska stýrið hildið uppá, at landið hevur rætt til at ríka uran. Hans Blix sigur við AP- tíðindastovuna, at sjálvt um tey flestu londini geva iranum rætt í, at teir hava rætt til at byggja kjarnorkuverk til orkuframleiðslu, so fer Vesturheimurin framvegis at seta seg upp ímóti teimum iransku ætlanunum. – Vesturheimurin hevur einki ímóti, at Iran kemur inn í kjarnorkuøldina. Men Vesturheimurin vil ikki hava iranar at ríka uran, tí tað fer at økja spenningin í Miðeystri. Tí vil Vestur­ heimurin heldur hava Iran at keypa uran uttanlands, sigur tann royndi svenski diplomaturin. Hans Blix heldur ikki, at Iran ætlar at gera kjarnorkuvápn, men tað kann broytast, sigur hann. Tað heldur Hans Blix, sum var leiðari hjá vápna­eftirlit­ smonnunum í Irak. Iran Árni Joensen fartekst@mail.dk Vil hava tjóðarhirðina til New Orleans Fólk í amerikanska bý­num New Orleans eru skelkað, eftir at fimm unglingar vórðu skotnir mitt í býnum seinasta vikuskiftið, og tey krevja, at býar­mynd­ ugleikarnir taka stig til at gera tað trygt at ganga í gøtunum. Ray Nagin, borgarstjóri, hevur svarað, at hann fer at gera alt fyri at gera býin tryggan, og hann hevur tí biðið landsmyndug­leik­ar­ nar senda menn úr tjóð­ arhirðini til New Orleans. Tað kann hava við sær, at býurin fær umleið 300 hermen og 60 løg­reglu­ menn adturat sínari egnu løgreglu, skrivar AP. Skottilburðurin seinasta leygardag var ein tann ringasti í søguni hjá New Orleans. Annars eru morð ikki óvanlig har, og higar­ til í ár hava 52 fólk latið lív í harðskapi av ymsum slagi. Krevja hermann fyri rættin Italska ákæruvaldið krev­ ur, at amerikanski her­ mnað­urin, sum skjeyt italska fregnar­tænastu­ mannin Nícola Calipari í Bagdad í fjør, skal fyri rættin. Tann 51 ára gamli Cali­ pati bleiv skotin, tá hann skuldi fjala italsku tíð­ indakvinnuna Giuliana Sgrena, sum júst var slopp­ in leys frá burtur­flytarum í irakska høvuðs­staðnum. Tá bilur teirra koyrdi fram við einari amerikanskari eftirlits­støð, skjeyt ein av amerikonsku hermonn­un­ um eftir honum og rakti Calipati so meint, at hann doyði. Amerikonsku myndug­ leikarnir halda uppá, at bilurin koyrdi skjótt, og at italiumenninir høvdu ikki varskógvað amerikan­ar­ar­ nar um, at talan var um ein fregnartænastubil. Men italiumenn siga, at bilurin koyrdi spakuliga, og at amerikanska her­ valdið hevði fingið at vita, at ein fríaður gísli var í bilinum. Nú krevur Italia, at tann amerikanski hermaðurin skal fyri rættin, og í Rom verður roknað við, at málið verður tikið upp, sjálvt um hermaðurin ikki kemur hagar. Hann verður ætlandi ákærdur fyri mann­ dráp og kann vænta sær fráverudóm, verður hann funnin sekur, sigur BBC. Hugsa um egin áhugamál Ein frágreiðing um menn­ ingarhjálp til tey fátæku londini avdúkar, at tað gerst meiri og meiri van­ ligt, at gevaralondini hugsa meiri um sína egnu trygd enn um viðurskiftini hjá teimum fátæku og illa støddu. Í Reality of Aid 2006, sum frágreiðingin eitur, stendur millum annað, at USA brúkar menningar­ hjálp sum lið í bardaga sínum ímóti yvirgangi, og at ein partur av hjálpini úr Avstralia til Indonesia og Filipsoyggjarnar skal brúkast til ymisk tiltøk, sum kunnu forða yvir­ gangi. – Skal stuðul til her­ naðarlig mál metast sum menningarhjálp, kann tað skjótt enda við, at tað verður tann minni parturin, sum fer til at hjálpa teim­ um fátæku. Tað má ikki henda, at menningarhjálp verður brúkt til hernaðar­ lig endamál, sigur Tony Tujan, sum er leiðari í Reality of Aid, við AP. Fann eina bjørn í køkinum Ein kvinna í Kanada gjørd­ ist ikki sørt kløkk, tá hon nú um dagarnar kom til hús, tí inni í køkinum stóð ein bjørn og át. Kvinnan leyp á dyr og kvikaði sær at ringja til løgregluna. Nakrir løg­reglu­menn vóru skjótir á staðið, men bjørnin tóktist ikki geva sær stórvegis far um teir. – Bjørnin var komin inn ígjøgnum eina skjótihurð, men hon stóð so friðarlig og át, at vit lótu hana eta seg metta. Síðani lótu vit hana fara útaftur og inn í skógin stutt frá húsunum hjá kvinnuni, sigur Paul Skelton hjá løgregluni í býnum Vancouver. Løgreglan í Vancouver sigur, at tað er vorðið rættiliga vanligt, at bjarnir taka seg fram at bygdum og býum. Tann eina dagin í síðstu viku fekk løgreglan ikki færri enn seks fráboðanir frá fólki, sum høvdu sæð bjarnir stutt frá húsunum. Vesturheimurin hevur einki ímóti, at Iran kemur inn í kjarn­orku­ øldina. Men Vesturheimurin vil ikki hava iranar at ríka uran Hans Blix, vápnaeftirlitsmaður tíðindi