mánadagur 26. juni 2006síða 28

28 [ Nr. 120 - 26. juni 2006 ] Bara næsti heima­ sigurin hjá B36 í ár kom til høldar, tá teir sunnudagin sýndu munin á ovaru og niðaru hálvu á stigatalvuni Fótbóltur Jákup Mørk jakup@sosialurin.fo At HM-fótbóltur er á skránni sást millum ann­ að á áskoðaratalinum í Gundadali sunnudagin. B36-skýlið var valla meira enn hálvfult, og fáu tandr­ ini, sum stuðlaðu vitjandi liðnum rúgvaðu ikki stór­ vegis í stóra skýlinum vest­ aru megin vøllin í Gunda­ dali. Heppin og vøkur mál Sum so mundu tey, sum høvdu valt Ongland og Ecua­dor framum, heldur ikki missa tað heilt stóra. Snøgt sagt, so var munurin millum liðini fyri tað nógva ov stórur, til at veruligur spenningur kom í. B36 var frá byrjan betra liðið, men tað skuldi nakað av hepni til, áðrenn teir fingu lagt seg á odda. Tað sá ikki serliga vandamikið út, tá Sylla legði bóltin flatt fram móti málinum, men onkursvegna droppaði Andras Gango fullkomuliga, og so smoygdi bólturin sær spakuliga í málið. Var fyrsta málið heppið, var talan hinvegin um sanna perlu, tá Bergur Mid­jord økti til 2-0. Skjótt B36 uppspæl endaði við, at Kenneth Jacobsen spældi djúpt til Berg, sum var ísa­ kaldur, tá hann lyfti upp um málverjan. Tað eydnaðist fuglfirð­ ingum at skapa nakað av spenningi, tá Høgni Zachariassen stútaði væl tikið fríspark í kassan, men tað lá tó alla tíðina í luftini, at heimaliðið skuldi enda omaná. Tað gjørdi eisini spælið hjá B36 nakað róligari, at Obi stutt undan steðginum økti til 3-1 eftir sera gott forarbeiði av Hanusi Thor­ leifsson. Eftir steðgin tóktist B36 í mest møguligan mun at hugsa um at koyra sigurin heim. Komandi um­farið verður talan um týdningarmikla granna­upp­ gerð móti HB, og eitt nú vóru Mikkjal Thomassen og Kenneth Jacobsen í vanda fyri leikbanni, um teir fingu gult kort. Fuglfirðingar kundu kanska bitið nakað frá sær, um hepnið var við teimum, tá teir høvdu einar tveir- tríggjar møguleikar, men Jákup Mikkelsen stóð stinn­ ur, tær fáu ferðirnar, vandi var á ferð. Og móti dystarenda gjørd­ ist sigurin ein staðfesting, tá Hanus Thorleifsson gjørdi sær dælt av sløsutum verjuspæli frá Fritleif í Lamb­anum. Tunnir fuglfirðingar Sum heild má sigast, at dyst­ urin staðfesti tann munin, sum er millum ovaru og niðaru hálvu av stigatalvuni. Hjá fuglfirðingum kom tað annars illa við, at teir máttu vera fleiri av vanliga føstu spælarunum fyriuttan, tá hesir vóru antin leikbannað­ ir ella skaddir. Júst hetta er kanska ein av fremstu orsøkunum til verandi støðu hjá ÍF, og um ikki annað, so munnu teir fegnast um, at eitt nú Bartal Eliasen er tøkur komandi umfarið. Tá hevur ÍF týdn­ ingarmiklan heimadyst móti VB/Sumba á skránni, og meira enn nakað man hetta vera møguleikin, har ÍF skal skræða seg úr botn­ inum. Sunnukvøldið og mánamorgunin vóru video-brot at síggja á alnetinum. Talan er fyrstu livandi ítróttarmyndirnar, sum Miðfelagið hevur framleitt til alnetið Ítróttur Jákup Mørk jakup@sosialurin.fo Fyri trimum vikum síðani gjørdu Miðlafelagið og ÍSF avtalu, sum gav Miðla­felagnum loyvi at senda livandi ljóð og myndir frá føroyskum ítrótti. Fyrsta úrslitið av hesi av­taluni sæst nú portalinum. Á høv­uðssiðuni ber til at velja ”kykmynd”, og síð­ani opna hesar eitt nýtt vind­eyga, har klippini verða sýnd. Talan er um royndar­avtalu, og at byrja við er framleiðsluorkan avmark­að, og verður talan tí ikki um klipp frá eitt nú øllum dystunum í Formula-deild­ini. Hinvegin verður miðað eftir at hava ein breiðan dekning av føroyskum itrótt­artilfari. Eitt nú er talan hetta vikuskifti um myndir frá tveimum dystum í Formula- deildini, umframt at kappróður og –renning frá jóansøkuni eisini verður at síggja. Best er, um teldan, sum tu situr við, hevur breiðband, ta hyggjast skal at klippunum. Neyðugt er eisini at hava Windows Media Player. B36-ÍF 4-1 (3-1): B36 fekk hol á málskjótingina Fyrstu video-klippini á portalinum Alvin Ellebye Andersen er her í ferð við at klippa fyrstu innsløgini, sum nú síggjast á portalinum Fagnaðurin hjá hvíta havnarliðnum var stórur, tá teir loksins fingu hol á málskjótingina. 4-1 gjørdist úrslitið í sann­ førandi heimasigrinum móti ÍF savnsmynd