mánadagur 26. juni 2006síða 16

Nr. 120 - 26. juni 2006 16 tíðindi Frægastu útróð­rar­ bátarnir, sum royna við línu, liggja um 100 pund á línuna, og nógv tann størsti parturin av veiðini er hýsa. Onkur bátur eisini gjørt hampiliga setur eftir hvítingi Útróður Vilmund Jacobsen vilmund@sosialurin.fo Vit vóru á Kósabrúnni í morg­un, tá ið útróð­rar­ báturin, Nevið Reyða, legði at landi. Teir høvdu roynt sunnanfyri – ella í Svínoyarhavinum, teir rópa. Á 30 línum høvdu teir millum 2.200 og 2.300 pund. Nógv tann størsti part­ urin av veiðini var hýsa, eini 200 pund var gráur fiskur. Nevið Reyða er ein 32 fót stórur glastrevjabátur av slagnum, Viksund. Báta­ eigari er Hendrik Sørensen, sum er ættaður av Viðareiði, men býr í Klaksvík. Teir seta við trakt. Agnið er høgg uslokkur og tað, sum rópt verður sauri. Hetta er ein sildafiskur, sum er væl bíligari enn makrelur. Tveir mans eru við bátin­ um á útróðri, meðan ein tekur sær av umrekingini á landi. Petur Juul Jacobsen, ið er annar av monnunum, sum við eru, sigur, at fiski­skap­ urin vanliga er smáligur hesa tíðina av árinum. – Onkur annar bátur royndi norðanfyri okkum síðstu nátt, kanska nakað ytri, og teir fingu væl av hvítingi. Sum vit skiltu, hevði hesin báturin um­leið 100 pund á línuni, harav meginparturin var hvít­ing­ ur. Útróðrarmaðurin letur væl at hýsuprísinum, sum munar væl, nú útróðurin er so slakur. – Eg haldi, vit fáa einar 15 krónur í miðal fyri hýsuna, og tað er góður prísur. Annars ligg ur hýsuprísurin upp í einar 18 krónur fyri kilo, sigur hann. Petur Juul Jacobsen sig­ur, at tað gongur væl hjá teimum at fáa línuna umriknað til hvønn túrin. Nevið Reyða roynir við línu alt árið. Útróðrarbátar í Klaksvík hava smáligan fiskiskap Froya landar í Klaksvík Fiskivinna Vilmund Jacobsen vilmund@sosialurin.fo Í morgun landar línu­ skipið, Froya, í Klaks­ vík. Pól Fuglø, landing­ ar­formaður á Land­ing­ armiðstøð Føroya, veit at siga, at teir hava millum 75.000 og 80.000 pund, meginparturin longa og brosma. Línuskipið, Grani, land­ar í morgin. Teir hava eini 110.000 pund. Seinni í vikuni koma Gáshøvdi, sum trolar uttan fyri og Varðin, sum trolar á landleiðini, inn at landa. Línuskipið, Núpur, sum er undir Íslandi, kemur eisini inn at landa í vikuni. Pól Fuglø væntar, at Núpur kemur hósdagin. Bedingin hjá Klaks­ víkar Skipa­smiðju er eldri enn bedingin hjá Klaksvíkar Sleipistøð, hóast báðar hava sínar røtur tíðliga í farnu øld Handverksvinna Vilmund Jacobsen vilmund@sosialurin.fo Brunnbáturin, Tjørnunes, stendur í løtuni uppi á Klaksvíkar Skipasmiðju, sum lítla beding í Klaksvík verður rópt. Tjørnunes er brunnbáturin hjá East Salmon. Hann er smíðaður hjá Brøðrunum Petersen í Fuglafiðri og longdur á Tórshavnar Skipa­ smiðju. Á lítlu beding skal Tjørnu­nes sýnast og hava aksiltrekk, og eisini verður báturin pussaður upp, með­an hann stendur á bed­ ingini. Bjaringarbáturin, Ziska, hevur eisini verið uppi á bedingini hjá Klaksvíkar Skipasmiðju, har hann er reinsaður og botnmálaður. Ziska er júst farin av aftur bedingini. Gomul beding Bedingin hjá Klaksvíkar Skipasmiðju er eldri enn bedingin hjá Klaksvíkar Sleipistøð, hóast báðar hava sínar røtur tíðliga í farnu øld. Tað vóru Kjølbro og Dáv­ ur í Gerðum, skipari, sum løgdu lunnar undir ta størru bedingina í 1928 og Aksel Olsen og brøður hansara, sum løgdu lunnar undir lítlu beding longu í 1919. Aksel var sonur Húsa- Pól. Bedingin hjá Klaksvíkar Skipasmiðju er nú í triðja ættarliði og maðurin, sum stendur aftanfyri bedingina í dag, er Martin Olsen. Upp til 100 tons Martin sigur, at teir plaga at vera fýra mans til arbeiðis á bedingini, men í løtuni eru teir trígg ir. – Vit taka skip og bátar upp, sum eru minni enn 100 tons. Hann vísir á, at tað mesta, teir takast við á bedingini, er timburarbeiði, har timb­ urskip verða umvæld. Sjálvur er Martin útbúgv­ in skipstimbrari, og tá ið norðoyingar settu Dragan í stand, var hann maðurin, sum legði teimum lag á í fríløtunum. – Um veturin er minni at gera, men um summarið er meira lív í á bedingini. Martin Olsen sigur, at Klaksvíkar Skipasmiðja ger lítið við maskinumvælingar, men teir hava nógv aksil­ trekk og annars uttandura­ arbeiði við bátar og smærri skip. Á lítlu beding skal Tjørnunes sýnast og hava aksiltrekk, og eisini verður báturin pussaður upp, meðan hann stendur á bedingini Mynd: Vilmund Jacobsen Pól Fuglø, landingarformaður og Petur Juul Jacobsen, útróðrarmaður, sum júst er afturkomin við útróðrarbátinum, Nevinum Reyða Mynd: Vilmund Jacobsen Nevið Reyða leggur at landi. Teir hava roynt í Svínoyarhavinum í nátt. Meginparturin av veiðini er hýsa Mynd: Vilmund Jacobsen Tjørnunes á lítlu beding í Klaksvík